திண்டுக்கல்: ஆசிரியர் காலிப் பணியிடங்கள்... தமிழக அரசின் அறிவிப்பு - விண்ணப்பிப்பது எப்படி?

திண்டுக்கல் வேலைவாய்ப்பு

2026-27-ஆம் கல்வியாண்டிற்கு ஆதிதிராவிடர் நலத்துறையின் கீழ் இயங்கும் முருகன்பட்டி அரசு ஆதிதிராவிடர் நல மேல்நிலைப்பள்ளியில் முதுகலைபட்டதாரி ஆசிரியர் (தமிழ்) பணியிடத்திற்கு தற்காலிக தொகுப்பூதிய அடிப்படையில் பணி நியமனம் செய்ய உத்தேசிக்கப்பட்டுள்ளது என திண்டுக்கல் மாவட்ட ஆட்சியர் துர்காமூர்த்தி உத்தரவிட்டுள்ளார்.

ஆசிரியர் வேலைவாய்ப்பு

அதனடிப்படையில், திண்டுக்கல் மாவட்டத்தில் ஆதிதிராவிடர் நலத்துறையின் கீழ் இயங்கும் முருகன்பட்டி அரசு ஆதிதிராவிடர் நல மேல்நிலைப்பள்ளியில் முதுகலைப்பட்டதாரி ஆசிரியர் (தமிழ்) பணியிடத்திற்கு மாணக்கர்களின் நலன்கருதி தற்காலிக தொகுப்பூதிய அடிப்படையில் பள்ளி மேலாண்மைக்குழு மூலம் பணிநியமனம் செய்யப்படவுள்ளது.

ஆதிதிராவிடர் பள்ளியில் வேலை

முதுகலைபட்டதாரி ஆசிரியர் பணிக்கு வரையறுக்கப்பட்ட கல்வி தகுதிகளுடன் ஆசிரியர் தகுதி தேர்வில் (TET PAPER-II) தேர்ச்சி பெற்றவர்கள்) மேற்படி தற்காலிக தொகுப்பூதிய முதுகலைப் பட்டதாரி ஆசிரியர்கள் பள்ளி மேலாண்மைகுழு வாயிலாக தலைமை ஆசிரியர் / மூத்த பட்டதாரி /முதுகலைபட்டதாரி ஆசிரியர் ஆகியோரைக் கொண்ட குழு மூலமாக தேர்வு செய்யப்படுவார்கள்.

முதுகலைப் பட்டதாரி பணியிடங்கள்

முதுகலைப் பட்டதாரி பணியிடங்களுக்கு ஆதிதிராவிடர் மற்றும் பழங்குடியினர் வகுப்பினை சேர்ந்த ஆசிரியர் தகுதி தேர்வில் தேர்ச்சி பெற்றவர்கள், பள்ளி அமைந்துள்ள பகுதி மற்றும் அதன் அருகில் வசிப்பவர்களுக்கும் முன்னுரிமை அளிக்கப்படும்.

விண்ணப்பிக்க ஆக.24 கடைசி நாள்

தற்காலிக தொகுப்பூதிய அடிப்படையில், முதுகலைப்பட்டதாரி ஆசிரியர் (தமிழ்) தற்காலிக பணியிடத்தில் பணிபுரிய விருப்பமுள்ள நபர்கள் உரிய கல்வி சான்றுகளுடன் எழுத்துமூலமான விண்ணப்பங்கள் நேரடியாகவோ/அஞ்சல் மூலமாகவோ திண்டுக்கல் மாவட்ட ஆட்சித் தலைவர் அலுவலகத்தில் அமைந்துள்ள திண்டுக்கல் ஆதிதிராவிடர் மற்றும் பழங்குடியினர் நல அலுவலகத்தில் அலுவலக வேலை நாட்களில் எதிர்வரும் 24.08.2026-க்குள் விண்ணப்பங்கள் அளிக்கலாம் என மாவட்ட ஆட்சியர் துர்காமூர்த்தி தெரிவித்துள்ளார்.