பெருந்தலைவர் காமராஜர் காலை உணவுத் திட்ட விரிவாக்கம்: தமிழக அரசு வெளியிட்ட செயல்பாட்டு நடைமுறைகள்

Tamil Nadu Breakfast Scheme: அரசு மற்றும் அரசு உதவி பெறும் பள்ளிகளில் 6 முதல் 8-ஆம் வகுப்பு வரையிலான மாணவர்களுக்கும் 'பெருந்தலைவர் காமராஜர் காலை உணவுத் திட்டத்தை' (Perunthalaivar Kamarajar Breakfast Scheme - PKBFS) விரிவுபடுத்துவதற்கு முன்னதாக, உணவு தயாரிப்பு, பணியாளர் நியமனம், சுகாதாரம், கண்காணிப்பு மற்றும் தரக் கட்டுப்பாடு ஆகியவை குறித்த சீரான வழிகாட்டுதல்களை உள்ளடக்கிய விரிவான நிலையான செயல்பாட்டு நடைமுறையை (SOP) தமிழ்நாடு அரசு வெளியிட்டுள்ளது.

தமிழ்நாடு அரசு உத்தரவு

• அரசு அளித்துள்ள நடைமுறைகளின்படி, சுயஉதவிக் குழு (SHG) உறுப்பினர்கள் காலை உணவைச் சமைத்து பரிமாறுவார்கள்.
• தேர்ந்தெடுக்கப்படும் உறுப்பினர்கள், மாநில ஊரக வாழ்வாதார இயக்கத்தின் கீழ் உள்ள சுயஉதவிக் குழுவில் குறைந்தது மூன்று ஆண்டுகள் அனுபவம் கொண்டவராகவும், அதே கிராமம் அல்லது பேரூராட்சியில் வசிப்பவராகவும், உணவு தயாரிப்பதில் அடிப்படை அறிவு கொண்டவராகவும் இருக்க வேண்டும்.
• இவர்களது குழந்தைகளும் அதே பள்ளியில் பயில வேண்டும்.
• உறுப்பினர்கள் 10-ஆம் வகுப்பு வரை படித்திருக்க வேண்டும்.
• மலைப்பகுதிகள், தொலைதூரப் பகுதிகள் மற்றும் பழங்குடியினப் பகுதிகளில் 8-ஆம் வகுப்பு வரை படித்திருந்தாலும் அனுமதிக்கப்படும்.
• மேலும், அவர்களிடம் இணைய வசதி கொண்ட ஆண்ட்ராய்டு (Android) கைபேசி இருக்க வேண்டும்.
• வங்கி அல்லது கூட்டமைப்பு கடன்களைத் தவறாமல் திருப்பிச் செலுத்தியதற்கான பதிவுகள் இருக்க வேண்டும்.

மேலும் படிக்க | CM விஜய்யின் 100 நாள் ஆட்சி.. தவெக அரசின் சாதனைகளும், சோதனைகளும்.. முழு லிஸ்ட்!

பெருந்தலைவர் காமராஜர் காலை உணவுத் திட்டம்: இந்த பயிற்சி அவசியம்

• தேர்ந்தெடுக்கப்பட்ட சுயஉதவிக் குழு உறுப்பினர்கள், இத்திட்டம் தொடங்குவதற்கு முன் சமையல் திறன் மற்றும் உணவுப் பாதுகாப்பு குறித்த பயிற்சியைப் பெற வேண்டும்.
• அங்கீகரிக்கப்பட்ட உணவுப் பட்டியல், சுகாதாரமான முறையில் உணவைக் கையாளுதல், பாதுகாப்பான சமையல், பதிவேடுகளைப் பராமரித்தல் மற்றும் PKBFS செயலி (mobile app) மூலம் தரவுகளைப் பதிவேற்றுதல் ஆகியவற்றுக்கான பயிற்சி கட்டாயமாகும்.
• இப்பயிற்சி திட்டம் செயல்படுத்தப்படுவதற்கு 15 நாட்களுக்கு முன்பே முடிக்கப்பட வேண்டும்.

பெருந்தலைவர் காமராஜர் காலை உணவுத் திட்டம்: கால அட்டவணை

தினசரி செயல்பாட்டிற்கான கால அட்டவணையை இவ்வழிகாட்டுதல்கள் வரையறுக்கின்றன. இதன்படி, பின்வரும் அட்டவணை பின்பற்றப்பட வேண்டும்:

மேலும் படிக்க | காஞ்சிபுரத்தில் இரட்டை கொலை.. கோயில் திருவிழாவில் ஷாக்.. நடந்தது என்ன?

உணவுப் பொருட்களுக்கான கொள்முதல்

அரிசி, உப்பு, எண்ணெய் மற்றும் பருப்பு வகைகள் போன்ற முக்கியப் பொருட்களை உள்ளூரில் கொள்முதல் செய்யக் கூடாது என்றும், அவற்றை தமிழ்நாடு நுகர்பொருள் வாணிபக் கழகத்தின் மூலமாக மட்டுமே பெற வேண்டும் என்றும் இந்த நடைமுறைகள் கட்டாயமாக்குகின்றன.

காய்கறிகளை உள்ளூரில் வாங்கலாம் அல்லது பள்ளி அல்லது ஊராட்சிக்குச் சொந்தமான காய்கறித் தோட்டங்களில் பயிரிடலாம்.

சுயஉதவிக் குழு உறுப்பினருக்கு ரூ. 1,500 விநியோகக் கட்டணம்

10-க்கும் குறைவான மாணவர்களைக் கொண்ட பள்ளிகளுக்குத் தனி சமையலறை தேவையில்லை; அப்பள்ளிகளை அருகிலுள்ள பெரிய மையங்களுடன் இணைக்கலாம். இத்தகைய பள்ளிகளுக்கு உணவை விநியோகிக்கும் சுயஉதவிக் குழு உறுப்பினருக்கு விநியோகக் கட்டணமாக ரூ. 1,500 வழங்கப்படும்.

தரநிலைகளைப் பராமரிக்க சிறப்பு முயற்சி

தரநிலைகளைப் பராமரிக்கும் பொருட்டு, பதிவேடுகளைத் தினமும் பராமரித்தல், இத்திட்டத்தின் அலைபேசி செயலி வாயிலாகப் புகைப்படங்களுடன் கூடிய அறிக்கையளித்தல், உணவு மாதிரிகளைப் பாதுகாத்தல், வழக்கமான ஆய்வுகள், சுயாதீன மதிப்பீடுகள் மற்றும் சமூகத் தணிக்கை ஆகியவற்றை அரசு கட்டாயமாக்கியுள்ளது.

மாநிலம் முழுவதும் 6 முதல் 8-ஆம் வகுப்பு வரையிலான மாணவர்களும் பயன்பெறும் வகையில் காலை உணவுத் திட்டம் விரிவுபடுத்தப்படும் நிலையில், சுகாதாரம், வெளிப்படைத்தன்மை மற்றும் பொறுப்புக்கூறல் ஆகியவற்றை உறுதி செய்வதே இந்த நடவடிக்கைகளின் நோக்கமாகும்.

மேலும் படிக்க | Tamil News LIVE : சட்டப்பேரவை அப்டேட்ஸ் - மானியக் கோரிக்கை விவாதம்