தமிழில் எழுத, படிக்க தெரியுமா? கைநிறைய சம்பளத்துடன் வேலை.. தமிழக அரசின் அறிவிப்பு

District Jail Jobs: தமிழகத்தில் மாவட்ட வாரியாக பல்வேறு துறைகிளல் காலிப் பணியிடங்கள் நிரப்பப்பட்டு வருகிறது. இதன் மூலம் ஏராளமானோர் வேலைவாய்ப்புகளை பெற்று வருகின்றனர். அந்த வகையில், கோயம்புத்தூர் மத்தியசிறை கட்டுப்பாட்டிலுள்ள மாவட்ட சிறை / கிளைச் சிறைகளில் காலியாக உள்ள 06 தூய்மைப் பணியாளர் பணியிடங்கள் நிரப்பப்படுகிறது.

தூய்மை பணியாளர்கள் வேலை

கோயம்புத்தூர் மத்தியசிறை கட்டுப்பாட்டிலுள்ள மாவட்ட சிறை / கிளைச் சிறைகளில் காலியாக உள்ள 06 தூய்மைப் பணியாளர் பணியிடத்தினை நிரப்பிட தகுதியான நபர்களிடமிருந்து விண்ணப்பங்கள் வரவேற்கப்படுகின்றன. இப்பணியிடம் இன சுழற்சியில் நிரப்பப்பட உள்ளது. இப்பணியிடத்திற்கு கீழ்க்கண்ட விபரப்படி விண்ணப்பங்கள் வரவேற்கப்படுகின்றன. எனவே, தகுதியும், விருப்பமும் உள்ளவர்கள் அக்டோபர் 5ஆம் தேதிக்குள் விண்ணப்பிக்க வேண்டும் என தெவிக்கப்பட்டுள்ளது.

கல்வித்தகுதி, சம்பளம்

கோயம்புத்தூர் மத்தியசிறை கட்டுப்பாட்டிலுள்ள மாவட்ட சிறை / கிளைச் சிறைகளில் காலியாக உள்ள தூய்மை பணியாளர் பணியிடத்திற்கு விண்ணப்பிக்க விரும்புபவர்களுக்கு தமிழில்  எழுதப் படிக்கத் தெரிந்திருக்க வேண்டும். இவை தெரிந்தவர்கள் விண்ணப்பிக்கலாம். இதற்கு எந்த ஒரு கல்வித்தகுதியும் கிடையாது. தூய்மை பணியளர் பணிக்கு எவ்வளவு சம்பளம் வழங்கப்படும் என்பது குறித்த அறிவிப்பு வெளியாகவில்லை. பணிக்கு தேர்வு செய்யப்படும் விண்ணப்பதாரர்களுக்கு நேரடியாக தான் எவ்வளவு சம்பளம் வழங்கப்படும் என கூறுவார்கள்.  

காலிப் பணியிடங்களின் விவரம்

வயது விவரம்

• கிளைச்சிறை, பொள்ளாச்சி, பல்லடம் பணியிடத்திற்கு விண்ணப்பிக்க விரும்புபவர்கள் 35 வயதுக்குள் இருக்க வேண்டும்.
• கிளைச்சிறை, தாராபுரம், உடுமலைப்பேட்டை, பெருந்துறை ஆகிய பணியிடத்திற்கு  32 வயதுக்குள் இருப்பவர்கள் விண்ணப்பிக்க வேண்டும்.
• கிளைச்சிறை, உதகை பணியிடத்திற்கு 30 வயதுக்குள் இருப்பவர்கள் விண்ணப்பிக்கலாம்

விண்ணப்பிப்பது எப்படி?

சிறையில் தூய்மை பணியாளர்கள் பிண்ககு விண்ணப்பிக்க விரும்புபவர்கள் சம்மந்தப்பட்ட சான்றிதழ்களின் ஜெராக்ஸ் நகல்களுடன் சிறைகண்காணிப்பாளர், மத்தியசிறை, கோயம்புத்தூர்-18 என்ற முகவரியிட்டு 05.10.2026 அன்று மாலை 05.45 மணிக்குள் கோயம்புத்தூர் மத்தியசிறையில் கிடைக்கும் வண்ணம் அஞ்சல் மூலம் விண்ணப்பங்களை அனுப்பி வைத்திட கேட்டுக்கொள்ளப்படுகிறது.  விண்ணப்ப படிவத்தை erode.nic.in என்ற இணையதளத்தில் உள்ள விண்ணப்ப படிவத்தை பதிவிறக்கம் செய்து பூர்த்தி செய்து அஞ்சல் வழியாக அனுப்ப வேண்டும்.

மேற்படி தேதிக்கு பின்னர் பெறப்படும் விண்ணப்பங்கள் பரிசீலனைக்கு எடுத்துக்கொள்ளப்படமாட்டாது. மேற்கண்ட பணியிடத்தினை நிரப்புவதற்கான நேர்முகத் தேர்வின் தேதி மற்றும் நேர விபரம் தகுதியுள்ள விண்ணப்பதாரர்களுக்கு மட்டும் அஞ்சல் மூலம் பின்னர் தெரிவிக்கப்படும்.