24 மாநிலங்களில் இன்று இடியுடன் கூடிய கனமழை கொட்டித்தீர்க்கும்: IMD எச்சரிக்கை

Weather Forecast: இந்தியாவில் இது பருவமழை காலம். தற்போதைய வானிலைச் சூழலால் இந்தியாவின் பல பகுதிகளில் தென்மேற்குப் பருவமழை மீண்டும் தீவிரமடைந்துள்ளது. இன்று (செப்டம்பர் 6, ஞாயிற்றுக்கிழமை) 24 மாநிலங்களில் கனமழை, இடியுடன் கூடிய மழை மற்றும் பலத்த காற்று ஆகியவை இருக்கும் என்று இந்திய வானிலை ஆய்வு மையம் (IMD) கணித்துள்ளது.

வானிலை ஆய்வு மையம் கணிப்பு

டெல்லி-என்சிஆர் (Delhi-NCR), உத்தரப் பிரதேசம், பீகார், ஜார்க்கண்ட், இமாச்சலப் பிரதேசம், மேற்கு வங்கம், பஞ்சாப், மத்தியப் பிரதேசம் மற்றும் சத்தீஸ்கர் ஆகிய மாநிலங்கள் இத்தகைய வானிலைச் சூழலை எதிர்கொள்ளக்கூடும். சில பகுதிகளில் மணிக்கு 70 கி.மீ வேகம் வரையிலான பலத்த காற்று வீசக்கூடும்.

செப்டம்பர் 6: வானிலை முன்னறிவிப்பு

• இந்திய வானிலை ஆய்வு மையத்தின் (IMD) தகவலின்படி, வடக்கு, மத்திய மற்றும் கிழக்கு மாநிலங்களின் சில பகுதிகளில் பரவலான மழை மற்றும் இடியுடன் கூடிய மழை பெய்ய அதிக வாய்ப்புள்ளது.
• நிலச்சரிவு அபாயம் உள்ள மலைப்பகுதிகளில் வசிக்கும் மக்கள் விழிப்புடன் இருக்கும்படி மாவட்ட நிர்வாகங்கள் கேட்டுக்கொண்டுள்ளன.
• மோசமான வானிலை நிலவும் சூழலில், வெள்ள அபாயம் உள்ள பகுதிகள் மற்றும் அதனைச் சுற்றியுள்ள பகுதிகளில் வசிக்கும் மக்கள் எச்சரிக்கையுடன் இருக்குமாறு அறிவுறுத்தப்பட்டுகிறார்கள்.

டெல்லி, நொய்டா, காசியாபாத், குருகிராம் வானிலை

டெல்லி மற்றும் அதைச் சுற்றியுள்ள தேசிய தலைநகர் பிராந்தியத்தில் (நொய்டா, காசியாபாத், ஃபரிதாபாத் மற்றும் குருகிராம் உட்பட) இன்று கனமழை மற்றும் இடியுடன் கூடிய மழைக்கான எச்சரிக்கை விடுக்கப்பட்டுள்ளது. கடந்த சில வாரங்களாகவே டெல்லியில் பரவலான மழை பெய்து வருகிறது.

டெல்லி மற்றும் அதைச் சுற்றியுள்ள பகுதியின் சில இடங்களில் மணிக்கு 50 கி.மீ வேகம் வரையிலான பலத்த காற்றும் வீசக்கூடும் என்று எதிர்பார்க்கப்படுகிறது. டெல்லியில் அதிகபட்ச வெப்பநிலை 29 முதல் 30 டிகிரி செல்சியஸ் வரை இருக்கும் என்று கணிக்கப்பட்டுள்ளது.

மேலும் படிக்க | Explained : CJP போராட்டக்காரரின் தலையை உடைத்தது பெருமையா? கைது செய்யப்பட்ட இன்ஃப்ளுவன்சர்..

மகாராஷ்டிரா வானிலை

வானிலை ஆய்வு மையத்தின் தகவலின்படி, இன்று முதல் செப்டம்பர் 8 வரை அடுத்த மூன்று நாட்களுக்கு மகாராஷ்டிரா மாநிலம் முழுவதும் லேசானது முதல் மிதமான மழை பெய்ய வாய்ப்புள்ளது. கொங்கன்-கோவா பிராந்தியத்தில் பருவமழை பெய்ய வாய்ப்புள்ளது. மாநிலத்தின் பிற பகுதிகளில் ஆங்காங்கே மழை பெய்யக்கூடும்.

கொங்கன்-கோவா மாவட்டங்களிலும், மராத்வாடா மற்றும் மத்திய மகாராஷ்டிரா மாவட்டங்களின் சில இடங்களிலும் லேசானது முதல் மிதமான மழை பெய்ய வாய்ப்புள்ளது. இதில் சத்ரபதி சம்பாஜிநகர், ஜல்னா, பீட், லாத்தூர், நாந்தேட், பர்பானி, ஹிங்கோலி, தாராஷிவ், புனே, நாசிக், அகமதுநகர், துலே, நந்துர்பார், ஜல்கான், கோலாப்பூர், சாங்லி, சத்தாரா, சோலாப்பூர், மாலேகான், ஷிர்டி, பாராமதி மற்றும் பிம்ப்ரி-சின்ச்வாட் ஆகிய பகுதிகள் அடங்கும்.

உத்தரப் பிரதேச வானிலை முன்னறிவிப்பு

மீரட், முசாபர்நகர், ஆக்ரா, மதுரா, அலிகார், பிஜ்னோர், படாவுன், பிலிபித், சீதாபூர், கான்பூர், ஷாஜஹான்பூர், ரே பரேலி, உன்னாவ், எட்டாவா, ஆசம்கர், அயோத்தி, டியோரியா மற்றும் கோரக்பூர் உள்ளிட்ட உத்தரப் பிரதேசத்தின் பல மாவட்டங்களுக்கு கனமழை மற்றும் இடியுடன் கூடிய மழை பெய்ய வாய்ப்புள்ளதாக வானிலை ஆய்வு மையம் எச்சரிக்கை விடுத்துள்ளது.

பீகார் வானிலை

கயா, பாட்னா, ஜெகனாபாத், போஜ்பூர், சமஸ்திபூர், பூர்னியா, அராரியா, கிஷன்கஞ்ச், கதிஹார், பாகல்பூர், பெகுசராய், கோபால்கஞ்ச், ரோஹ்தாஸ், பக்சர் மற்றும் வைஷாலி உள்ளிட்ட பல மாவட்டங்களில் இடியுடன் கூடிய பருவமழை பெய்யக்கூடும்.

மேலும் படிக்க | ஒரு Follower-க்கு ஒரு கிலோ குப்பை சுத்தம்! ஆற்றையே தூய்மைப்படுத்திய 20 வயது இளைஞர்..

ஜார்க்கண்ட் வானிலை

அண்டை மாநிலமான ஜார்க்கண்டிலும் இதேபோன்ற வானிலை நிலவக்கூடும்; ராஞ்சி, தியோகர், ஜாம்ஷெட்பூர், பொகாரோ, ராம்கர், குந்தி, பலமு, தன்பாத், கிரிதி, கும்லா, மேற்கு சிங்பூம் மற்றும் லதேஹார் ஆகிய இடங்களில் கனமழை மற்றும் இடியுடன் கூடிய மழைக்கு வாய்ப்புள்ளது.

ஜம்மு-காஷ்மீர், இமாச்சலப் பிரதேச வானிலை முன்னறிவிப்பு

ஜம்மு-காஷ்மீரில், அனந்த்நாக், ஜம்மு, பூஞ்ச், பாரமுல்லா, கிஷ்த்வார், கந்தர்பால், உதம்பூர், ராம்பன், ஷோபியான் மற்றும் ரஜௌரி உள்ளிட்ட பகுதிகளில் மணிக்கு 60 கி.மீ வேகத்தில் பலத்த காற்றுடன் கூடிய மழை மற்றும் கடுமையான புயல் வீசக்கூடும் என்று இந்திய வானிலை ஆய்வு மையம் (IMD) கணித்துள்ளது.

இமாச்சலப் பிரதேச வானிலை

இமாச்சலப் பிரதேசத்தில், காங்ரா, கின்னார், மண்டி, உனா, சம்பா மற்றும் குலு ஆகிய இடங்களில் மழை மற்றும் இடியுடன் கூடிய மழை பெய்யக்கூடும்.

மேற்கு வங்க வானிலை

ஞாயிற்றுக்கிழமையன்று மேற்கு வங்காளத்தின் பல பகுதிகளில் இடியுடன் கூடிய கனமழை பெய்யக்கூடும் என இந்திய வானிலை ஆய்வு மையம் தகவல் அளித்துள்ளது. கொல்கத்தா, ஹவுரா, பீர்பூம், டார்ஜிலிங், முர்ஷிதாபாத், நதியா, துர்காபூர், காலிம்போங், புருலியா மற்றும் மால்டா உள்ளிட்ட மாவட்டங்களில் பருவமழையால் கனமழை எதிர்பார்க்கப்படுகின்றது.

ஒடிசா வானிலை

ஞாயிற்றுக்கிழமையன்று ஒடிசாவின் சில பகுதிகளில் பருவமழை தொடரும் என்று எதிர்பார்க்கப்படுகிறது. தற்போது மிதமாக இருக்கும் பருவமழை செப்டம்பர் 8 முதல் தீவிரம் அடையும் என்று கணிக்கப்பட்டுள்ளது. இதன் காரணமாக வடக்கு மற்றும் கடலோர ஒடிசாவின் பல மாவட்டங்களுக்கு செப்டம்பர் 12 வரை 'மஞ்சள் எச்சரிக்கை' (Yellow alert) விடுக்கப்பட்டுள்ளது.

தமிழகத்திற்கான வானிலை முன்னறிவிப்பு

செப்டம்பர் 8, செவ்வாய்க்கிழமை வரை தமிழகத்தின் உள் மாவட்டங்களில் வெப்பநிலை உயரும் என்று சென்னை வானிலை ஆய்வு மையம் கணித்துள்ளது. வரும் நாட்களில் பல மாவட்டங்களில் லேசானது முதல் மிதமான மழை பெய்யக்கூடும் என்றும் எதிர்பார்க்கப்படுகிறது.

செப்டம்பர் 6, ஞாயிற்றுக்கிழமை முதல் செப்டம்பர் 8, செவ்வாய்க்கிழமை வரை தமிழகத்தின் ஓரிரு இடங்களில் லேசான மழை பெய்ய வாய்ப்புள்ளது. செப்டம்பர் 9 மற்றும் 10 ஆகிய தேதிகளில், மேற்குத் தொடர்ச்சி மலையை ஒட்டிய மாவட்டங்கள் மற்றும் வட தமிழகத்தின் ஓரிரு இடங்களில் மிதமான மழையும், சில இடங்களில் லேசான மழையும் பெய்யக்கூடும் என்று எதிர்பார்க்கப்படுகிறது.

மேலும் படிக்க | கேரளாவில் விபத்து : லாரி மீது மோதிய கார்... 8 தமிழக இளைஞர்கள் பலி