’குழந்தையே பெத்துக்க போறதில்ல..” வரலட்சுமி சரத்குமார் தடாலடி முடிவு!

வரலட்சுமி சரத்குமார் சினிமா பின்னணி

சரத்குமார்-சாயா ஆகியோரின் மகளாக இருப்பவர், வரலட்சுமி. இவர், ‘போடா போடி’ திரைப்படம் மூலமாக திரையுலகிற்குள் அறிமுகமானார். இவர், தனது தனிப்பட்ட வாழ்க்கை குறித்தும், குழந்தை பெற்றுக்கொள்ளப்போவதில்லை எனும் தன்னுடைய முடிவு குறித்தும் பேசியிருக்கிறார்.

வரலட்சுமி நிக்கோலாய் திருமணம்

மும்பையில் சேர்ந்த ஒரு கலைக்கூடத்தின் உரிமையாளராக இருக்கிறார், நிக்கோலாய் சாச்தேவ். இவரும், வரலட்சியும் கடந்த 2024ஆம் ஆண்டு திருமணம் செய்து கொண்டனர். இவர்களுடையது காதல் திருமணம் ஆகும். நிக்கோலாய்க்கு ஏற்கனவே திருமணமாகி 1 பெண் குழந்தை இருக்கிறது.

வரலட்சுமியிடம் குழந்தை குறித்து கேள்வி

வரலட்சுமி சரத்குமாரிடம் அடிக்கடி ‘குழந்தை எப்போ பெத்துக்க போறீங்க?” என்ற கேள்வி கேட்கப்படுகிறது. இதற்கு அவர் சமீபத்தில் அளித்திருந்த பதில் அனைவருக்கும் அதிர்ச்சியை கொடுத்தது. அதிலிருந்து அனைவரும் கப்சிப் என்று ஆகிவிட்டனர்.

குழந்தைகள் பெற்றுக்கொள்வது குறித்து வரலட்சுமியின் கருத்து

வரலட்சுமி சரத்குமார், தான் குழந்தைகள் பெற்றுக்கொள்ளப்போவதில்லை என்றும், குழந்தைகளை பெற முடியாததால் தான் இந்த முடிவை எடுக்கவில்லை என்றும், மாறாக தெளிவாக சிந்தித்து, சுயமாக இந்த முடிவை எடுத்திருப்பதாகவும் தெரிவித்திருக்கிறார்.

வரலட்சுமி பெற்றோர் ஆவது குறித்து பேச்சு

குழந்தையை பெற்றெடுப்பதை விட, அவர்களை சரியாக வளர்ப்பதே, பெற்றோரின் உண்மையான கடமை என்று தான் நம்புவதாகவும், பெற்றோர் ஆவதற்கு முன்பு ஒரு குழந்தையை முறையாக வளர்ப்பதற்கான விருப்பமும் பொறுப்பும் இருக்க வேண்டும் என்றும் அவர் கூறியிருக்கிறார். மேலும் நிக்கோலாயின் மகளை தன் சொந்த மகளாகவே கருதுவதாகவ்வும் தங்கள் வீட்டில் இருக்கும் 2 செல்ல நாய்களுடன் தமக்கு மிக நெருக்கமான பிணைப்பு இருப்பதாகவும் கூறியிருக்கிறார்.