ஹர்திக் பாண்டியா Trade உறுதி... MI போட்ட பதிவில் இதை நோட் பண்ணீங்களா..!

ஹர்திக் பாண்டியா டிரேட்

ஐபிஎல் 2026 தொடர் நிறைவடைந்த உடனேயே ஹர்திக் பாண்டியாவை மும்பை இந்தியன்ஸ் அணி டிரேட் செய்யும் என தகவல்கள் கசிந்தன. ஆனால் இன்று வரை அது பேச்சாகவே உள்ளது, இன்னும் உறுதிப்படுத்தப்படவில்லை. ஹர்திக் எந்த அணிக்கு போகிறார் என்பதல்ல, ஹர்திக் மும்பை அணியில் இருந்து விடுக்கப்படுவாரா...? இல்லையா...? என்பதே இன்னும் சரியாக தெரியவில்லை எனலாம்.

பேச்சுவார்த்தை நடத்தும் அணிகள்

இருப்பினும் ஹர்திக் பாண்டியா டிரேட் பேச்சுகள் தொடர்ந்து கசிந்த வண்ணம் உள்ளன. கேகேஆர், ராஜஸ்தான், சிஎஸ்கே அணிகள் ஹர்திக் பாண்டியாவை பெற பேச்சுவார்த்தை நடத்தி வருவதாக தகவல்கள் வெளிவந்தன. இந்தியன் விக்கெட் கீப்பர், வெளிநாட்டு வேகப்பந்துவீச்சாளர் அல்லது இந்திய ஸ்பின்னரை குறிவைத்து மும்பை இந்தியன்ஸ் அணியும் டிரேட் பேச்சுவார்த்தையை நடத்தி வருவதாக பேசப்படுகிறது.

மும்பை குறிவைக்கும் வீரர்கள்

ராஜஸ்தான் ராயல்ஸ் அணியில் இருந்து யஷஸ்வி ஜெய்ஸ்வால், ரவி பிஷ்னோய்; கொல்கத்தா நைட் ரைடர்ஸ் அணியில் இருந்து ஹர்ஷித் ராணா, வருண் சக்ரவர்த்தி; சிஎஸ்கேவில் இருந்து தூபே, ஆயுஷ் மாத்ரே, எல்லிஸ்; என பல பெயர்கள் ஹர்திக் பாண்டியாவுக்கு பதில் டிரேடில் மும்பை வாங்க நினைப்பதாக கூறப்படுகிறது. ஆனால் இதுவும் உறுதியாகவில்லை.

மும்பை இந்தியன்ஸின் சமூக வலைதளப் பதிவு

இந்தச் சூழலில், மும்பை இந்தியன்ஸ் நட்சத்திர வீரர்களின் அக்டோபர் மாத புகைப்படங்களை அந்த அணி அதன் சமூக வலைதளப் பக்கங்ளில் இன்று (அக். 31) பதிவிட்டிருந்தது. இரவு 8 மணிக்கு போட்ட அந்த பதிவில், மும்பை இந்தியன்ஸ் ஆடவர் அணியின் ரோஹித் சர்மா, திலக் வர்மா, ஜஸ்பிரித் பும்ரா, நமன் திர், சூர்யகுமார் யாதவ், தீபக் சஹார், ஷர்துல் தாக்கூர், மயங்க் மார்க்கண்டே, ரியான் ரிக்கல்டன், வில் ஜாக்ஸ், அஸ்வானி குமார் ஆகியோரின் அக்டோபர் மாத புகைப்படங்களை வரிசையாக பதிவிட்டிருந்தார்கள்.

ஹர்திக் பாண்டியாவின் புகைப்படம் இல்லை

ஆனால், அதில் கேப்டன் ஹர்திக் பாண்டியாவின் புகைப்படம் இடம்பெறவில்லை. மும்பை இந்தியன்ஸ் ஆடவர் அணி வீரர்கள் மட்டுமின்றி, மகளிர் அணியின் வீராங்கனைகள் சிலரின் புகைப்படங்களும் கூட இடம்பெற்றிருந்தது. மகளிர் அணி கேப்டன் ஹர்மன்பிரீத் கௌரின் புகைப்படமும் அதில் இருந்தது. ஆனால் ஹர்திக் பாண்டியாவின் புகைப்படம் ஏதும் அதில் இல்லை. அதுவும் அக்டோபர் மாதம்தான் ஹர்திக் பாண்டியாவின் பிறந்தநாள் மாதமாகும். அப்படியிருக்க, மும்பை இந்தியன்ஸ் அணி டிரேட் செய்ய திட்டமிடுவதால் கூட அவரின் புகைப்படம் இடம்பெறாமல் இருக்கலாம் என ரசிகர்கள் பதிவில் கமெண்ட் செய்து வருகின்றனர்.