'2024 மக்களவை தேர்தல் சட்டவிரோதம்... தேர்தல் ஆணையமே சொல்கிறது' - ராகுல் காந்தி கூறுவது என்ன?

Rahul Gandhi Latest News Updates: எஸ்ஐஆர் நடைமுறையில் குளறுபடிகள் நடந்ததாகவும், அதற்கு பொறுப்பேற்று தலைமை தேர்தல் ஆணையர் (CEC) ஞானேஷ் குமார் பதவி விலக வேண்டும் என்றும் எதிர்க்கட்சிகளும், சில மாணவ அமைப்புகளும் தொடர்ச்சியாக குற்றஞ்சாட்டி, போராடி வருகின்றனர்.

அந்த வகையில், புதுடெல்லியில் உள்ள மாநிலங்களவை எதிர்க்கட்சித் தலைவரும், காங்கிரஸ் தலைவருமான மல்லிகார்ஜுன கார்கேவின் இல்லத்தில் எதிர்க்கட்சிகளின் இந்தியா கூட்டணி சார்பில் இந்திய தலைமை தேர்தல் ஆணையர் ஞானேஷ் குமாருக்கு எதிராக அடையாள பதவிநீக்க விசாரணை நிகழ்வை இன்று (அக். 31) நடத்தினர்.

மக்களவையின் முன்னாள் சபாநாயகர் மீரா குமார் சபாநாயகர் மீரா குமார் சபாநாயகர் போன்று அந்த அவையை நடத்தினார். காங்கிரஸ் தலைவர்கள் ராகுல் காந்தி, சோனியா காந்தி மற்றும் கூட்டணி கட்சிகளின் முக்கிய தலைவர்கள் பலரும் இதில் பங்கேற்றனர்.

மேலும் படிக்க | Chalo Delhi Rally | நவம்பர் 1 'இந்தியா' கூட்டணி பேரணிக்கு 6 நிபந்தனைகளுடன் டெல்லி காவல்துறை அனுமதி!

தலைமை தேர்தல் ஆணையர் மீதான 6 குற்றச்சாட்டுகள்

மாதிரி பதவிநீக்க தீர்மானத்தை முன்மொழிந்து மல்லிகார்ஜுன கார்கே, தலைமை தேர்தல் ஆணையர் மீது 6 கடுமையான குற்றச்சாட்டுகளைப் பட்டியலிட்டார்.

• பாஜக உடன் இணைந்து பொதுத் தேர்தல் மற்றும் மாநில சட்டப்பேரவைத் தேர்தல்களில் வாக்குகளை திருட சதி செய்தல்
• வாக்காளர் பட்டியலில் இருந்து சுமார் 13.2 கோடி வாக்காளர்களின் பெயர்களை முறைகேடாக நீக்கியது.
• நாடாளுமன்ற ஒப்புதல் இன்றி தன்னிச்சையாக படிவம் 6-ஐ மாற்றி அமைத்தது.
• தேர்தல் ஆணையத்தின் ECINET தளம் வழியாக வாக்காளர் பட்டியல்களை தன் கட்டுப்பாட்டுக்குள் கொண்டுவந்தது.
• தேர்தல் ஆணையத்தில் உள்ள மற்ற இரண்டு ஆணையர்களின் கருத்துகளைப் புறந்தள்ளிச் செயல்பட்டது
• பிரதமர் நரேந்திர மோடி மற்றும் உள்துறை அமைச்சர் அமித் ஷா ஆகியோரின் வழிகாட்டுதலின் கீழ் தன்னிச்சையாக செயல்பட்டது.

ஞானேஷ் குமாரை நீக்க வேண்டும்

மேலும், கூட்டத்தில் பேசிய மல்லிகார்ஜுன கார்கே, "2023ஆம் ஆண்டு டிசம்பரில் பிரதமர் மோடி தலைமையிலான அரசு கொண்டுவந்த சட்டம், தலைமை தேர்தல் ஆணையர் சட்டப்பூர்வ நடவடிக்கைகளில் இருந்து தப்பிக்கும் வகையில் அவருக்கு வாழ்நாள் பாதுகாப்பை அளித்துள்ளது.

𝐑𝐞𝐬𝐨𝐥𝐮𝐭𝐢𝐨𝐧 𝐅𝐨𝐫 𝐓𝐡𝐞 𝐏𝐮𝐛𝐥𝐢𝐜 𝐈𝐦𝐩𝐞𝐚𝐜𝐡𝐦𝐞𝐧𝐭 𝐎𝐟 𝐌𝐫. 𝐆𝐲𝐚𝐧𝐞𝐬𝐡 𝐊𝐮𝐦𝐚𝐫, 𝐂𝐡𝐢𝐞𝐟 𝐄𝐥𝐞𝐜𝐭𝐢𝐨𝐧 𝐂𝐨𝐦𝐦𝐢𝐬𝐬𝐢𝐨𝐧𝐞𝐫 𝐎𝐟 𝐈𝐧𝐝𝐢𝐚. 6 Charges against the present CEC — 1️⃣ Conspired to Steal Elections 2️⃣ Deleted 13.2 Crore Voters 3️⃣ Rewrote Form 6 Without Parliamentary Oversight or Knowledge 4️⃣ Seized the Electoral Rolls Through ECINET 5️⃣ Shut Out the Other Two Commissioners 6️⃣ Acted at the Behest of Modi and Shah

— Mallikarjun Kharge (@kharge) October 31, 2026

இந்நாட்டின் அரசமைப்புக்கும் ஜனநாயகத்திற்கும் எதிராக அவர் ஆற்றிய குற்றங்களை மறைக்கவே அந்த பாதுகாப்பு வழங்கப்பட்டது. 60 சதவீதத்திற்கும் அதிகமான மக்களைப் பிரதிநிதித்துவப்படுத்தும் எங்கள் கூட்டணி, மக்கள் மற்றும் அரசமைப்புக்குத் துரோகம் இழைத்த ஞானேஷ் குமாரை உடனடியாகப் பதவியில் இருந்து நீக்க வேண்டும் என்றும் நீதிமன்றத்தில் அவர் மீது தேசத்துரோக வழக்கு தொடர்ந்து விசாரிக்கப்பட வேண்டும் என்றும் தீர்மானிக்கிறது" என வலியுறுத்தினார்.

மேலும் படிக்க | ராகுல் காந்திக்கு அவதூறு வழக்கில் விடுதலை! 8 ஆண்டு நீண்ட வழக்கில் நீதிமன்றம் முக்கிய தீர்ப்பு

2024 தேர்தலே சட்டவிரோதமானது...

மக்களவை எதிர்க்கட்சித் தலைவர் ராகுல் காந்தி பேசுகையில், "2024 மக்களவை தேர்தல் ஒரு சட்டவிரோத தேர்தல், மக்களவைக்குள் நுழைந்தவர்கள், அதாவது பாஜகவினர் சட்டவிரோதமாக நுழைந்தனர் என்றும் தேர்தல் ஆணையமே கூறுகிறது.

நான் ஒரு சிறிய விஷயத்தை சுட்டிக்காட்ட விரும்புகிறேன். 13.3 கோடி வாக்காளர்கள் நீக்கப்பட்டனர். அதாவது, ஒவ்வொரு ஏழு இந்தியர்களில் ஒருவர். இந்தியாவின் 15% வாக்காளர் நீக்கப்பட்டனர். கடந்த மக்களவைத் தேர்தலில் இந்த வாக்காளர்கள் வாக்களித்ததாகக் கூறப்படுகிறது. எதிர்க்கட்சிக்கும் தேர்தலில் வெற்றி பெற்றவர்களுக்கும் இடையிலான வாக்கு வித்தியாசம் 3% ஆகும்.

#WATCH | Delhi: At the INDIA bloc's symbolic public impeachment program against CEC Gyanesh Kumar, Lok Sabha LoP Rahul Gandhi says, "...the Election Commission itself is stating that the 2024 Lok Sabha election is an illegal election, and the people who entered the Lok Sabha, the BJP people who entered the Lok Sabha, did so illegally..." I just want to make one small point. 13.3 crore voters were deleted. That is one in every seven Indians. 15% of India's voters were deleted. In the last Lok Sabha election, these voters supposedly voted. The difference between the opposition and those who won the election was a 3% vote margin. So, the election was won by a 3% vote, and now the Election Commission itself is saying that 15% of those voters should never have voted. Which means that the Election Commission itself is stating that the 2024 Lok Sabha election is an illegal election, and the people who entered the Lok Sabha, the BJP people who entered the Lok Sabha, did so illegally..." (Video Source: AICC)

— ANI (@ANI) October 31, 2026

எனவே, 3 சதவீத வாக்கு வித்தியாசத்தில் தேர்தலில் வென்றார்கள். இப்போது அந்த வாக்காளர்களில் 15% பேர் வாக்களித்திருக்கவே கூடாது என்று தேர்தல் ஆணையமே கூறுகிறது. இதன் பொருள், 2024 மக்களவைத் தேர்தல் ஒரு சட்டவிரோத தேர்தல் என்றும், மக்களவைக்குள் தேர்தல் ஒரு சட்டவிரோத தேர்தல் என்றும் மக்களவைக்குள் நுழைந்தவர்கள், அதாவது பாஜகவினர் சட்டவிரோதமாக நுழைந்தனர் என்றும் தேர்தல் ஆணையமே கூறுகிறது" என்றார்.

நவம்பர் 1இல் பேரணி

எதிர்க்கட்சிகளின் இந்த நடவடிக்கைக்கு ஆளும் பாஜக கடும் எதிர்ப்பு தெரிவித்துள்ளது. நாடாளுமன்ற நடைமுறைகளையும் அரசமைப்பு விதிகளையும் அவமதிக்கும் வகையில் காங்கிரஸ் தலைமையிலான கூட்டணி இந்த நாடகத்தை அரங்கேற்றி உள்ளதாக பாஜக தலைவர்கள் விமர்சித்துள்ளனர். அண்மை காலமாக தேர்தல் ஆணையத்தின் தீவிர வாக்காளர் திருத்தப் பணிகளுக்கு எதிராகப் எதிர்க்கட்சிகள் போராடி வரும் சூழலில், நாளை (நவ. 1) டெல்லியில் மாபெரும் பேரணியை திட்டமிட்டுள்ளது குறிப்பிடத்தக்கது.

மேலும் படிக்க | ராகுல் காந்தியின் வாகன அணியில் திடீர் விபத்து... பலர் காயம் -என்ன நடந்தது?