• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Tamil
  • செய்திகள்
  • வீடியோ
  • போட்டோ
  • ரீல்ஸ்
  • நகரம்

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /பயனுள்ள தகவல்கள்
  • /நகை பிரியர்களே உஷார்! தங்கத்தில் சீனாவின் 'ரீனியம்' பவுடர் கலக்கப்படுகிறதா? Explained

நகை பிரியர்களே உஷார்! தங்கத்தில் சீனாவின் 'ரீனியம்' பவுடர் கலக்கப்படுகிறதா? Explained

gold news today : தங்கத்தில் 'ரீனியம்' என்ற வேதிப்பொருள் கலப்படமா? சமூக வலைதளங்களில் பரவும் தகவலின் உண்மைத் தன்மை என்ன? என்பது குறித்து இங்கு முழு விவரங்களை தெரிந்து கொள்ளுங்கள்

Written ByKarthikeyan Sekar
Published: Nov 22, 2026, 10:55 IST|Updated: Nov 22, 2026, 11:06 IST
joinshare
நகை பிரியர்களே உஷார்! தங்கத்தில் சீனாவின் 'ரீனியம்' பவுடர் கலக்கப்படுகிறதா? Explained
Image Credit: gold news today

About the Author

Karthikeyan Sekar

Karthikeyan Sekar

I have 10 years of experience in writing content for news, television, and digital media websites. I have extensive experience in government projects, politics, and other fields. I provide quality news with factual information.
Read More

டிரெண்டிங்

  • செய்திகள்
  • போட்டோ
  • வீடியோ
Explained : குழந்தைகளிடம் வாசிப்பு ஆர்வம் குறைவு..எதிர்காலத்தை பாதிக்கும்! எச்சரிக்கை

Explained : குழந்தைகளிடம் வாசிப்பு ஆர்வம் குறைவு..எதிர்காலத்தை பாதிக்கும்! எச்சரிக்கை

2

இதுவும் பாலியல் துன்புறுத்தலே... கள்ளக்குறிச்சி எம்எல்ஏ விவகாரம் - பொதுவெளியில் பெண் நீதிபதி பகீர்

3

Gold Price: அதிரடியாக குறையும் தங்கம் விலை.. மோடி மேஜிக் தான் காரணமா?

4

“குழந்தை பெத்துக்காேங்க..” இஸ்லாமியர்கள் அதிகரிப்பால் ட்ரம்ப் ஆதரவாளர் கொடுத்த ஐடியா..

5

திருவண்ணாமலையில் கிரிவலம் போறீங்களா? பக்தர்களுக்கு முக்கிய அறிவிப்பு.. இதற்கெல்லாம் தடை!

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

gold news today : உலகின் மிக விலை உயர்ந்த உலோகங்களில் ஒன்றாகவும், ஒரு நாட்டின் பொருளாதாரத்தையே நிர்ணயிக்கும் அளவுக்கு முக்கியத்துவம் வாய்ந்ததாகவும் தங்கம் கருதப்படுகிறது. சமீபகாலமாகத் தங்கத்தின் விலை அதிரடியாகக் குறைந்து வருவதால், பொதுமக்கள் பலரும் நகைகளை வாங்க அதிக ஆர்வம் காட்டி வருகின்றனர். இந்தச் சூழலில், தங்கத்திலும் நூதன முறையில் கலப்படம் செய்யப்படுவதாகச் சமூக வலைதளங்களில் ஒரு தகவல் வேகமாகப் பரவி, நகை வாங்க நினைப்பவர்கள் மற்றும் வியாபாரிகள் மத்தியில் பெரும் அதிர்ச்சியையும், பீதியையும் ஏற்படுத்தியுள்ளது.  

மேலும் படிக்க | மீனவ பெண்களுக்கு 60% வரை மானியம் + வட்டியில்லா கடன் - தமிழ்நாடு அரசு முக்கிய அறிவிப்பு

சமூக வலைதளங்களில் பரவும் தகவல் என்ன?

சீனாவில் தயாரிக்கப்பட்ட 'ரீனியம்' (Rhenium) என்ற வேதிப்பொருள் பவுடரைத் தங்கத்துடன் கலந்து, அதன் எடையை அதிகரிக்கும் நூதன மோசடி நடைபெறுவதாகச் சமூக வலைதளங்களில் தகவல்கள் வெளியாகின. மேலும், ரீனியம் பொடியில் தங்கத்தை உருக்குவது போலவும், பின்னர் அது அச்சு அசல் மாறாமல் மீண்டும் தங்கமாக வடிவமைக்கப்பட்டு ஜொலிப்பது போலவும் ஒரு வீடியோ இணையத்தில் வைரலாகி வருகிறது. இது நகை வாங்கத் திட்டமிட்டிருந்த பொதுமக்களிடையே கடும் குழப்பத்தையும் அச்சத்தையும் உருவாக்கியுள்ளது.  

சென்னை தங்க வியாபாரிகள் சங்கத் தலைவர் விளக்கம்

இந்நிலையில், சமூக வலைதளங்களில் பரவும் இந்தத் தகவல்கள் முழுக்க முழுக்கப் பொய் எனச் சென்னை வைரம் மற்றும் நகை வியாபாரிகள் சங்கத் தலைவர் ஜெயந்திலால் ஷலானி திட்டவட்டமாக மறுத்துள்ளார். இது தொடர்பாக அவர் அளித்துள்ள விரிவான விளக்கத்தில் கூறியிருப்பதாவது:  

AI மூலம் பரப்பப்படும் வதந்தி: "ரீனியம் பொடியைத் தங்கத்தோடு சேர்க்கவே முடியாது; அது இந்தியாவுக்குள் வரவும் வராது. செயற்கை நுண்ணறிவு தொழில்நுட்பம் மூலம் ஏதாவது ஒரு வீடியோவை உருவாக்கிச் சமூக வலைதளங்களில் பரப்புகிறார்கள். இதற்கு முன்பும் தங்கத்திற்கு மாற்றுப் பொருள் பாதரசம் என்று வதந்தி பரப்பினார்கள், ஆனால் அது சாத்தியமானதா? எனவே, தங்கத்திற்கு நிகர் தங்கம்தான்" என்று அவர் தெரிவித்துள்ளார்.  

அடர்த்தி மற்றும் அறிவியல் ரீதியான உண்மைகள்: ரீனியம் என்பது மிகவும் அரிதான ஒரு உலோகமாகும். சுத்தமான தங்கத்தின் அடர்த்தி 19.32 ஜி/செ.மீ3 ஆக இருக்கும் நிலையில், ரீனியத்தின் அடர்த்தி 21.02 ஜி/செ.மீ3 ஆகும். சாதாரணமாகத் தங்கத்தில் செம்பு அல்லது வெள்ளி கலக்கும்போது அதன் அடர்த்தி குறைந்துவிடும் என்பதால் 'அடர்த்தி சோதனை' மூலம் எளிதில் கண்டுபிடித்துவிடலாம். ஆனால், ரீனியத்தின் அடர்த்தி தங்கத்தை விடச் சற்று அதிகம் என்பதால், தங்கத்துடன் சிறிதளவு ரீனியம் மற்றும் செம்பு போன்ற வேறு சில உலோகங்களைச் சரியான விகிதத்தில் கலக்கும்போது, அதன் மொத்த அடர்த்தி அசல் தங்கத்தின் அடர்த்திக்குச் சமமாக வர வாய்ப்புள்ளது.  

உருகுநிலை வேறுபாடும் நடைமுறைச் சிக்கலும்: நகைக்கடைகளில் வழக்கமாகச் செய்யப்படும் உரைகல் சோதனை மற்றும் எடை/அடர்த்தி சோதனைகளில் இதைக் கண்டுபிடிப்பது கடினம் என்றாலும், தங்கத்தை உருக்கும்போது இது எளிதில் பிடிபட்டுவிடும். ஏனெனில், தங்கத்தின் உருகுநிலை 1,064 டிகிரி செல்சியஸ் மட்டுமே; ஆனால் ரீனியத்தின் உருகுநிலை 3,186 டிகிரி செல்சியஸ் ஆகும். தங்கத்தை உருக்கும்போது ரீனியம் உருகாமல் தனியாகப் பிரிந்து நின்றுவிடும். சாதாரண நகைப் பட்டறைகளில் இவ்வளவு அதிக வெப்பநிலையில் ரீனியத்தைத் தங்கத்துடன் சேர்த்து உருக்கி, ஒரே சீரான கலவையாக மாற்றுவது கிட்டத்தட்ட சாத்தியமற்றது.  

நகை செய்ய இயலாது: அப்படியே கலந்தாலும், நகை செய்வதற்கான நெகிழ்வுத்தன்மை தங்கத்திற்கு இருக்காது; நகை உடையும் தன்மை கொண்டதாக மாறிவிடும். மேலும், ரீனியம் என்பது சாதாரணமாகச் சந்தையில் கிலோ கணக்கில் வாங்கும் பொருள் அல்ல; இது விண்வெளித் தொழில் மற்றும் ஜெட் என்ஜின்கள் தயாரிப்பில் மட்டுமே பயன்படுத்தப்படும், அரசாங்கக் கட்டுப்பாடுகளுக்கு உட்பட்ட மிக அரிதான உலோகமாகும். இது ஒரு அறிவியல் ரீதியான சாத்தியக்கூறு மட்டுமே தவிர, சாதாரணமாக நகைக்கடைகளில் நடக்கக்கூடிய நடைமுறை மோசடி அல்ல என்பதால் பொதுமக்கள் அச்சப்படத் தேவையில்லை.  

பொதுமக்கள் பாதுகாப்பாக நகை வாங்குவது எப்படி?

நகை வாங்கும் பொதுமக்கள் எவ்வித ஏமாற்றத்திற்கும் உள்ளாகாமல் பாதுகாப்பாக இருக்கப் பின்வரும் வழிமுறைகளைப் பின்பற்றுமாறு அறிவுறுத்தப்படுகிறார்கள்:

உரைகல் சோதனையைத் தவிர்க்கவும்: பழைய முறையில் உரைகல் தேய்த்துப் பார்த்துத் தங்கத்தின் தரத்தைச் சோதித்து வாங்கும் இடங்களைத் தவிர்க்க வேண்டும்.  

6 இலக்க HUID ஹால்மார்க்: நகை வாங்கும்போது 6 இலக்க ஆல்பா-நியூமரிக் எண் கொண்ட ஹால்மார்க் முத்திரை பதிக்கப்பட்ட நகைகளை மட்டுமே வாங்க வேண்டும்.  

காரட் மீட்டர் சோதனை: பழைய நகைகளை விற்கும்போதோ அல்லது மாற்றும்போதோ, எக்ஸ்ஆர்எஃப் காரட் மீட்டர் இயந்திரம் மூலம் பரிசோதிக்கும் அங்கீகரிக்கப்பட்ட நகைக்கடைகளை மட்டுமே அணுக வேண்டும். இன்றைய நவீன காரட் மீட்டர் இயந்திரங்கள் மூலம் பரிசோதித்தால், தங்கத்தில் வேறு உலோகங்கள் கலந்திருப்பது 100 சதவீதம் துல்லியமாகத் தெரிந்துவிடும். 
 

Add Zee News as a Preferred Source
TAGS:
Personal Finance