சென்னை உயர் நீதிமன்றத்தில் 115 காலிப் பணியிடங்கள்.. கைநிறைய சம்பளம்.. டிகிரி படித்தவர்கள் விண்ணப்பிக்கலாம்!

Chennai High Court Jobs: சென்னை உயர் நீதிமன்றம் உட்பட பல்வேறு நீதிமன்றங்களில் காலியாக உள்ள data entry operator பணியிடங்கள் நிரப்பப்படுகிறது. மொத்தம் 115 காலிப் பணியிடங்கள் நிரப்பப்படுவதாக அறிவிக்கப்பட்டுள்ளது. இந்த பணிக்கு செப்டம்பர் 29ஆம் தேதிக்குள் விண்ணப்பிக்க வேண்டும் என தெரிவிக்கப்பட்டுள்ளது.

நீதிமன்றங்களில் வேலை

சென்னை உட்பட பல்வேறு மாவட்டங்களில் நீதிமன்ங்களில் உள்ள காலியாக உள்ள பணியிடங்கள் நிரப்பப்படுகிறது.

உள்ளிட்ட மாவட்டங்களில் data entry operator பணியிடங்கள் நிரப்பப்படுகிறது. மொத்தம் 115 காலிப் பணியிடங்கள் நிரப்பப்படுகிறது.

கல்வித்தகுதி, சம்பளம்

நீதிமன்றங்களில் data entry operator பணிக்கு விண்ணப்பிக்க விரும்புபவர்ள்  B.Sc (Computer Science) / B.Sc (IT) / BCA / B.E. (Computer Science) / B.Tech / MCA / M.Sc (Computer Science) / M.E (Computer Science) / M.Tech / M.Sc (IT) படித்திருக்க வேண்டும். வயது வரம்பை பொறுத்தவரை 18 முதல் 35 வயதுக்குள் இருக்க வேண்டும். இதற்கு மாத சம்பளமாக ரூ.15,000 வழங்கப்படும் என தெரிவிக்கப்பட்டுள்ளது.

மேலும் படிக்க: ECHS Recruitment 2026: 96 காலியிடங்கள், அக்டோபர் 4 விண்ணப்பிக்க கடைசி நாள்

தேர்வு செய்யப்படும் முறை

நீதிமன்றங்களில் data entry operator பணிக்கு எழுத்துத்தேர்வு, skill test, viva மூலம் பணிக்கு ஆட்கள் தேர்வு செய்யப்படுவார்கள்.  எழுத்துத் தேர்வு 25 மதிப்பெண்களுக்கு நடைபெறும். இதில் 10 மதிப்பெண் கட்டாயம் பெற வேண்டும். Skill test தேர்வு 25 மதிப்பெண்களுக்கு நடைபெற வேண்டும். இதில் குறைந்தது 10 மதிப்பெண்கள் பெற வேண்டும். Viva Voce தேர்வு 50 மதிப்பெண்களுக்கு நடைபெறும். இதில் குறைந்தது 20 மதிப்பெண்கள் எடுக்க வேண்டும்.

விதிமுறைகள்

• தேர்வு முறைக்கு முன்போ அல்லது அதற்குப் பின்னரோ அல்லது எந்தவொரு நிலையிலும், அளிக்கப்பட்டத் தகவல்கள் தவறானவை/உண்மையற்றவை என்றோ அல்லது தகுதியின்மை என்றோ கண்டறியப்பட்டால், விண்ணப்பத்தை நிராகரிப்பது உட்பட விண்ணப்பதாரர் மீது உரிய நடவடிக்கை எடுக்கப்படும்
• விண்ணப்பதாரர் அரசுப் பணியில் இருந்து பணிநீக்கம் (Dismissed) செய்யப்பட்டவராக இருக்கக்கூடாது.
• விண்ணப்பத்தில் அளித்துள்ள விவரங்களின் உண்மையாக இருக்க வேண்டும்.
• விண்ணப்பிக்கும் பணி தொடர்பான கடமைகளை விண்ணப்பதாரர்கள் அறிந்திருக்க வேண்டும்; பணி நியமனம் செய்யப்படும் பட்சத்தில், ஒதுக்கப்பட்ட அனைத்துப் பணிகளையும் செய்ய வேண்டும்.
• இந்த வேலை முற்றிலும் ஒப்பந்த அடிப்படையிலானது என்றும், எதிர்காலத்தில் பணி நிரந்தரம் செய்யக் கோர முடியாது.
• தேர்வு செய்யப்பட்ட விண்ணப்பதாரரின் பணியை, எந்தவொரு காரணமும் கூறாமல் எந்த நேரத்திலும் முடிவுக்குக் கொண்டுவர சென்னை உயர்நீதிமன்றத்திற்கு உரிமை உண்டு
• தேர்வு செய்யப்படும் விண்ணப்பதாரர்களுக்கு ஆண்டிற்கு 12 நாட்கள் மட்டுமே தற்செயல் விடுப்பு (Casual Leave) பெறத் தகுதி உண்டு.
• விண்ணப்பதாரர் வார இறுதி நாட்களுடன் சேர்த்து தொடர் விடுப்பு விதி எடுக்க கூடாது.

மேலும் படிக்க: டிகிரி இருக்கா? ரயில்வேயில் 3,477 காலியிடங்கள்: அக்டோபர் 8 முதல் விண்ணப்ப செயல்முறை தொடக்கம்

விண்ணப்பிப்பது எப்படி?

மேற்கண்ட பணிக்கு https://www.mhc.tn.gov.in/recruitment/login என்ற இணையதளம் மூலம் விண்ணப்பிக்க வேண்டும்.  இந்த பணிக்கு செப்டம்பர் 29ஆம் தேதிக்குள் விண்ணப்பிக்க வேண்டும் என தெரிவிக்கப்பட்டுள்ளது. ஒரு மாவட்டத்தில் உள்ள காலிப் பணியிடங்களுக்கு மட்டுமே ஒருவர் விண்ணப்பிக்க வேண்டும்.

விண்ணப்பிக்கும் போது ஒரு மாவட்டத்தை மட்டுமே தேர்வு செய்ய முடியும். ஒன்றுக்கும் மேற்பட்ட மாவட்டங்களுக்கு விண்ணப்பித்தால் விண்ணப்பம் நிராகரிக்கப்படும். விண்ணப்ப படிவத்தில் உங்கள் விவரங்களை சமர்ப்பித்த பிறகு, அதனை மீண்டும் எடிட் செய்ய முடியாது. இந்த பணிக்கு விண்ணப்பிக்க விண்ணப்ப கட்டணம் எதுவும் கிடையாது என கூறப்பட்டுள்ளது.

மேலும் படிக்க: தமிழ்நாடு கிராம வங்கியில் வேலை! கடைசி தேதி நீட்டிப்பு..விண்ணப்பிக்க தகுதி என்ன?