சென்னைக்கு எப்போதான் மழை வரும்? வானிலை ஆய்வு மையம் சொன்ன சூப்பர் தகவல்!

சென்னை

சென்னை வானிலை ஆய்வு மையம், சென்னை மற்றும் புறநகர் பகுதிகளை பொறுத்தவரை, வானம் ஓரளவு மேகமூட்டத்துடன் காணப்படும் என்றும், அதே சமயத்தில் இரவு நேரங்களில் நகரின் ஒரு சில பகுதிகளில் இடியுடன் கூடிய லேசான அல்லது மிதமான பழை பெய்ய வாய்ப்பிருப்பதாக அறிவித்துள்ளது.

அதிகபட்சமாக வெப்பநிலை

அதிகபட்சமாக வெப்பநிலை 38 டிகிரி செல்சியஸை ஒட்டியும், குறைந்தபட்சமாக, 28 டிகிரி செல்சியஸை ஒட்டியும் வெப்பநிலை இருக்கும் என சென்னை வானிலை ஆய்வு மையம் தெரிவித்திருக்கிறது.

பிற மாவட்டங்கள்

ஆகஸ்ட் 18ஆம் தேதியான இன்று, செங்கல்பட்டு, விழுப்புரம் கடலூர் உள்ளிட்ட மாவட்டங்களில், ஓரிரு பகுதிகளில் இடியுடன் கூடிய பலத்த காற்றுடன் கனமழை பெய்யக்கூடும் என வானிலை ஆய்வு மையம் தெரிவித்துள்ளது. கூடவே, திருவள்ளூர், சென்னை, தேனி, திண்டுக்கல், மதுரை, சிவகங்கை, புதுக்கோட்டை, மயிலாடுதுரை, அரியலூர், பெரம்பலூர், திருவண்ணாமலை உள்ளிட்ட மாவட்டங்களில் ஓரிரு இடங்களில் இடியுடன் கூடிய பலத்த காற்றுடன் மிதமான மழை பெய்யக்கூடும் என தெரிவிக்கப்பட்டிருக்கிறது.

வானம் மேகமூட்டத்துடன் காணப்படும்

சென்னை மற்றும் புறநகர் பகுதிகளில் வானம் ஓரளவு மேகமூட்டத்துடன் காணப்படும். நாளை 27-28 டிகிரி செல்சியஸ் வரை வெப்பம் பதிவாகலாம். மாலை அல்லது இரவு நேரங்களில் நகரின் ஒரு சில பகுதிகளில் இடியுடன் கூடிய மிதமான மழை பெய்ய வாய்ப்புள்ளது.

மிதமான மழை

வரும் நாட்களில், வட கடலோர தமிழகத்தின் ஓரிரு இடங்களிலும், புதுவை மற்றும் காரைக்கால் பகுதிகளிலும் மிதமான மழை பெய்யக்கூடும் என தெரிவிக்கப்பட்டுள்ளது.