SOCIAL MEDIA

Newsletter

PARTNER SITES
Select Language Select State

BRICS 40%, G7 29%: தரவுகளை புட்டுபுட்டு வைத்த ரஷ்ய அதிபர்... அமெரிக்காவை சாடி அதிரடி பேச்சு | Explainer

BRICS 2026: வளர்ந்து வரும் பொருளாதாரங்களின் கூட்டமைப்பான 'பிரிக்ஸ்' (BRICS), வளர்ந்த நாடுகளின் கூட்டமைப்பான 'ஜி7' (G7)-ஐ விட உலகப் பொருளாதாரத்திற்கு அதிக பங்களிப்பை அளிக்கிறது என்பதை ரஷ்ய அதிபர் விளாடிமிர் புதின் வெள்ளிக்கிழமை சுட்டிக்காட்டினார்.

Written By Sripriya Sambathkumar
Published: Sep 12, 2026, 16:14 IST | Updated: Sep 12, 2026, 16:21 IST
Image Credit: ANI / Russian President Vladimir Putin at BRICS 2026
Join

BRICS Summit 2026: 2026 ஆம் ஆண்டுக்கான பிரிக்ஸ் உச்சிமாநாடு புது டெல்லியில் தற்போது நடைபெற்றுக்கொண்டிருக்கின்றது. ரஷ்ய அதிபர் விளாடிமிர் புதின், சீன அதிபர் ஜி ஜின்பிங் உள்ளிட்ட பல உலகத் தலைவர்கள் இதில் பங்கேற்றுள்ளனர். இந்த மாநாடு பிரிக்ஸ் உறுப்பினர் நாடுகள் அல்லாத பிற நாடுகளும் உற்றுநோக்கும் வண்ணம் பிரம்மாண்டமாக நடந்துவருகிறது.

BRICS vs G7

இந்த சூழலில் பல அரசியல் நிபுணர்கள் பிரிக்ஸ் நாடுகளின் கூட்டமைப்பையும் ஜி7 நாடுகளின் கூட்டமைப்பையும் ஒப்பிட்டு கருத்து தெரிவித்து வருகின்றனர். இதே ஒப்பீடு பற்றிய ஒரு கருத்தை ரஷ்ய அதிபரும் தெரிவித்துள்ளார்.

பிரிக்ஸ் மூலம் அதிக பங்களிப்பு: ரஷ்ய அதிபர் புதின்

வளர்ந்து வரும் பொருளாதாரங்களின் கூட்டமைப்பான 'பிரிக்ஸ்' (BRICS), வளர்ந்த நாடுகளின் கூட்டமைப்பான 'ஜி7' (G7)-ஐ விட உலகப் பொருளாதாரத்திற்கு அதிக பங்களிப்பை அளிக்கிறது என்பதை ரஷ்ய அதிபர் விளாடிமிர் புதின் வெள்ளிக்கிழமை சுட்டிக்காட்டினார்.

புது தில்லியில் நடைபெற்ற பிரிக்ஸ் வணிக மன்றத்தில் அவர் இவ்வாறு பேசினார். பின்னர் பிரதமர் நரேந்திர மோடியும் அதே புள்ளிவிவரங்களை மேற்கோள் காட்டினார்.

புதின் கூறியதாவது:

"கடந்த ஐந்து ஆண்டுகளில், உலகின் மொத்த உள்நாட்டு உற்பத்தியில் (GDP) 40 சதவீதத்திற்கும் அதிகமானவை பிரிக்ஸ் நாடுகளால் உருவாக்கப்பட்டுள்ளன. அதே சமயம், 'ஜி7' அல்லது 'ஏழு நாடுகளின் குழு' என்று அழைக்கப்படும் அமைப்பின் (ஏன் அதை 'ஏழு நாடுகளின் குழு' என்று அழைக்கிறார்கள் என்று எனக்குத் தெரியவில்லை) பங்களிப்பு வெறும் 29 சதவீதமாக மட்டுமே உள்ளது."

"உலகம் எப்போதும் மாறிக்கொண்டே இருக்கிறது. கடந்த ஐந்து ஆண்டுகளின் யதார்த்தமான உண்மைகள் இதை உறுதிப்படுத்துகின்றன. தற்போது உலகம் ஆழமான மற்றும் கட்டமைப்பு ரீதியான மாற்றங்களுக்கு உள்ளாகி வருகிறது... பொருளாதார வளர்ச்சியில் முன்னணியில் இருந்த நாடுகளுக்குப் பதிலாக, புதிய வளர்ச்சி சக்திகள் (புதிய வளர்ச்சி இயந்திரங்கள்) அந்த இடத்தைப் பிடித்து வருகின்றன," என்றும் அவர் மேலும் கூறினார்.

மேலும் படிக்க | Video | BRICS 2026: 'ஒரு போட்டோ ப்ளீஸ்..’ பிரதமர் மோடியுடன் போட்டோ எடுத்த வெளிநாட்டு அதிகாரிகளின் ஃபேன் மொமெண்ட்

பொருளாதாரத் தடைகள் விவகாரத்தில் மேற்கத்திய நாடுகளைச் சாடிய புதின்

பிற பொருளாதார சக்திகளின் வளர்ச்சியைச் சீர்குலைக்கவும், நேரடி அல்லது பௌதீக ரீதியான நடவடிக்கைகளை மேற்கொள்ளவும் மேற்கத்திய நாடுகள் முயல்வதாக புதின் குற்றம் சாட்டினார்.

போட்டித்தன்மை பற்றி ரஷ்ய அதிபர் கூறியதாவது:

"போட்டித்தன்மை என்பது மிக முக்கியமானது என்று நீண்ட காலமாக நம்மிடம் கூறப்பட்டு வருகிறது. ஆனால், நம் மேற்கத்தியப் போட்டியாளர்கள் தங்கள் பழைய போட்டித்தன்மையை மீண்டும் பெற எல்லா முயற்சிகளையும் செய்கிறார்கள். சில சமயங்களில் இந்தப் போட்டி மிகவும் மோசமான வடிவங்களை எடுக்கிறது"

"சில நேரங்களில் பௌதீக ரீதியான நடவடிக்கைகள் மேற்கொள்ளப்படுகின்றன; உதாரணமாக, எரிவாயுக் குழாய்கள் அழிக்கப்படுவது, சர்வதேசப் போக்குவரத்து வழித்தடங்களைத் தடுக்க முயற்சிப்பது மற்றும் கப்பல்களைக் கைப்பற்றுவது போன்றவை இதில் அடங்கும்," என்று உக்ரைன் போருக்குப் பிறகு விதிக்கப்பட்ட தடைகளைக் குறிப்பிடும் வகையில் அவர் கூறினார்.

ரஷ்யா மீது 30,000-க்கும் மேற்பட்ட தடைகள்

"ரஷ்யா மீது 30,000-க்கும் மேற்பட்ட தடைகள் விதிக்கப்பட்டுள்ளன. இது உலகின் மற்ற அனைத்து நாடுகள் மீதும் விதிக்கப்பட்ட மொத்தத் தடைகளின் எண்ணிக்கையை விட இரண்டு மடங்கு அதிகம்" என்று புதின் தெரிவித்தார்.

பிரிக்ஸ் பங்களிப்பு பற்றி பிரதமர் மோடி பெருமிதம்

இந்நிகழ்ச்சியின் நிறைவுரையில், ஜிடிபி (GDP) பங்களிப்பு குறித்த தனது வாதத்தை பிரதமர் மோடி மேலும் விரிவாக எடுத்துரைத்தார்: "இன்று, உலகின் மொத்த மக்கள் தொகையில் 50 சதவீதமும், உலகளாவிய ஜிடிபியில் 40 சதவீதமும், உலக வர்த்தகத்தில் 25 சதவீதத்திற்கும் அதிகமான பங்கும் பிரிக்ஸ் நாடுகளிடம் உள்ளன."

கடந்த ஆண்டுகளில் உலகளாவிய ஜிடிபி சுமார் இரண்டரை மடங்கு வளர்ந்துள்ள நிலையில், பிரிக்ஸ் நாடுகளின் கூட்டு ஜிடிபி கிட்டத்தட்ட நான்கரை மடங்கு அதிகரித்துள்ளதாக மோடி குறிப்பிட்டார்.

அவர் கூறியதாவது

"உலகின் பிற பகுதிகளை விட பிரிக்ஸ் நாடுகளின் பொருளாதார வலிமை கிட்டத்தட்ட இரு மடங்கு வேகத்தில் வளர்ந்துள்ளது. உலகளாவிய புத்தாக்கம் மற்றும் தீர்வுகளுக்கான முக்கிய மையங்களாகவும் பிரிக்ஸ் நாடுகள் உருவெடுத்து வருகின்றன. அடிமட்ட அளவிலான முயற்சிகள் முதல் அதிநவீன தொழில்நுட்பங்கள் வரை பல்வேறு துறைகளிலும் புத்தாக்கத்திற்கான புதிய வாய்ப்புகள் நம் நாடுகளில் உருவாகி வருகின்றன. பிரிக்ஸ் அமைப்பின் வளர்ந்து வரும் அளவு, வேகம் மற்றும் நம்பிக்கை ஆகியவை நம்மிடையே தெளிவாகத் தெரிகின்றன. இந்தியாவில் நடைபெறும் இந்த நிகழ்வு, இதுவரை நடைபெற்றதிலேயே மிகப்பெரிய 'பிரிக்ஸ் வணிக மன்றம்' (BRICS Business Forum) ஆகும்,"

மேலும் படிக்க | Explained : 7 ஆண்டுகளுக்கு பின் இந்தியா வரும் சீன அதிபர் ஜின்பிங்! இனி என்ன ஆகும்?

G7 நாடுகள்

ஜி7 (குழு ஏழு) என்பது உலகின் மிகவும் முன்னேறிய ஏழு பொருளாதாரங்களை உறுப்பினர்களாக கொண்டுள்ள கூட்டமைப்பாகும். அவை,

ஜி7, இவற்றுடன் ஐரோப்பிய ஒன்றியத்தையும் உள்ளடக்கிய ஒரு முறைசாரா கூட்டமைப்பாகும்.

BRICS நாடுகள்

பிரிக்ஸ் (BRICS) என்பது வளர்ந்து வரும் பொருளாதாரங்கள் மற்றும் வளரும் நாடுகளின் ஒரு கூட்டணியாகும். இதன் முக்கிய உறுப்பினர் நாடுகள்:

இந்த நாடுகளின் பெயர்களின் முதல் எழுத்துகளால் இந்த அமைப்பு BRICS என்னும் பெயரை பெற்றுள்ளது. எகிப்து, எத்தியோப்பியா, ஈரான், சவுதி அரேபியா, ஐக்கிய அரபு அமீரகம் மற்றும் இந்தோனேசியா ஆகியவை மற்ற முழு உறுப்பினர் நாடுகளாகும். இதனால் பிரிக்ஸ் அமைப்பின் மொத்த எண்ணிக்கை 11 ஆகிறது. பெலாரஸ், ​​பொலிவியா, கியூபா, கஜகஸ்தான், மலேசியா, நைஜீரியா, தாய்லாந்து, உகாண்டா, உஸ்பெகிஸ்தான் மற்றும் வியட்நாம் ஆகியவை இதன் 10 கூட்டாளர் நாடுகளாகும்.

மேலும் படிக்க | புதினுக்கு திருக்குறள் பரிசளிப்பு... உடனே பிரதமர் மோடி சொன்னது என்ன தெரியுமா?

Add Zee News as a Preferred Source
TAGS:

About the Author

ஸ்ரீப்ரியா சம்பத், 6 ஆண்டுகளுக்கும் மேல் மீடியாவில் பணியாற்றி வருகிறார். இவர், வணிகம் மற்றும் தனிநபர் நிதி (Personal Finance) சார்ந்த கட்டுரைகளை எழுதுவதில் நிபுணத்துவம் பெற்றவர். மத்திய பட்ஜெட்டுகள், வங்கித் துறை, வருமான வரி, பங்குச் சந்தைகள் மற்றும் நாட்டின் ஒட்டுமொத்தப் பொருளாதாரம், மத்திய அரசு ஊழியர்கள், ஊதியக் குழுக்கள் (Pay Commissions), ஓய்வூதியத் திட்டங்கள், ஓய்வூதியதாரர்கள், அரசின் முக்கியக் கொள்கைகள் மற்றும் சர்வதேச விவகாரங்களில் பல கட்டுரைகளை எழுதியுள்ளார்.எழுத்தை வாசகர்களோடு இணைவதற்கான ஒரு சிறந்த பாலமாகக் கருதும் இவர், அவர்களின் தேவைகளுக்கும் ஆர்வங்களுக்கும் முன்னுரிமை அளிக்கிறார். வாசகர்களுடன் இயல்பான, உண்மையான மற்றும் நேர்மையான தொடர்பைக் கொண்டிருப்பதே இவரின் முதன்மை இலக்காகும். பணி நேரத்தைத் தாண்டி, புத்தகங்கள் வாசிப்பது, புதிய இடங்களுக்குப் பயணம் செய்வது மற்றும் அறிவுசார் விவாதங்களில் பங்கேற்பது இவருக்கு மிகவும் பிடித்தமானவை.
Read More

ZEENEWS TRENDING STORIES