10ம் வகுப்பு படித்தவரா? தபால் துறை வேலைவாய்ப்பு.. விண்ணப்பிக்க கடைசி சான்ஸ்!

India Post Recruitment 2026: மத்திய அஞ்சல் துறை, தகவல் தொடர்பு அமைச்சகத்தின் கீழ் செயல்பட்டு வருகிறது. இந்திய அஞ்சல் துறையில் ஆயிரக்கணக்கான பணியாளர்கள் பணிபுரிந்து வருகின்றனர்.  நிரந்தர வேலை, கைநியை சம்பளம் போன்ற காரணங்களால் அஞ்சல் துறையில்  வேலை கிடைக்க பலரும் முயற்சித்து வருகின்றனர். ஆண்டுதோறும் அஞ்சல் துறையில் காலிப்பணியிடங்கள் நிரப்பப்பட்டு வருகிறது. 

அந்தவகையில், இந்திய அஞ்சல் துஐறயில்  கிளை அஞ்சல் அதிகாரி (BPM), உதவி கிளை அஞ்சல் அதிகாரி (ABPM) மற்றும் டாக் சேவக் (Dak Sevak) ஆகிய தற்காலிக காலிப் பணியிடங்கள் நிரப்பப்படுகிறது. இதற்கு தகுதியும், விருப்பமும் உள்ளவர்கள் உடனே விண்ணப்பிக்க வேண்டும். இந்த பணிக்கு விண்ணப்பிக்க இன்னும் இரண்டு நாட்களே உள்ளன. செப்டம்பர் 19ஆம் தேதிக்குள் விண்ணப்பிக்க வேண்டும்.

அஞ்சல் துறை வேலைவாய்ப்பு

தமிழகத்தில் அஞ்சல் துறையில் காலியாக உள்ள 2,095 பணியிடங்கள் நிரப்பப்படுகிறது.  மேலும்,  பீகாரிலி 1,098 பணியிடங்கள், கர்நாடகாவில் 1,116 பணியிடங்கள், கேரளாவில் 1,379 பணியிடங்கள், மேற்கு வங்கத்தில் 1,619 பணியிடங்கள், மகாராஷ்டிராவில் 2,297 பணியிடங்கள்,  ஜார்க்கண்டில் 1,379 பணியிடங்கள் என மொத்தம் 23,757 காலிப் பணியிடங்கள் நிரப்பப்படுகிறது.

மேலும் படிக்க: RRB Paramedical Recruitment 2026: 590 துணை மருத்துவப் பணியிடங்களுக்கான ஆட்சேர்ப்பு.. உடனே அப்ளை பண்ணுங்க!

யாரெல்லாம் விண்ணப்பிக்கலம்?

• அஞ்சல் துறை பணிக்கு விண்ணப்பிக்க விரும்புபவர்கள் அங்கீகரிக்கப்பட்ட கல்வி நிறுவனத்தில் 10ம் வகுப்பில் தேர்ச்சி பெற்றிருக்க வேண்டும்.
• 10ம் வகுப்பில் கணிதம், ஆங்கிலம் ஆகிய பாடங்களில் தேர்ச்சி பெற்றிருப்பது கட்டாயமாகும்.
• விண்ணப்பதாரர்கள் அந்தபந்த பணிக்குரிய உள்ளூர் மொழி தெரிந்திருக்க வேண்டும்.
• விண்ணப்பிக்க விரும்புபவர்கள் 18 முதல் 40 வயதுக்குள் இருக்க வேண்டும் என தெரிவிக்கப்பட்டுள்ளது.
• 10ஆம் வகுப்பு தேர்ச்சி சான்றிதழை படித்திருக்க வேண்டும்.

மாத சம்பளம் விவரம்

• கிளை அஞ்சல் அதிகாரி (BPM)  பணிக்கு தேர்ந்தெடுக்கப்படும் விண்ணப்பதாரர்களுக்கு மாத சம்பளமாக ரூ.12,000 முதல் ரூ.29,380 வரை வழங்கப்படும்.
• கிளை உதவி அஞ்சல் அதிகாரி (ABPM) மற்றும் டாக் சேவக் பணிக்கு தேர்ந்தெடுக்கப்படும் பணியாளர்களுக்கு மாத சம்பளமாக ரூ.10,000 முதல் ரூ.24,470 வரை வழங்கப்படும்.
• இப்பணிகளுக்கு குறைந்தபட்ச வேலை நேரம் தினமும் ஐந்து மணி நேரமே ஆகும்.

தேர்வு செய்யப்படும் முறை

10ம் வகுப்பு வகுப்பில் எத்த மதிப்பெண்கள் அடிப்படையில் பணிக்கு ஆட்கள் தேர்வு செய்யப்படுவார்கள். மெரிட் லிஸ்ட் அடிப்படையில் பணிக்கு தேர்வு செய்யப்படுவார்கள். மேற்கண்ட பணிகளுக்கு தேர்வு செய்யப்படும் விண்ணப்பதாரர்களுக்கு sms அல்லது மின்னஞ்சல் மூலம் தகவல் தெரிவிக்கப்பட்டு, நேர்காணல் குறித்த தேதி அதில் குறிப்பிடப்பட்டு இருக்கும். அப்போது, உங்கள் உங்கள் கல்விச் சான்றிதழ், ஆதார், பான் போன்றவற்றை எடுத்து செல்ல வேண்டும். இதனை அதிகாரிகள் சரிபார்த்து பணிநியமன கடிதத்தை வழங்குவார்கள். கடிதம் பெற்ற 30 நாட்களுக்குள் பணியில் சேர வேண்டும்.

மேலும் படிக்க: திருவள்ளூர்: மாதம் ரூ.21,000 சம்பளத்தில் வேலை.. யாரெல்லாம் விண்ணப்பிக்கலாம்?

விண்ணப்பிப்பது எப்படி?

• அஞ்சல் துறை பணிக்கு விண்ணப்பிக்க விரும்புபவர்கள் India Post) அதிகாரப்பூர்வ இணையதளத்திற்குச் செல்லவும்.
• 'கிராமின் டாக் சேவக் ஆட்சேர்ப்பு 2026'-க்கான பதிவு இணைப்பை க்ளிக் செய்து லாகின் செய்து கொள்ள வேண்டும்.
• இதன்பிறகு, விண்ணப்ப படிவத்தில் கேட்கப்பட்டுள்ள விவரங்களை பூர்த்தி செய்து விண்ணப்ப கட்டணத்தை செலுத்த வேண்டும்.
• எதிர்கால தேவைக்காக விண்ணப்பத்தின் நகலை பதிவிறக்கம் செய்து கொண்டு, பிரிட் எடுத்து கொள்ள வேண்டும்.

விண்ணப்ப கட்டணம்

பொதுப் பிரிவு, இதர பிற்படுத்தப்பட்டோர், பொருளாதார ரீதியாக நலிந்த பிரிவினர் ஆகிய பிரிவுகளைச் சேர்ந்த ஆண் விண்ணப்பதாரர்கள் ரூ.100 கட்டணமாக செலுத்த வேண்டும். பட்டியலின, பழங்குடியினர் வகுப்பைச் சேர்ந்தவர்கள் கட்டணம் செலுத்த தேவையில்லை.   மேலும், மாற்றுத்திறனாளிகள், பெண்கள், திருநங்கைகளும் கட்டணம் செலுத்துவதில் இருந்து விலக்கு அளிக்கப்படுகிறது. எனவே, தகுதியும், விருப்பமும் உள்ளவர்கள் செப்டம்பர் 19ஆம் தேதிக்குள் விண்ணப்பிக்க வேண்டும் என தெரிவிக்கப்ட்டுள்ளது.

மேலும் படிக்க: சுகாதாரத்துறை வேலை வாய்ப்பு : குறைவான தகுதியே போதும்! விண்ணப்பிப்பது எப்படி?