செங்கோட்டை டூ ஹைதராபாத்: சிறப்பு ரயில் அறிவிப்பு... முழு விவரம் இதோ

சிறப்பு எக்ஸ்பிரஸ் ரயில் அறிவிப்பு

தெற்கு ரயில்வே ஹைதராபாத் சார்லபள்ளியில் இருந்து தென்காசி மாவட்டம் செங்கோட்டைக்கு கடந்த செப். 22ஆம் தேதி சிறப்பு ரயில் சேவைகளை அறிவித்துள்ளது. சார்லபள்ளி - செங்கோட்டை - சார்லபள்ளி இடையே அறிவிக்கப்பட்டுள்ள சிறப்பு எக்ஸ்பிரஸ் ரயில் குறித்து இங்கு காணலாம்.

சார்லபள்ளி - செங்கோட்டை

சார்லபள்ளி - செங்கோட்டை (ரயில் எண்: 07191) வெள்ளிக்கிழமை தோறும், அக்டோபர் 2, 9, 16, 23, 30; நவம்பர் 6, 13, 20, 27 ஆகிய தேதிகளில் காலை 7.15 மணிக்கு புறப்பட்டு, அடுத்த நாள் (சனி) மதியம் 2 மணிக்கு செங்கோட்டை சென்றடையும். மொத்தம் 9 சேவைகளில் இந்த ரயில் இயக்கப்படுகிறது.

செங்கோட்டை - சார்லபள்ளி

செங்கோட்டை - சார்லபள்ளி (ரயில் எண்: 07192) சனிக்கிழமை தோறும் இயக்கப்பட உள்ளது. சிறப்பு ரயில் அக். 3, 10, 17, 24, 31; நவம்பர் 7, 14, 21, 28 ஆகிய நாட்களில் மாலை 5.40 மணிக்கு செங்கோட்டையில் இருந்து புறப்பட்டு திங்கட்கிழமை நள்ளிரவு 12.30 மணிக்கு சார்லபள்ளி செல்கிறது.

மொத்தம் எத்தனை பெட்டிகள் இருக்கும்?

சார்லபள்ளி - செங்கோட்டை - சார்லபள்ளி சிறப்பு எக்ஸ்பிரஸ் ரயிலில் இரண்டு அடுக்கு ஏசி பெட்டிகள் - 3, மூன்றடுக்கு ஏசி பெட்டிகள் - 5, படுக்கை வசதி கொண்ட பெட்டிகள் - 10, பொது இரண்டாம் வகுப்பு பெட்டிகள் - 4, லக்கேஜ் பெட்டிகள் - 2 உள்ளிட்ட பெட்டிகள் இயக்கப்பட இருக்கின்றன.

எங்கெல்லாம் நிற்கும்...?

சார்லபள்ளி மற்றும் செங்கோட்டை இடையே நல்கொண்டா, மிரியாலகுடா, குண்டூர், தெனாலி சந்திப்பு, பாபட்லா, சீராலா, ஓங்கோல், நெல்லூர், ரேணிகுண்டா, காட்பாடி, ஜோலார்பேட்டை, சேலம், ஈரோடு, திருப்பூர், போத்தனூர், பொள்ளாச்சி, உடுமலை, பழனி, ஒட்டஞ்சத்திரம், திண்டுக்கல், மதுரை, விருதுநகர், சிவகாசி, ஸ்ரீவில்லிபுத்தூர், ராஜபாளையம், சங்கரன்கோவில், கடையநல்லூர், தென்காசி சந்திப்பு. செப். 23ஆம் தேதி முதல் இந்த ரயிலுக்கான முன்பதிவு தொடங்கிவிட்டது.