Explainer: அரசு ஊழியர்களின் சம்பளம், ஓய்வூதியத்தில் பம்பர் உயர்வுக்கு காரணமாகும் குடும்ப அலகு!! எப்படி தெரியுமா?

8th Pay Commission Family Unit: 8வது ஊதியக் குழுவின் அமலாக்கம் பற்றிய செய்திக்காக நாடு முழுதும் உள்ள மத்திய அரசு ஊழியர்களும் ஓய்வூதியதாரர்களும் ஆவலோடு காத்திருக்கிறார்கள். இதற்கிடையில் தற்போது ஊழியர்கள் மற்றும் ஓய்வூதியதாரர்களுக்கு ஒரு முக்கிய அப்டேட் கிடைத்துள்ளது.

8வது ஊதியக் குழு கூட்டங்கள்

• டெல்லியில் நடைபெற்ற 8-வது ஊதியக் குழுவின் சமீபத்திய கூட்டத்தைத் தொடர்ந்து, மத்திய அரசு ஊழியர்கள் மற்றும் ஓய்வூதியதாரர்களின் கவனம் இப்போது ஜெய்ப்பூரில் நடைபெறவுள்ள கூட்டத்தின் மீது திரும்பியுள்ளது.
• இதனைத் தொடர்ந்து சண்டிகர், சென்னை, புதுச்சேரி மற்றும் பிற நகரங்களிலும் கூட்டங்கள் நடைபெறவுள்ளன.
• ஊதியக் குழு உறுப்பினர்களைச் சந்திக்கும் ஊழியர் மற்றும் ஓய்வூதியதாரர் சங்கங்கள், ஊதியம், ஓய்வூதியம், படிகள், மருத்துவத் திட்டங்கள் மற்றும் பிற சலுகைகள் தொடர்பான கோரிக்கைகளை முன்வைத்துள்ளன.
• இந்த நிலையில், மற்றொரு முக்கியமான சூத்திரத்தில் மாற்றம் செய்ய வேண்டும் என்ற கோரிக்கையும் பல தரப்பிலிருந்தும் எழுந்துள்ளது.
• அதுதான் குடும்ப அலகு.

குடும்ப அலகு

மத்திய அரசு ஊழியர்களின் சம்பள நிர்ணயத்தில் ஃபிட்மெண்ட் ஃபாக்டர் (Fitment Factor) மற்றும் அகவிலைப்படி (Dearness Allowance) உயர்வு ஆகியவற்றுக்கு உள்ள முக்கியத்தவத்தைப் போலவே, 'குடும்ப அலகு' (Family Unit) என்ற அம்சத்திற்கும் அதிக முக்கியத்துவம் உள்ளது.

அகில இந்திய NPS ஊழியர்கள் கூட்டமைப்பின் (AINPSEF) தேசியத் தலைவர் டாக்டர் மஞ்சித் சிங் படேல் இந்தக் கோரிக்கையை ஊதியக் குழுவிடம் முன்வைத்தார். குடும்ப அலகு சூத்திரத்தில் மாற்றம் செய்வதன் மூலம் ஊதியம் மற்றும் ஓய்வூதியத்தில் குறிப்பிடத்தக்க உயர்வு ஏற்படக்கூடும் என்று அவர் விளக்கினார்.

மேலும் படிக்க | Explainer: 8வது ஊதியக் குழு... அகவிலைப்படி கணக்கீட்டில் மாற்றமா? ஊழியர்களுக்கு லாபமா, நஷ்டமா?

குடும்ப அலகை 3-லிருந்து 5-ஆக விரிவுபடுத்துவதற்கான கோரிக்கை

இதுவரை, ஊழியர், அவரது துணைவர் (கணவர் அல்லது மனைவி) மற்றும் இரண்டு குழந்தைகள் என மூன்று பேர் கொண்ட குடும்ப அலகின் அடிப்படையிலேயே 'ஃபிட்மென்ட் ஃபாக்டர்' தீர்மானிக்கப்பட்டு வந்ததாக டாக்டர் படேல் குறிப்பிட்டார். தற்போது, ​​இந்த அலகில் பெற்றோர்களையும் சேர்க்க வேண்டும் என்ற கோரிக்கை எழுந்துள்ளது.

3-குடும்ப அலகு சூத்திரம்

5-குடும்ப அலகு சூத்திரம்

சமூகப் பாதுகாப்பைக் கருத்தில் கொண்டு 'குடும்ப அலகு' எண்ணிக்கையை 3-லிருந்து 5-ஆக உயர்த்துவது ஒரு முக்கியமான கோரிக்கையாக முன்வைக்கப்பட்டுள்ளதாக டாக்டர் படேல் கூறியுள்ளார். அவர் கூறியதாவது:

"ஊழியர்கள் தங்கள் பெற்றோரைப் பராமரிக்கும் பொறுப்பையும் கொண்டிருப்பதால், குடும்ப அலகில் (family unit) பெற்றோர்களையும் சேர்த்துக்கொள்ள வேண்டும் என்பது ஒரு முக்கிய கோரிக்கையாக உள்ளது. ஊதியக் குழுக்களின் வரலாற்றிலேயே முதல் முறையாக, ஆண் மற்றும் பெண் ஊழியர்களுக்கு இடையிலான அலகு மதிப்பு (unit value) வேறுபாட்டை நீக்கி, இருவருக்கும் சமமாக தலா 1 அலகு என நிர்ணயிக்க வேண்டும் என்ற கோரிக்கையும் முன்வைக்கப்பட்டுள்ளது."

மேலும் படிக்க | 8வது ஊதியக் குழு: 2026-க்கு முன் பணி ஓய்வு பெற்ற ஓய்வூதியதாரர்களுக்கு ஓய்வூதிய திருத்தம் கிடைக்காதா?

ஊதியம் எவ்வளவு உயரக்கூடும்?

குடும்ப அலகு மாற்றப்பட்டால், சம்பளம் எவ்வளவு உயரும்? இதற்கான கணக்கீட்டை இங்கே புரிந்துகொள்ளலாம்.

சர்வதேச தொழிலாளர் அமைப்பின் (ILO) விதிமுறைகளின்படி, ஊதியத்தை நிர்ணயிக்கும்போது ஒரு அலகுக்கான வாழ்க்கைச் செலவு கணக்கில் எடுத்துக்கொள்ளப்படுகிறது என்று டாக்டர் படேல் விளக்கினார்.

• உதாரணமாக, உணவு, உடை, இருப்பிடம், கல்வி மற்றும் மருத்துவச் செலவுகள் ஆகியவற்றை ஒருங்கிணைத்துப் பார்க்கும்போது, ​​ஒரு நபருக்கான குறைந்தபட்ச வாழ்க்கைச் செலவு தற்போது ₹13,000 ஆக உள்ளது.
• பழைய '3 நபர் கொண்ட குடும்ப அலகு' (3-family unit) சூத்திரத்தின் அடிப்படையில் மதிப்பிடப்பட்ட குறைந்தபட்ச அடிப்படை ஊதியம் பின்வருமாறு இருக்கும்: 3 × 13,000 = ₹39,000
• புதிய '5 நபர் கொண்ட குடும்ப அலகு' (5-family unit) சூத்திரம் அங்கீகரிக்கப்பட்டால், மதிப்பிடப்பட்ட குறைந்தபட்ச அடிப்படை ஊதியம் பின்வருமாறு அமையும்: 5 × 13,000 = ₹65,000
• இதன் மூலம் ஊழியர்களின் அடிப்படை ஊதியத்தில் ₹26,000 உயர்வு ஏற்படும்.
• சதவீத அடிப்படையில் பார்த்தால், இது 66% உயர்வாகும்.

அடிப்படை ஊதியத்தின் அடிப்படையில் கணக்கிடப்படும் அகவிலைப்படி (Dearness Allowance), வீட்டு வாடகைப்படி (House Rent Allowance) மற்றும் பிற படிகள் ஆகியவை இதனுடன் தனியாகச் சேர்க்கப்படும். இதன் விளைவாக, ஊழியர்களின் ஊதியத்தில் கணிசமான உயர்வு ஏற்படும். மேலும், இந்த உயர்த்தப்பட்ட தொகையின் அடிப்படையில், ஓய்வுக்குப் பிறகு வழங்கப்படும் ஓய்வூதியமும் அதிகமாக இருக்கும்.

இந்த வகையில், மத்திய அரசு ஊழியர்களின் சம்பள உயர்வு மற்றும் ஓய்வூதியதாரர்களின் ஓய்வூதிய உயர்வு ஆகியவற்றில் குடும்ப அலகு ஒரு முக்கிய தாக்கத்தை ஏற்படுத்தும்.

மேலும் படிக்க | ஆண்டுக்கு 4 டிஏ உயர்வு, சூப்பரான சம்பள உயர்வு: ஊழியர் சங்க கோரிக்கைக்கு ஓகே சொல்லுமா மத்திய அரசு?