பிரதமர் மோடி வருகை... சென்னை முக்கிய சாலைகளில் போக்குவரத்து மாற்றம் - முழு விவரம்

PM Modi Chennai Visit, Traffic Diversions: பிரதமர் மோடி நாளை (அக். 11 - ஞாயிறு) சென்னைக்கு வருகை தர உள்ளார். மெட்ரோ ரயில் திட்டம் உள்பட பல்வேறு திட்டங்களை திறந்துவைக்க சென்னைக்கு வருகை தர உள்ளார்.

முதலமைச்சர் விஜய் தலைமையிலான தவெக ஆட்சி பொறுப்பேற்ற பின்னர் பிரதமர் மோடி முதல்முறையாக சென்னை வர இருக்கிறார். அதுவும் இன்று மக்களவை எதிர்க்கட்சித் தலைவர் ராகுல் காந்தி இன்று சென்னைக்கு வருகை தந்து மாணவர்களிடையே உரையாட இருக்கிறார். இதற்கு அடுத்த நாளே அரசியல் களத்தில் பெரும் கவனத்தை ஏற்படுத்தி உள்ளது.

மேலும் படிக்க | பூந்தமல்லி - வடபழனி மெட்ரோ: 11 நிலையங்கள், 15 ரயில்கள்... டிக்கெட் விலை விவரம் இதோ

பிரதமர் மோடியின் சென்னை வருகை

14.6 கி.மீ, தூரம் கொண்ட பூந்தமல்லி பைபாஸ் - வடபழனி வழித்தடம் நாளை மக்களின் பயன்பாட்டுக்கு வர உள்ளது. தொடர்ந்து, பழனி, பரமக்குடி, நாமக்கல், அம்பாசமுத்திரம், வேலூர் கண்டோன்மென்ட் உள்ளிட்ட அம்ரித் பாரத் ரயில் நிலையங்களை பிரதமர் மோடி காணொளி வாயிலாக திறந்துவைக்க உள்ளார்.

அதேநேரத்தில், கோவை மாவட்டத்தில் 700 கோடி ரூபாய் மதிப்பிலான ரயில்வே திட்டங்களை தொடங்கிவைக்க உள்ளார். பூந்தமல்லியில் மெட்ரோ ரயில் திட்டத்தை தொடங்கிவைத்த பின்னர், முதலமைச்சர் விஜய்யுடன் போரூர் வரை மெட்ரோ ரயிலில் பயணிக்க உள்ளதாக தகவல்கள் தெரிவிக்கின்றன.

அதேபோல், சென்னையில் அவர் ரோடு ஷோ மேற்கொள்ள உள்ளதாகவும் தகவல்கள் தெரிவிக்கின்றன. மேலும், மாநிலங்களவை உறுப்பினரும், பிரபல இசையமைப்பாளருமான இசைஞானி இளையராஜாவின் இசை ஆராய்ச்சி மையத்தையும் பிரதமர் மோடி திறந்துவைக்க உள்ளது குறிப்பிடத்தக்கது.

சென்னையில் போக்குவரத்து மாற்றம்

இந்நிலையில், பிரதமர் மோடியின் சென்னை வருகையை முன்னிட்டு, சீரான போக்குவரத்து மற்றும் பொதுமக்களின் பாதுகாப்பை உறுதி செய்யும் வகையில், சென்னை பெருநகர போக்குவரத்து காவல்துறையினர் நகரின் பல்வேறு இடங்களில் வணிக மற்றும் கனரக வாகனங்களுக்கான போக்குவரத்தில் மாற்றம் கொண்டுள்ளனர்.

நாளை (அக். 11) காலை 8 மணி முதல் மாலை 4.30 மணிவரை இந்த போக்குவரத்து மாற்றம் செய்யப்பட்டுள்ளது.

மேலும் படிக்க | பிரதமர் மோடி சென்னை வருகை: SPG குழுவின் கட்டுப்பாட்டில் சென்ற விமான நிலையம்

போக்குவரத்து மாற்றம் விவரம் இதோ

1. ஜிஎஸ்டி சாலையில் தாம்பரத்திலிருந்து வரும் வாகனங்கள்:

• தாம்பரத்தில் இருந்து வரும் வாகனங்கள் திருநீர்மலை சந்திப்பில் குன்றத்தூர் சாலையை நோக்கித் திருப்பி விடப்படும்.
• பல்லாவரத்தில் இருந்து வரும் வாகனங்கள் இன்டர்நேஷனல் ஏர்போர்ட் சந்திப்பு (ஹோட்டல் ஏர்வே) அருகே தாம்பரத்தை நோக்கித் திருப்பி விடப்படும்.

2. ஜே என் 100 அடி சாலையிலிருந்து கத்திப்பாரா மேம்பாலம் நோக்கி வரும் வாகனங்கள்:

• கோயம்பேடு பகுதியில் இருந்து வரும் வாகனங்கள் அசோக்நகர் 2வது அவென்யூவில் கோயம்பேடு அல்லது கே.கே.நகர் நோக்கி திருப்பி விடப்படும்.
• அசோக் பில்லரில் இருந்து வரும் வாகனங்கள் சிபெட் (CIPET) சந்திப்பில் கிண்டி தொழிற்பேட்டை நோக்கி திருப்பி விடப்படும்.

3. மவுண்ட் பூந்தமல்லி சாலையில் இருந்து கத்திப்பாரா மேம்பாலம் நோக்கி வரும் வாகனங்கள்:

• மவுண்ட் பூந்தமல்லி சாலையில் இருந்து வரும் வாகனங்கள் போரூர் சுங்கச்சாவடியில் மதுரவாயல் நோக்கி திருப்பி விடப்படும்.
• மவுண்ட் பூந்தமல்லி சாலையில் இருந்து வரும் வாகனங்கள் ராமாபுரம் சந்திப்பில் அரசமரம் சந்திப்பு நோக்கி திருப்பிவிடப்படும்.

4. சர்தார் படேல் சாலையிலிருந்து லோக் பவன் நோக்கி வரும் வாகனங்கள்:

• OMR மற்றும் சர்தார் படேல் சாலையில் இருந்து வரும் வாகனங்கள், காந்தி மண்டபம் சந்திப்பில் CPT நோக்கி திருப்பி விடப்படும்.
• காந்தி மண்டபம் சாலையில் இருந்து வரும் வாகனங்கள், காந்தி மண்டபம் சந்திப்பில் CPT நோக்கி திருப்பிவிடப்படும்.

5. வேளச்சேரி பிரதான சாலையில் இருந்து சர்தார் படேல் சாலை நோக்கி வரும் வாகனங்கள்

வேளச்சேரி பிரதான சாலையில் இருந்து சர்தார் படேல் சாலை நோக்கிச் செல்லும் வாகனங்கள், குரு நானக் சந்திப்பில் வேளச்சேரி நோக்கி திருப்பி விடப்படும்.

6. அண்ணா சாலையில் இருந்து லோக் பவன் நோக்கி வரும் வாகனங்கள்:

அண்ணா சாலையில் இருந்து வரும் வாகனங்கள் MC ராஜா யூ-டர்ன்-(U-turn) பகுதியில் அண்ணா சாலை திசையிலேயே திருப்பி விடப்பட்டு, தங்கள் இலக்குகளை நோக்கிச் செல்ல அனுமதிக்கப்படும்.

மேலும் படிக்க | சென்னையில் 3 மாதங்களுக்கு போக்குவரத்து மாற்றம்.. எங்கெல்லாம் தெரியுமா? அதிரடி அறிவிப்பு