சூர்யவன்ஷிக்கு வாய்ப்பு உண்டா...? இந்திய அணியின் பிளேயிங் 11 மாற்றங்கள் என்ன?

அக். 6இல் தொடங்கும் டி20ஐ தொடர்

இந்தியா - மேற்கு இந்திய தீவுகள் அணிகளுக்கு எதிரான ஓடிஐ தொடர் நிறைவடைந்துவிட்டது. இந்திய அணி 2-1 என்ற கணக்கில் ஓடிஐ தொடரை வென்றது. இரு அணிகளுக்கும் எதிரான டி20ஐ தொடர் வரும் அக். 6ஆம் தேதி தொடங்குகிறது.

டி20ஐ தொடர் அட்டவணை

அக். 6, அக். 9, அக். 11, அக். 14, அக். 17 ஆகிய தேதிகளில் முறையே லக்னோ, ராஞ்சி, இந்தூர், ஹைதராபாத், பெங்களூரு உள்ளிட்ட மைதானங்களில் ஐந்து டி20ஐ போட்டிகளும் நடைபெற இருக்கின்றன. ஆசிய விளையாட்டுத் தொடரில் தங்கப் பதக்கத்தை வென்ற கையோடு இந்திய டி20ஐ அணி இத்தொடருக்கு வருகை தர இருக்கிறது.

ஜப்பானில் பிளேயிங் லெவன் காம்பினேஷன்

ஆசிய விளையாட்டுத் தொடரில் வைபவ் சூர்யவன்ஷி பிளேயிங் லெவனில் இருந்தார். மேலும், பிரீமியம் வேகப்பந்துவீச்சாளராக பும்ராவும் சிவம் தூபேவும் மட்டுமே விளையாடினார். அர்ஷ்தீப் சிங் கூட விளையாடவில்லை. ஜப்பானில் சுழலுக்கு அதிக சாதகம் இருந்ததால் அதிக சுழற்பந்துவீச்சாளர்களுடன் இந்திய அணி விளையாடியது. அக்சர் பட்டேல், வாஷிங்டன் சுந்தர், ரவி பிஷ்னோய் ஆகியோர் விளையாடினர். நம்பர் 9 வரை பேட்டர்களே இருந்தார்கள்.

இந்திய அணி ஸ்குவாடில் யாருக்கு வாய்ப்பு?

ஆனால், மேற்கு இந்திய தீவுகள் அணிக்கு எதிரான டி20ஐ தொடரில் இந்திய அணி ஸ்குவாடில் வாஷிங்டன் சுந்தருக்கு பதில் நமன் திர் சேர்க்கப்பட்டுள்ளார். பும்ராவுக்கு ஆகியோருக்கு ஓய்வு வழங்கப்பட்டுள்ளது. மயங்க் யாதவ், பிரின்ஸ் யாதவ் ஆகியோருக்கு வாய்ப்பு வழங்கப்பட்டுள்ளது. வருண் சக்ரவர்த்தி காயமடைந்ததால் குல்தீப் யாதவிற்கு டி20ஐ அணியில் நீண்ட நாளுக்கு பின் வாய்ப்பு கிடைத்துள்ளது.

இந்திய அணி பிளேயிங் லெவன் கணிப்பு

சஞ்சு சாம்சன் (விக்கெட் கீப்பர்), அபிஷேக் சர்மா, இஷான் கிஷன், ஷ்ரேயாஸ் ஐயர் (கேப்டன்), திலக் வர்மா, நிதிஷ் குமார் ரெட்டி/சிவம் தூபே, நமன் திர், அக்சர் பட்டேல், குல்தீப் யாதவ், அர்ஷ்தீப் சிங், மயங்க் யாதவ். பிரின்ஸ் யாதவ், வைபவ் சூர்யவன்ஷி, ரவி பிஷ்னோய் ஆகியோர் பெஞ்சில் இருப்பார்கள். வைபவ் சூர்யவன்ஷிக்கு வாய்ப்பளிக்கப்பட்டால் ஒரு வேகப்பந்துவீச்சு ஆல்-ரவுண்டர் குறைக்கப்படலாம்.