பூந்தமல்லி பைபாஸ் மெட்ரோ நிலையத்தில் இருந்து போரூர் சந்திப்பு வழியாக வடபழனி மெட்ரோ நிலையத்தை இணைக்கும் வழித்தடத்தில் நாளை (நவ. 24) முதல் காலை நேர மெட்ரோ ரயில் சேவை நேரத்தில் தற்காலிக மாற்றம் செய்து சென்னை மெட்ரோ ரயில் நிர்வாகம் அறிவிப்பு வெளியிட்டுள்ளது.
மஞ்சள் வழித்தடம் பூந்தமல்லி பைபாஸ் - வடபழனி வரை தற்போது இயக்கப்பட்டு வருகிறது. அதில் போரூர் - வடபழனி வரை உள்ள 7 ரயில் நிலையங்கள் திறக்கப்படவில்லை. அதன் பணிகள் நடைபெற்று வருகிறது.
1/5
மஞ்சள் வழித்தடத்தில் முக்கிய மாற்றம்
பூந்தமல்லி பைபாஸ் மெட்ரோ நிலையத்தில் இருந்து போரூர் சந்திப்பு வழியாக வடபழனி மெட்ரோ நிலையத்தை இணைக்கும் மஞ்சள் வழித்தடத்தில் பயணிகள் சேவை 2026ஆம் ஆண்டில் அக்டோபர் மாதம் தொடங்கியது. இந்நிலையில், காலை நேர மெட்ரோ ரயில் சேவையில் மாற்றம் கொண்டுவந்துள்ளது.
2/5
7 ரயில் நிலையங்களில் பணிகள்
இதுகுறித்து சென்னை மெட்ரோ ரயில் நிறுவனம் வெளியிட்ட பதிவில், மஞ்சள் வழித்தடத்தில் மீதமுள்ள 7 மெட்ரோ நிலையங்களின் பணிகளை விரைந்து முடிப்பதற்காக, காலை நேர மெட்ரோ ரயில் சேவை நேரத்தில் தற்காலிக மாற்றம் செய்யப்பட்டுள்ளதாக அறிவிக்கப்பட்டுள்ளது.
3/5
காலை நேர சேவையில் மாற்றம்
தற்போது மஞ்சள் வழித்தடத்தில் காலை 6 மணிமுதல் மெட்ரோ ரயில்கள் இயக்கப்பட்டு வரும் வேளையில் இந்நிலையில், போரூர் சந்திப்பு முதல் வடபழனி வரை அமைய உள்ள 7 புதிய மெட்ரோ நிலையங்களின் பணிகளை விரைந்து முடித்து பொதுமக்கள் பயன்பாட்டிற்கு கொண்டு வரும் வகையில், மஞ்சள் வழித்தடத்தில் காலை நேர மெட்ரோ ரயில் சேவை என்பது நவ. 24ஆம் தேதி முதல் காலை 6 மணிக்கு பதிலாக காலை 7 மணிக்குத் தொடங்கும்.
4/5
சேவையில் மாற்றம் ஏன்?
போரூர் சந்திப்பு மற்றும் வடபழனி இடையேயான பகுதியில் ஓட்டுநர் இல்லாத மெட்ரோ ரயில் இயக்கத்திற்கான தானியங்கி சிக்னல் அமைப்பு சோதனை உள்ளிட்ட பல்வேறு ரயில் பரிசோதனை பணிகளைத் தடையின்றி விரைவாக மேற்கொள்வதற்காகவே இந்த கூடுதல் நேர அவகாசம் ஒதுக்கப்பட்டுள்ளதாக தெரிவிக்கப்பட்டுள்ளது.
5/5
பயணிகள் கவனத்திற்கு...
இந்த தற்காலிக நேர மாற்றத்தால் பயணிகளுக்கு ஏற்படும் சிரமத்திற்கு சென்னை மெட்ரோ ரயில் நிறுவனம் வருந்தம் தெரிவித்துள்ள நிலையில, போரூர் - வடபழனி இடையேயான மீதமுள்ள நிலையங்களை விரைவில் திறந்து, மெட்ரோ இணைப்பை மேம்படுத்தவும் பொதுமக்களின் பயணத்தை மேலும் எளிதாக்கவுமே இந்த நடவடிக்கை அவசியமாகிறது என CMRL விளக்கமளித்துள்ளது. எனவே, இந்த வழித்தடத்தில் பயணிப்பவர்கள் அடுத்து அறிவிப்பு வரும் வரை ரயில் சேவை காலை 7 மணிக்குதான் தொடங்கும் என நினைவில் வைத்து, அதற்கேற்ப தங்களின் பயணத்தை திட்டமிட்டுக் கொள்ளவும்.