சென்னை: வடபழனி முருகன் கோயிலில் கட்டுப்பாடு.. செப்.1 முதல் அமல்.. பக்தர்கள் ஷாக்

வடபழனி முருகன் கோயில்

சென்னையில் மிகவும் பிரசித்தி பெற்ற கோயில்களில் ஒன்று வடபழனி முருகன் கோயில். வடபழனி முருகன் கோயிலுக்கு தினமும் நூற்றுக்கணக்கான பக்தர்கள் வருகை தருவார்கள். குறிப்பாக, விசேஷ தினங்கள், தொடர் விடுமுறை நாட்களில் பக்தர்கள் கூட்டம் அலைமோதும்.

செப்.1 முதல் அமல்

இந்த நிலையில், வடபழனி முருகன் கோயில் பக்தர்களுக்கு அதிரடி கட்டுப்பாடுகள் விதிக்கப்பட்டுள்ளது. அதாவது, வடபழனி முருகன் கோயிலில் புதிய கட்டுப்பாடுகள் அமலுக்கு வர உள்ளன. அதன்படி, செப்டம்பர் 1ஆம் தேதி முதல் வடபழனி முருகன் கோயிலுக்குள் செல்போன் கொண்டு செல்ல முழுமையாக தடை விதிக்கப்படுகிறது.

செல்போனுக்கு தடை

கோயிலுக்கு வரும் பக்தர்கள் தங்களது செல்போன்களை தெற்கு கோபுரம் அருகே உள்ள பாதுகாப்பு மையத்தில் ஒப்படைக்க வசதி செய்யப்பட்டுள்ளது. அங்கு ரூ.5 கட்டணம் செலுத்தி டோக்கன் பெற்றுக் கொள்ள வேண்டும். தரிசனம் முடிந்த பிறகு, டோக்கனைக் கொடுத்து செல்போனை திரும்பப் பெற்றுக் கொள்ளலாம்.

நடவடிக்கை

தடையை மீது கோயிலுக்குள் கொண்டு சென்றால் உடனடியாக செல்போன் பறிமுதல் செய்யப்படும். அதோடு, அபராதமும் விதிக்கப்படும் என கோயில் நிர்வாகம் அறிவிப்பை வெளியிட்டுள்ளது. இந்த விதிமுறை செப்டம்பர் 1ஆம் தேதி முதல் அமலுக்கு வர உள்ளதாக கோயில் நிர்வாகம் தெரிவிக்கப்பட்டுள்ளது.

அறநிலையத்துறை

மேலும், கோயில் வளாகத்திற்குள் கைப்பேசியை பயன்படுத்துவது மற்றும் வீடியோ மற்றும் புகைப்படம் எடுப்பதை கண்காணிக்க பணியாளர்கள் நியமிக்கப்படும் என அறநிலையத்துறை தெரவித்துள்ளது. அனுமதியின்றி புகைப்படம் மற்றும் வீடியோ எடுக்கும் நபர்கள் மீது காவல் துறையில் புகார் அளித்து நடவடிக்கை எடுக்க வேண்டும் என தெரிவித்துள்ளது.