இனி எழும்பூரில் ரயில்கள் புறப்படாது! செப்டம்பர் 1 முதல் அமல்.. தெற்கு ரயில்வே அறிவிப்பு

Chennai Egmore Railway Station Update: சென்னை எழும்பூர் ரயில் நிலையத்தில் புனரமைப்பு பணிகள் நடந்து வருகிறது. பல மாதங்களாக எழும்பூர் ரயில் நிலையத்தில் மறுசீரமைப்பு பணிகள் நடந்து வருகிறது. எழும்பூர் ரயில் நிலையத்தில் ரூ.842 கோடி மதிப்பிலான  பணிகள் நடந்து வருகிறது. உலகத்தர வசதிகளுடன் இந்த பணிகள் நடந்து வருகிறது. 

எழும்பூர் ரயில் நிலைய பராமரிப்பு பணிகள்

பல தளங்களுடன் கூடிய கார் பார்க்கிங், நவீன நடைமேடைகள், நடைமேம்பாலங்கள், பயணிகள காத்திருப்பு அறைகள், கழிவறைகள் வசதி, நவீன பார்சல் அலுவலகம் உள்ளிட்டவையை அமைக்கும் பணிகள் நடந்து வருகிறது. இப்பணிகள் காரணமாக, சில நடைமேடைகள் தற்காலிகமாக மூடப்பட்டுள்ளன. 

இதனால், சில விரைவு ரயில்கள் தாம்பரம், மாம்பலம், சென்னை கடற்கரை வரை மட்டுமே இயக்கப்படுகிறது. இந்த நிலையில், எழும்பூர் ரயில் பராமரிப்பு பணிகளுக்காக செப்டம்பர் 1 முதல் அக்டோபர் 15ஆம் தேதி வரை விரைவு ரயில்களின் சேவையில் மாற்றம் செய்யப்பட்டுள்ளது.  அவை என்னென்ன ரயில்கள் என்பது குறித்து பார்ப்போம்.

Changes in Train Services 🚆

Due to redevelopment works at Chennai Egmore Railway Station, train services will undergo temporary changes from 01 September to 15 October 2026.

Passengers are requested to check train details before travel and plan their journey accordingly.

— Southern Railway (@GMSRailway) August 18, 2026

1) மன்னார்குடி - எழும்பூர் விரைவு ரயில்

செப்டம்பர் 4ஆம் தேதி முதல் அக்டோபர் 13ஆம் தேதி வரை மன்னார்குடி - எழும்பூர் விரைவு ரயில் சேவையில் மாற்றம் செய்யப்பட்டுள்ளது. அதன்படி, மன்னார்குடியில் இருந்து இரவு 10.50 மணிக்கு புறப்படும் இந்த ரயில், செப்டம்பர் 4 முதல் எழும்பூருக்கு பதிலாக தாம்பரத்தில் நிறுத்தப்படும் என தெரிவிக்கப்பட்டுள்ளது. 

மறுமார்க்கத்தில் செப்டம்பர் 5 முதல் அக்டோபர் 14ஆம் தேதி வரை தாம்பரத்தில் இருந்து இரவு 11.25 மணிக்கு புறப்பட்டு,  மன்னார்குடி சென்றடையும் என கூறப்பட்டுள்ளது.

2) திருச்சி, சேலம், மும்பை விரைவு ரயில்கள்

திருச்சி - சென்னை எழும்பூர் ராக்ஃபோர்ட் சூப்பர்ஃபாஸ்ட் எக்ஸ்பிரஸ் செப்டம்பர் 9 முதல் செப்டம்பர் 15ஆம் தேதியும், செப்டம்பர் 21ஆம் தேதி முதல் அக்டோபர் 14ஆம் தேதி வரை திருச்சியில் இருந்து இரவு 10.35 மணிக்கு புறப்பட்டு, மாம்பலம் வரை மட்டுமே சென்றடையும். எழும்பூருக்கு திருச்சி - சென்னை விரைவு ரயில் செல்லாது என தெரிவிக்கப்பட்டுள்ளது.

மும்பை சி.எஸ்.டி–சென்னை எழும்பூர் அதிவேக  ரயில் செப்டம்பர் 12 முதல் செப்டம்பர் 15ஆம் தேதி வரை எழும்பூருக்கு செல்லாமல், கடற்கரை வரை மட்டுமே இயக்கப்படும் என தெரிவிக்கப்பட்டுள்ளது. இதே நாளில், சேலம் - எழும்பூர் அதிவேக ரயில் (22154) மாம்பலம் வரை மட்டுமே இயக்கப்படும் என தெரிவிக்கப்பட்டுள்ளது.

சென்னை எழும்பூர்–சேலம் அதிவேக விரைவு ரயில், செப்டம்பர் 13 முதல் செப்டம்பர் 16 வரை எழும்பூருக்குப் பதிலாக சென்னை கடற்கரையிலிருந்து இயக்கப்படும்.  சென்னை கடற்கரையில் இருந்து இரவு 11.30 மணிக்கு புறப்படும் என தெரிவிக்கப்பட்டுள்ளது.

3) உழவன் விரைவு ரயில்

சென்னை எழும்பூர் - தஞ்சாவூர் உழவன் விரையு ரயில் சேவை செப்டம்பர் 16 முதல் செப்டம்பர் 19ஆம் தேதி  வரை தாமதமாக இயக்கப்படும்.

செப்டம்பர் 22ஆம் தேதி முதல் அக்டோபர் 15 வரை 30 நிமிடங்கள் தாமதமாக இயக்கப்படும் என தெரிவிக்கப்பட்டுள்ளது. மாம்பலம் - கோடம்பாக்கம் வழித்தடத்தில் தாமதமாக இயக்கப்படும் என தெரிவிக்கப்பட்டுள்ளது.