• हिन्दी
  • English
  • मराठी
  • বাংলা
  • தமிழ்
  • മലയാളം
  • ગુજરાતી
  • తెలుగు
  • ಕನ್ನಡ
  • ଓଡ଼ିଶା
  • Z Bharat
  • PHH
  • Business
  • WION
  • facebookyoutubetwitterwhatsapp
Zee Tamil News
  • News
  • Videos
  • Photos
  • Short Videos

  • City

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /இந்தியா
  • /57 மெட்ரோக்கள் மூடல்; அனைத்து ரயில்களும் ரத்து; பிரதமரை சாடும் CJP - டெல்லி நிலவரம் என்ன?

57 மெட்ரோக்கள் மூடல்; அனைத்து ரயில்களும் ரத்து; பிரதமரை சாடும் CJP - டெல்லி நிலவரம் என்ன?

ஜந்தர் மந்தரில் நாளை சிஜேபி போராட்டம் அறிவிக்கப்பட்டுள்ளதால் டெல்லியில் 57 மெட்ரோ நிலையங்கள் மூடப்பட்டுள்ளது. மேலும், புது டெல்லி, நிஜாமுதீன் ரயில் நிலையங்களுக்கு வரும் ரயில்கள் அனைத்தும் ரத்து செய்யப்பட்டுள்ளது.

Written BySudharsan G
Published: Oct 09, 2026, 03:33 PM IST|Updated: Oct 09, 2026, 04:08 PM IST
joinshare
57 மெட்ரோக்கள் மூடல்; அனைத்து ரயில்களும் ரத்து; பிரதமரை சாடும் CJP - டெல்லி நிலவரம் என்ன?
Image Credit: Delhi CJP Protest | AI Generated Image : ChatGPT

About the Author

Sudharsan G

Sudharsan G

I’m Sudharsan G, Sub Editor at Zee Tamil News, with over five years of experience in Tamil content writing. I cover Tamil Nadu, national, and international news, along with sports stories that connect with readers. A follower of cricket, cinema, and politics, I bring depth and perspective to every piece. I also have on-screen camera experience, which helps me present news stories in a more engaging and impactful way. Outside work, I enjoy modern Tamil literature and discovering new voices in contemporary writing.
Read More

Trending

  • News
  • Photos
  • Videos
Explained: கிரீன் கார்டுக்கு தடை!! இந்திய ஐடி ஊழியர்கள், நிறுவனங்கள் மீதான உடனடி தாக்கம் என்ன?

Explained: கிரீன் கார்டுக்கு தடை!! இந்திய ஐடி ஊழியர்கள், நிறுவனங்கள் மீதான உடனடி தாக்கம் என்ன?

2

தாராபுரத்தில் தவெக வெற்றி; குறைந்தது வெற்றி வித்தியாசம் - 3வது இடத்தில் அதிமுக

3

57 மெட்ரோக்கள் மூடல்; அனைத்து ரயில்களும் ரத்து; பிரதமரை சாடும் CJP - டெல்லி நிலவரம் என்ன?

4

நவநீதம் பிள்ளைக்கு அமைதிக்கான நோபல் பரிசு... யார் இந்த தென்னாப்பிரிக்கத் தமிழ்ப் பெண்?

5

பிரதமர் மோடி சென்னை வருகை: SPG குழுவின் கட்டுப்பாட்டில் சென்ற விமான நிலையம்

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

Delhi October 10 CJP Protest : டெல்லி ஜந்தர் மந்தரில் தலைமைத் தேர்தல் ஆணையரை பதவி விலகக் கோரி மாணவர்கள் போராட்டம் தீவிரம் அடைந்து வருகிறது. காங்கிரஸ் தலைமையில் இந்தியா கூட்டணி கட்சிகளும் வீதியில் இறங்கி போராடுவதால் டெல்லியில் பரபரப்பான சூழல் நிலவுகிறது.

அந்த வகையில், வாக்கு திருட்டு நடந்திருப்பதாக குற்றஞ்சாட்டி அதற்கு எதிராக நாளை (அக். 10) போராட்டம் நடத்தப்படும் என காக்ரோச் ஜனதா கட்சி அறிவித்திருப்பதால் டெல்லி போலீசார் பொது போக்குவரத்து சார்ந்த சில நடவடிக்கைகளை மேற்கொண்டுள்ளனர்.

மேலும் படிக்க | Explained: "வாக்குகளை காப்போம்" -அக்டோபர் 10 தேர்தல் ஆணையத்திற்கு எதிராக வெடிக்கும் மக்கள் போராட்டம்!

57 மெட்ரோ நிலையங்கள் மூடப்படும்

வார இறுதி நாட்கள் என்பதால் ஜந்தர் மந்தர் மற்றும் அதை சுற்றியிருக்கும் பகுதிகளில் நடக்கும் போராட்டத்தில் பங்கேற்க மக்கள் அதிகம் கூட வாய்ப்புள்ள காரணத்தால், இன்று (அக். 9)  டெல்லி மெட்ரோ ரயில் அதன் ரயில் இயக்கத்தை குறைத்துள்ளது.

அதுமட்டுமின்றி இன்றிரவு 9 மணி முதல் நாளை (அக். 10) சூழல் சீராகும் வரை 57 மெட்ரோ நிலையங்களின் நுழைவு மற்றும் வெளியேறும் கதவுகளை மூடுவதற்கு டெல்லி போலீசார் முடிவெடுத்துள்ளனர். குறிப்பாக, ராஜிவ் சௌக், மத்திய தலைமை செயலகம், உச்சநீதிமன்றம் புது டெல்லி, காஷ்மீர் கேட், மண்டி ஹவுஸ், ஐ.டி.ஓ, படேல் சௌக் உள்ளிட்ட நிலையங்கள் அடங்கும்.

மேலும், ஹவுஸ் காஸ், சராய் காலே கான்-நிஜாமுதீன், லஜ்பத் நகர், ஜாமியா மில்லியா இஸ்லாமியா உள்ளிட்ட பல மெட்ரோ வழித்தடங்களில் உள்ள நிலையங்களையும் இந்த உத்தரவில் உள்ளடக்கப்பட்டுள்ளது.

எந்தெந்த மெட்ரோ ரயில்கள் மூடப்படும்?

ஜன்பத், படேல் சவுக், மத்திய தலைமைச் செயலகம், லோக் கல்யாண் மார்க், ராஜீவ் சவுக், புது டெல்லி, சேவா தீர்த், மண்டி ஹவுஸ், பாராகம்பா ரோடு, ஐடிஓ, டெல்லி கேட், கான் மார்க்கெட், ஆர்.கே. ஆசிரமம் மார்க், ஜண்டேவாலான், உச்ச நீதிமன்றம், இந்திரபிரஸ்தா, சிவாஜி ஸ்டேடியம், ஐஎன்ஏ (இரு மெட்ரோ பாதைகளும்), ஹவுஸ் காஸ், ஜோர் பாக், அர்ஜன்கர், சராய் காலே கான் - நிஜாமுதீன், லஜ்பத் நகர், ஜங்புரா, ஆசிரமம், காளிந்தி குஞ்ச், ஜசோலா, ஜாமியா மில்லியா இஸ்லாமியா, ஓக்லா விஹார், சாவ்டி பஜார், ஜமா மசூதி, கரோல் பாக், ராஜேந்திர பிளேஸ், விஸ்வவித்யாலயா, விதான் சபா, சிவில் லைன்ஸ், காஷ்மீரி கேட், இந்தர்லோக், ஜி.டி.பி. நகர் (GTB நகர்), கன்னையா நகர், நேதாஜி சுபாஷ் பிளேஸ், ஆசாத்பூர், ஆதர்ஷ் நகர், ஜஹாங்கீர்புரி, ஹைதர்பூர் பாத்லி மோர், மஜ்லிஸ் பார்க், ஷாலிமார் பாக், சீலம்பூர், மவுஜ்பூர், ஜாஃப்ராபாத், வெல்கம், யமுனா விஹார், கஜூரி காஸ், ஷாஹ்தரா, ரிதாலா, ரோஹிணி கிழக்கு, ரோஹிணி மேற்கு.

மேலும் படிக்க | இந்தியாவின் பாஸ் அம்பானியா? எலான் மஸ்க் மீண்டும் சீண்டல்... முழு பின்னணி

அனைத்து ரயில்களும் ரத்து

முன்னதாக, இந்தியன் ரயில்வேயும் பல்வேறு ரயில் சேவைகளை ரத்து செய்து அறிவிப்பு வெளியிட்டது. புது டெல்லி மற்றும் ஹஸ்ரத் நிஜாமுதீன் ரயில் நிலையங்களைச் சுற்றில் கடுமையான போக்குவரத்து நெரிசல் ஏற்படலாம் என்ற காரத்திற்காக நாளை அதிகாலை 4 மணிமுதல் மதியம் 3 மணிவரை, இந்த 2 இரண்டு ரயில் நிலையங்களுக்கு வரக்கூடிய அனைத்து பயணிகள் ரயில்கள் மற்றும் எக்ஸ்பிரஸ் ரயில்களையும் ரத்து செய்து இந்திய ரயில்வே உத்தரவிட்டுள்ளது.

ரயில்வே துறையின் பயிற்சி இயக்குநரகம் உத்தரவு பிறப்பித்துள்ளது. அதில் இரண்டு ரயில் நிலையங்களைச் சுற்றி இருக்கும் பகுதிகளில் கடுமையான போக்குவரத்து நெரிசல் இருக்கும் என்று எதிர்பார்க்கப்படுவதைக் கருத்தில் கொண்டு இந்த முடிவு எடுக்கப்பட்டுள்ளதாக அதில் தெரிவிக்கப்பட்டுள்ளது.

பிரதமர் மோடியை விமர்சித்த அபிஜித் தீப்கே

அரசின் இந்த நடவடிக்கைகளை பகடி செய்யும் வகயைில் காக்ரோச் ஜனதா கட்சியின் நிறுவனர் அபிஜித் தீப்கே அவரது X பக்கத்தில் பதிவிட்டுள்ளார். "மெட்ரோ, ரயில்வே, இணைய சேவை ஆகியவை நிறுத்தியிருக்கிறார், 50 இன்ச் விஸ்வகுரு மாமனிதர்" என பிரதமர் மோடியை மறைமுகமாக குறிப்பிட்டு சாடி உள்ளார்.

Metro: Shut down Railways: Shut down Internet: Shut down 50 inch vishwaguru mahamanav 😂😂😂 https://t.co/Ar7uiRuhAj

— Abhijeet Dipke (@abhijeet_dipke) October 9, 2026

முன்னதாக, தங்களின் அக்டோபர் 10 போராட்டத்திற்கு முன்னதாக, நாடு முழுவதும் ஆயிரக்கணக்கில் இளைஞர்களை பாஜக அரசு தடுத்து வைத்துள்ளது என்றும் மோடியின் இந்த மிரட்டல் எடுபடாது என்றும் அபிஜித் தீப்கே பதிவிட்டுள்ளார். மேலும் அந்த பதிவில், "நாட்டின் இளைஞர்கள் இனி உங்களுக்குப் பயப்பட மாட்டார்கள். நாளை டெல்லியில் தரையிறங்குவேன், என்ன நடந்தாலும் சரி, ஐந்தர் மந்தருக்கு பேரணியாகச் செல்வேன்" என குறிப்பிட்டுள்ளார்.

மேலும் படிக்க | எலான் மஸ்க் vs இந்திய அரசு: ஸ்டார்லிங்க் விவகாரம் - பின்னணியில் அம்பானி மோதலா? Explained

Add Zee News as a Preferred Source
TAGS:
India