Explained : பசுமை பட்டாசு மட்டும்தான் தீபாவளிக்கு வெடிக்க வேண்டும்! Green Crackers என்றால் என்ன?
டெல்லியில், காற்று மாசுவை தடுக்கும் பொருட்டு, வெறும் பசுமை பட்டாசுகள், அதாவது Green Crackers மட்டும்தான் வெடிக்க வேண்டும் என்று உத்தரவிடப்பட்டிருக்கிறது. இது குறித்த முழு விவரம் என்ன என்பதை இங்கு தெரிந்து கொள்வோம்.
தீபாவளி பண்டிகை இந்தியாவில் மிக விரைவில் கொண்டாடப்பட இருக்கிறது. வழக்கமாக எப்போதும் புகையும் மாசும் சூழ்ந்த டெல்லி காற்றுக்கு இந்த பட்டாசு புகை மேலும் தீங்கு விளைவிக்கும் எனும அச்சம் எழுந்த நிலையில், தற்போது பொதுமக்களின் ஆரோக்கியத்தை கருத்தில் கொண்டு டெல்லி உயர்நீதிமன்றம் அதிரடி உத்தரவு ஒன்றை பிறப்பித்திருக்கிறது.
பசுமை பட்டாசுகள்!
டெல்லியில், பொதுமக்கள் ஆரோக்கியம் மற்றும் பட்டாசு தொழிலாளர்களின் வாழ்வாதாரம் ஆகிய இரண்டையும் கருத்திற்கொண்டு, 2 நாட்கள் மட்டுமே சான்றளிக்கப்பட்ட பசுமை பட்டாசுகளை வெடிக்க, ஐகோர் அனுமதி அளித்திருக்கிறது.
நவம்பர் 7 மற்றும் 8 ஆகிய 2 தினங்களுக்கு மட்டும், பசுமை பட்டாசூகளை வெடிக்க ஐகோர் அனுமதி அளித்திருக்கிறது. சமீபத்தில் நீதிபதிக்ள் எம்.எம் சுந்தரேஷ் மற்றும் பி.பி.வராலே ஆகியோர் அடங்கிய அமர்வு இந்த உத்தரவினை பிறப்பித்திருக்கிறது.
மேற்குறிப்பிட்ட இந்த நாட்களிலும் எப்போது வேண்டுமானாலும் பட்டாசு வெடித்துக்கொள்ளலாம் என்றெல்லாம் கிடையாது. காலை 6 மணி முதல் 7 மணி வரையிலும், இரவு 8 மணி முதல் 10 மணி வரையிலும் மட்டுமே சான்றளிக்கப்பட்ட பசுமை பட்டாசுகளை வெடிக்க ஐகோர் அனுமதி கொடுத்திருக்கிறது.
Green Crackers என்றால் என்ன?
இந்த பசுமை பட்டாசுகளை, Green Crackers என்று ஆங்கிலத்தில் குறிப்பிடுவர். இந்தியாவின் அறிவியல் மற்றும் தொழில்துறை ஆராய்ச்சி மன்றம் (CSIR), தனது ஆய்வகங்கள் மூலம் குறைந்த மாசு வெளிப்படுத்தும் பட்டாசுகளை உருவாக்கியது. இத்திட்டத்தை தேசிய சுற்றுச்சூழல் பொறியியல் ஆராய்ச்சி நிறுவனம் (NEERI) ஒருங்கிணைத்தது. அரசாங்கம் இந்தத் தயாரிப்புகளை 2019-ஆம் ஆண்டில் அறிமுகப்படுத்தியது.
NEERI-யின் வரையறையானது, அதே வகையைச் சேர்ந்த ஒரு வழக்கமான பட்டாசுடன் ஒப்பிடும்போது, துகள் பொருளில் குறைந்தபட்சம் 30%மாசு குறைப்பை உள்ளடக்கியுள்ளது. மேலும், இது குறைந்தபட்சம் 20% குறைவான துகள் பொருளையும், வாயு வெளியேற்றத்தில் ஒரு குறைப்பையும் உள்ளடக்கிய ஒரு வழித்தடத்தையும் அங்கீகரிக்கிறது. துகள் பொருள் என்பது காற்றில் மிதக்கும் மிகச்சிறிய திடத் துகள்கள் மற்றும் திரவத் துளிகளைக் குறிக்கும்.
இந்த ஒப்பீடு, ஒரு குறிப்பிட்ட பொருளையும் அதன் வழக்கமான மாற்றுப் பொருளையும் பற்றியதே தவிர, பேக்கேஜில் இடம்பெற்றுள்ள “பசுமை” என்ற சொல், தானாகவே இவற்றில் எதையும் காட்டுவதில்லை என்பது குறிப்பிடத்தக்கது.
இவை மாசு கட்டுப்பாட்டில் எவ்வாறு ஈடுபடுகின்றன?
பொதுவான பட்டாசுகளிலும், இந்த பசுமை வகை பட்டாசுகளிலும் புகை வருவது உறுதிதான். ஆனால், எந்த வகையான புகை வருகிறது என்பதுதான் இங்கே முக்கியம். பசுமை பட்டாசுகளில், அதைத்தான் விஞ்ஞானிகள் மாற்றி இருக்கின்றனர்.
சிறிய உறைகள், குறைக்கப்பட்ட மூலப்பொருட்கள், சாம்பலை ஒரு அங்கமாக நீக்குதல் மற்றும் துகள் வெளியேற்றத்தைக் கட்டுப்படுத்தும் பொருட்களைச் சேர்த்தல் உள்ளிட்ட அணுகுமுறைகளை NEERI விவரிக்கிறது. வெவ்வேறு கலவைகள், வெவ்வேறு வழிமுறைகள் மூலம் இந்த குறைப்புகளை அடைகின்றன.
உதாரணத்திற்கு, நீர் வெளியிடும் கலவை என்பது, பட்டாசு எரிதலின் போது நீரை வெளியிட்டு, துகள்களைப் பிடிக்க உதவும் ஒரு பொருளைப் பயன்படும். இதே சமயத்தில், இரும்பு ஆக்சைடைப் பயன்படுத்தி எரிப்புத் திறனை மேம்படுத்துகிறது. மூன்றாவதாக, அலுமினியப் பயன்பாட்டைக் குறைக்க ஸியோலைட் அடிப்படையிலான பொருட்களைப் பயன்படுத்துகிறது. ஸியோலைட்டுகள் என்பவை நுண்துளை அமைப்பு கொண்ட பொருட்கள் ஆகும். இவையனைத்தும் சேர்ந்து, நார்மல் பட்டாசு போன்ற உணர்வை வாடிக்கையாளர்களுக்கு கொடுத்தாலும் அதன் ஒலி குறைந்து காணப்படும்.
30% மாசு குறையுமா?
இந்த வகை பட்டாசுகளில், 30% குறைவான காற்று மாசு என்று குறிப்பிட்டிருந்தாலும், இது டெல்லியின் சுவாச திறனை அதிகரிக்க எந்த வகையிலும் உதவாது. டெல்லியில் ஏற்படும் காற்று மாசுவுக்கு பட்டாசுகள் மட்டும் காரணமில்லை. வாகனங்கள், தொழிற்சாலைகள் உள்ளிட்ட பல்வேறு காரணங்கள் இதற்கு பின்னால் இருக்கின்றன. வானிலை மற்றும் நாம் எவ்வளவு பட்டாசுகளை உபயோகிக்கிறோம் என்பதும் டெல்லி மக்களின் சுவாச திறனை மேம்படுத்த உதவும்.
Green Crackers சுவாசிப்பதால் ஒன்றும் ஆகாதா?
இவற்றிலிருந்தும் துகள் வெடிப்புகள் வெளியேறும். எனவே, இதனை சுவாசிப்பதாலும் சுவாச கோளாறுகள் ஏற்படலாம். எனவே, இது தூய்மையான பட்டாசு என்பதற்கான எந்த சான்றும் கொடுக்கப்படவில்லை. உலக சுகாதார அமைப்பு, நுண்ணிய துகள்களின் வெளிப்பாட்டை சுவாச மற்றும் இதய நோய்களுடன் தொடர்புபடுத்தி கூறுகிறது. குறிப்பாக குழந்தைகள் இந்த காற்று மாசுபாட்டால் எளிதில் பாதிக்கப்படக்கூடியவர்களாக இருக்கின்றனர். இந்த அபாயங்கள், குறைந்த அளவு புகையை வெளியிடும் ஒரு தயாரிப்பு கூட ஏன் கடுமையான கட்டுப்பாடுகளுக்கு உட்படுத்தப்படலாம் என்பதை விளக்குகின்றன.
மேலும், "பசுமை" என்பதற்கு வெறும் சத்தமற்றது என்றும் அர்த்தமல்ல. CSIR-இன் திட்டத்தில் ஒலி எழுப்பும் பட்டாசுகள், மத்தாப்புகள், பூந்தொட்டிகள் மற்றும் சுழலும் பட்டாசுகள் ஆகியவை அடங்கும். ஒரு பழக்கமான வடிவம் அல்லது மென்மையான ஒலி மட்டும் சான்றிதழை உறுதி செய்துவிடாது என்று கூறப்படுகிறது.
வேறு நாடுகளில் பசுமை பட்டாசுகள் உள்ளதா?
உலகிலேயே, பசுமை பட்டாசு எனும் ஒரு விஷயத்தை முதன்முதலில் சிந்தித்த மற்றும் செயல்படுத்திய, உற்பத்தி செய்த நாடாக இருக்கிறது, இந்தியா.
சர்வதேச அளவில், காற்று மாசுபாட்டால் நிகழும் மரணங்களால் இப்படி ஒரு கான்செப்ட் கொண்டு வரப்பட்டுள்ளது. 2019ஆம் ஆண்டில் மட்டும், காற்று மாசுபாடு சார்ந்த பாதிப்புகள் அதிகரித்து, மொத்தம் 4 லட்சத்திற்கும் மேற்கொண்ட குழந்தைகள் பலியாகி இருக்கின்றனர். அதில் இந்தியாவில் மட்டும் 1,16,000 குழந்தைகள் காற்று மாசுபாடு காரணமாக உயிரிழந்திருக்கின்றனர். அதுவும், பிறந்த ஒரு மாதத்தில் பலியாகி இருப்பது மிகவும் சோகத்தை ஏற்படுத்தி இருக்கிறது.
