இடைத்தேர்தல்: 2 நாட்கள் பள்ளிகளுக்கு விடுமுறை... புதுச்சேரியில் அறிவிப்பு

தட்டாஞ்சாவடி இடைத்தேர்தல்

தட்டாஞ்சாவடி சட்டப்பேரவை பொதுத்தேர்தலில் புதுச்சேரி முதல்வர் ரங்கசாமி போட்டியிட்டு வென்றார். மங்கலம் தொகுதியில் அவர் போட்டியிட்டு வென்றார். இந்நிலையில் தட்டாஞ்சாவடி எம்எல்ஏ பொறுப்பை ரங்கசாமி ராஜினாமா செய்ததை ஒட்டி இடைத்தேர்தல் அறிவிக்கப்பட்டது.

இரண்டு நாட்கள் விடுமுறை

வரும் அக்டோபர் 6ஆம் தேதி அன்று தேர்தல் வாக்குப்பதிவும், அக்டோபர் 8ஆம் தேதி வாக்கு எண்ணிக்கையும் நடைபெற இருக்கிறது. இந்நிலையில், தேர்தல் தொடர்பான முன்னேற்பாடுகள் மற்றும் வாக்குப்பதிவு பணிகளை மேற்கொள்வதற்காக அக்டோபர் 5 (திங்கள்), அக்டோபர் 6 (செவ்வாய்) ஆகிய இரண்டு நாட்கள் விடுமுறை அறிவிக்கப்பட்டுள்ளது.

வகுப்புகள் நடத்த தடை

இந்த விடுமுறை நாட்களில் பள்ளிகளில் எவ்வித வகுப்புகளோ, சிறப்பு நிகழ்ச்சிகளோ அல்லது பிற செயல்பாடுகளோ நடத்தப்படக்கூடாது என பள்ளித் தலைமை ஆசிரியர்களுக்கு உத்தரவிடப்பட்டுள்ளது.

தேர்தல் பணிகளுக்கு பள்ளி வளாகம்

தேவையான தேர்தல் ஏற்பாடுகளை தடையின்றி மேற்கொள்ள ஏதுவாக தேர்தல் அலுவலர்கள் மற்றும் துறை சார்ந்த பணியாளர்கள் பள்ளி வளாகத்தைப் பயன்படுத்த முழுமையாக அனுமதிக்க வேண்டும் என்றும் அறிவுறுத்தப்பட்டுள்ளது.

அதிகாரப்பூர்வ உத்தரவு

தேர்தல் அமைதியாகவும் முறையாகவும் நடைபெறுவதை உறுதிசெய்ய இந்த வழிமுறைகளைக் கண்டிப்பாகப் பின்பற்ற வேண்டும் என புதுச்சேரி பள்ளிக் கல்வி இயக்குநர் டி. மோகன்குமார் இந்த சுற்றறிக்கையை வெளியிட்டுள்ளார்.