8வது ஊதியக் குழு: சம்பள உயர்வு, பதவி உயர்வு.... அஞ்சல் துறை ஊழியர்களின் முக்கிய கோரிக்கைகள் என்னென்ன?

8th Pay Commission: மத்திய அரசு ஊழியர்கள் மற்றும் ஓய்வூதியதாரர்களுக்கான ஊதிய, ஓய்வூதிய மாற்றங்களை பற்றி கலந்தாலோசிக்க 8வது ஊதியக் குழு நாடு முழுவதும் பல நகரங்களில் பல கூட்டங்களை நடத்தி வருகின்றது. அந்த வகையில், மத்திய அரசு மற்றும் அஞ்சல் துறை ஊழியர்களுக்கான ஊதியம் மற்றும் படிகள் குறித்த மாற்றங்களை விவாதிக்க, 8வது ஊதியக் குழுவின் கூட்டம் நேற்று பெங்களூருவில் தொடங்கியது.

தகுந்த ஊதிய உயர்வு வழங்கப்பட வேண்டும் என்று தேசிய அஞ்சல் துறை ஊழியர் சங்கங்களின் கூட்டமைப்பு (Federation of National Postal Organisations) வலுவாக வலியுறுத்தியுள்ளது.

பெங்களூருவில் கூட்டம்

8வது ஊதியக் குழு தனது முக்கியமான கூட்டத்தை நேற்று பெங்களூருவில் தொடங்கியது. பெங்களூருவில் நடைபெறும் இந்தக் கூட்டம் இன்று (அக்டோபர் 8-ஆம் தேதி) நிறைவடையும் என்று அதிகாரப்பூர்வ இணையதளம் தெரிவிக்கிறது. அதனைத் தொடர்ந்து, அக்டோபர் 22 மற்றும் 23 ஆகிய தேதிகளில் நடைபெறவுள்ள அடுத்தகட்டக் கூட்டங்களுக்காக இக்குழு மும்பை செல்லவுள்ளது.

அஞ்சல் துறை ஊழியர்கள்

ஊதியம், படிகள் மற்றும் பணிச்சூழல் தொடர்பான தகுதியுள்ள ஊழியர் சங்கங்களின் குறைகளை 8வது ஊதியக் குழு தற்போது கேட்டு வருகிறது. அஞ்சல் துறை ஊழியர்களும், குழுவின் பரிசீலனைக்காகப் பல்வேறு முக்கிய கோரிக்கைகளை உள்ளடக்கிய மனுவை இந்த ஆண்டின் தொடக்கத்தில் சமர்ப்பித்திருந்தனர்.

அஞ்சல் துறை ஊழியர்களின் கோரிக்கைகள் என்ன?

• 'ஹையர் செலக்ஷன் கிரேடு-I' (HSG-I) மற்றும் 'HSG-I (நான்-ஃபங்ஷனல் கிரேடு)' அதிகாரிகளின் ஊதியம் மற்றும் பதவிகளை 8-வது ஊதியக் குழு மாற்றியமைக்க வேண்டும் என்று அஞ்சல் துறை ஊழியர்கள் விரும்புகின்றனர். 
• இவ்வகையான அதிகாரிகள் தற்போது அஞ்சல் துறையில் மூத்த மேற்பார்வைப் பணிகளை மேற்கொண்டு வருகின்றனர். 
• தேசிய அஞ்சல் அமைப்புகளின் கூட்டமைப்பு (FNPO) தனது மனுவின் 10-வது அத்தியாயத்தில் இந்தக் குறிப்பிட்ட கோரிக்கையை விரிவாகக் குறிப்பிட்டுள்ளது. 
• HSG-I அதிகாரிகள் தற்போது அதிக பணிச்சுமையைக் கையாண்டாலும், பல ஆண்டுகளாக அவர்களுக்கான நிதிச் சலுகைகள் தொடர்ந்து குறைந்து வருவதாக அக்கூட்டமைப்பு சுட்டிக்காட்டியுள்ளது.

மேலும் படிக்க | Explainer: ரெப்போ விகிதத்தை அதிகரித்த RBI... கடன் EMI-ஐ குறைக்க உதவும் 4 எளிய வழிகள்

ஊதிய உயர்வுக்கான கோரிக்கை

HSG-I அதிகாரிகள் தலைமை அஞ்சல் நிலைய அதிகாரிகள் (Head Postmasters), துணை அஞ்சல் நிலைய அதிகாரிகள் மற்றும் முக்கிய அஞ்சல் நிலையங்களின் தலைவர்களாகப் பணியாற்றுகிறார்கள் என்று அந்த மனு விளக்குகிறது. இவர்கள் நிதி மேலாண்மை, நிர்வாகம், கருவூலப் பணிகள், டிஜிட்டல் பரிவர்த்தனைகள், பணியாளர் மேற்பார்வை மற்றும் விதிமுறைகளைத் தீவிரமாக அமல்படுத்துதல் ஆகிய பணிகளை மேற்கொள்கிறார்கள்.

பல்வேறு ஊதியக் குழுக்களின் கீழ், அஞ்சல் உதவியாளர்கள் (Postal Assistants) மற்றும் HSG-I அதிகாரிகளுக்கு இடையிலான மிகப்பெரிய ஊதிய இடைவெளியை FNPO சுட்டிக்காட்டியது. இந்த விகிதமானது பின்வரும் வகையில் இருந்துள்ளது:

• முதல் ஊதியக் குழுவின் போது 1:4.2 ஆக இருந்தது,
• பின்னர் இரண்டாவது குழுவில் 1:3 ஆக இருந்தது,
• மூன்றாவது ஊதியக் குழுவில் 1:2.1 ஆக இருந்தது,
• ஐந்தாவதில் ஊதியக் குழுவில் 1:1.6 ஆக இருந்தது
• ஆறாவது ஊதியக் குழுவில் 1:1.7 ஆக இருந்தது.

பதவி உயர்வு இடைவெளியைக் குறைத்த MACP அமைப்பு

7வது ஊதியக் குழுவின் கீழ் அறிமுகப்படுத்தப்பட்ட 'மாற்றியமைக்கப்பட்ட உறுதிசெய்யப்பட்ட பணி முன்னேற்றத் திட்டம்' (MACP) பதவி உயர்வுக்கான இடைவெளியை மேலும் குறைத்துவிட்டதாக அக்கூட்டமைப்பு வாதிட்டது. இத்திட்டம், வழக்கமான ஊழியர்கள் நிலையான பணி முன்னேற்றத்தின் மூலம் எளிதாக 'நிலை 7' (Level 7)-ஐ அடைய அனுமதிக்கிறது.

மேலும் படிக்க | Life Certificate: அக்டோபரில் எந்தெந்த ஓய்வூதியதாரர்கள் ஆயுள் சான்றிதழைச் சமர்ப்பிக்கலாம்? முக்கிய அப்டேட்!

FNPO-வின் புதிய முன்மொழிவுகள் என்ன?

• 8வது ஊதியக் குழுவிடம், HSG-I அதிகாரிகளுக்கு 'நிலை 9' (Level 9)-ஐயும், HSG-I (NFG) அதிகாரிகளுக்கு 'நிலை 10' (Level 10) அல்லது அதற்கும் மேலான நிலையையும் வழங்குமாறு FNPO முன்மொழிந்துள்ளது. 
• மேலும், 'குரூப்-பி கெஜட்டட்' (Group B Gazetted) அந்தஸ்து, அடிப்படை ஊதியத்தில் 10 சதவீத 'அஞ்சல் நிலையப் பொறுப்புக்கான படிகள்' (Postmaster Responsibility Allowance) மற்றும் வலுவான செங்குத்து ஊதிய விகித முறை (vertical pay relativity system) ஆகியவற்றையும் அந்தச் சங்கம் கோரியுள்ளது.

டிஜிட்டல் மாற்றத்திற்கு ஏற்ற சிறந்த ஊதியம் தேவை

அஞ்சல் துறை செயல்பாடுகள் தற்போது அதிகளவில் டிஜிட்டல் மயமாக்கப்பட்டும், சிக்கலானதாகவும், ஒழுங்குமுறை சார்ந்ததாகவும் மாறியுள்ளன என்று FNPO வலுவாக வாதிட்டது. நவீன காலத்திற்கு ஏற்றவாறு அதிகரித்துள்ள இவர்களின் பொறுப்புகளுக்கு இணையாக, அஞ்சல் நிலையத் தலைவர்களின் ஊதியம் மற்றும் அந்தஸ்தை அரசு உயர்த்த வேண்டும் என கோரிக்கை விடுக்கப்படுள்ளது.

புதிய தகவல்களை அறிந்துகொள்ள, பெங்களூருவில் நடைபெறவுள்ள கூட்டத்தை மத்திய அரசு ஊழியர்களும் ஓய்வூதியதாரர்களும் உன்னிப்பாகக் கவனிக்க வேண்டும். MACP, ஃபிட்மென்ட் ஃபாக்டர் (fitment factor), ஊதிய திருத்தம், ஓய்வூதிய சீர்திருத்தங்கள் மற்றும் சிறந்த பணிச்சூழல் ஆகியவை தொடர்பாக ஊழியர் சங்கங்கள் இதேபோன்ற கோரிக்கைகளை முன்வைக்க வாய்ப்புள்ளது.

தொழிற்சங்கங்கள் அதிக ஃபிட்மென்ட் ஃபேக்டர் (fitment factor) அளவைக் கோருகின்றன. 6 மற்றும் 7-வது ஊதியக் குழுக்களின் போது ஃபிட்மென்ட் ஃபேக்டர் முறையே 1.86 மற்றும் 2.57 ஆக இருந்தது. தற்போது, ​​பணவீக்கத்தைச் சமாளிக்க 'தேசிய கூட்டு ஆலோசனைக் குழு' (NC-JCM) மற்றும் 'பாரதிய பிரதிரக்ஷா மஸ்தூர் சங்' (BPMS) போன்ற முக்கிய தொழிற்சங்கங்கள், முறையே 3.833 மற்றும் 4 என்ற அதிக அளவிலான பெருக்கி மதிப்பைக் கோரி வருகின்றன.

குழு அமைக்கப்பட்ட தேதி: நவம்பர் 3, 2025

மத்திய அரசு 8வது ஊதியக் குழுவை ஒரு தற்காலிக அமைப்பாக நவம்பர் 3, 2025 அன்று அமைத்தது. நீதிபதி ரஞ்சனா பிரகாஷ் தேசாய் தலைமையிலான இக்குழு மூன்று உறுப்பினர்களைக் கொண்டுள்ளது. விரிவான விவாதங்களுக்குப் பிறகு தனது இறுதி அறிக்கையைச் சமர்ப்பிக்க இக்குழுவிற்கு 18 மாத கால அவகாசம் வழங்கப்பட்டுள்ளது.

மேலும் படிக்க | 8வது ஊதியக் குழு: லெவல் 6-8 அரசு ஊழியர்களுக்கு 1 லட்சத்தைத் தாண்டும் அடிப்படை ஊதியம்!!