TN Free Cycle Scheme: மாணவர்களுக்கு நவீன மிதிவண்டி.. ஹெல்மெட், வாட்டர் பாட்டிலும் வழங்க திட்டம்!

தமிழக மாணவர்களுக்கு புதிய சைக்கிள்கள்!

2026-27ஆம் கல்வியாண்டில் பள்ளி மாணவர்களுக்கு ஹெல்மெட், தண்ணீர் பாட்டிலுடன் கூடிய நவீன மிதிவண்டிகளை வழங்க தமிழ்நாடு அரசு திட்டமிட்டுள்ளது. இதற்கான ஒப்பந்தப்புள்ளியில் குறைந்த விலையை சமர்ப்பித்த ஹீரோ சைக்கிள்ஸ் நிறுவனம் தேர்வு செய்யப்பட்டுள்ளது.

ஒரு சைக்கிளின் விலை எவ்வளவு?

மாணவர்களுக்கு வழங்கப்படும் ஒவ்வொரு மிதிவண்டிக்கும் வரிகள் உட்பட விலை நிர்ணயிக்கப்பட்டுள்ளது. மாணவர்களுக்கான சைக்கிள்: ரூ. 7,235 மாணவிகளுக்கான சைக்கிள்: ரூ. 7,476

எத்தனை மாணவர்களுக்கு சைக்கிள்கள்?

மாணவர்கள்: 2,37,133 மாணவிகள்: 2,95,255 மொத்தம்: 5,32,388 மிதிவண்டிகள் வழங்க திட்டமிடப்பட்டுள்ளது. ரூ. 392 கோடியாக இருக்கும் என கணக்கிடப்பட்டுள்ளது. ஆரம்பத்தில் ரூ. 277 கோடி பட்ஜெட் ஒதுக்கப்பட்ட நிலையில், கூடுதல் நிதி தேவைப்படலாம் என தெரிகிறது.

சைக்கிளுடன் என்னென்ன கிடைக்கும்?

மாணவர்களின் பாதுகாப்பையும் பயன்பாட்டையும் கருத்தில் கொண்டு சில நிபந்தனைகள் விதிக்கப்பட்டுள்ளன. ஹெல்மெட் மற்றும் தண்ணீர் பாட்டில் வழங்கப்படும். சைக்கிள்களில் தமிழ்நாடு அரசின் இலச்சினை இடம்பெறும். சைக்கிள்கள் குறிப்பிட்ட தரநிலைகளின்படி தயாரிக்கப்பட வேண்டும். சுமார் 4,500 பள்ளிகளுக்கு தலா 2 பராமரிப்பு கருவிகள் இலவசமாக வழங்கப்பட வேண்டும். மேலும், சைக்கிள் வழங்கப்பட்ட 30 நாட்களுக்குள் குறைபாடுகள் கண்டறியப்பட்டால் அவற்றை சரிசெய்யவும் ஏற்பாடு செய்யப்பட்டுள்ளது.

எப்போது கிடைக்கும்?

கொள்முதல் ஆணை வழங்கப்பட்ட நாளிலிருந்து 150 நாட்களுக்குள் மிதிவண்டிகள், ஹெல்மெட் மற்றும் தண்ணீர் பாட்டில்களை முழுமையாக விநியோகிக்க வேண்டும் என நிபந்தனை விதிக்கப்பட்டுள்ளது. 2026-27ஆம் கல்வியாண்டில் 11ஆம் வகுப்பு மாணவர்கள் கல்வியாண்டை நிறைவு செய்வதற்குள் மிதிவண்டிகளை வழங்கும் வகையில் பணிகள் முன்னெடுக்கப்படுவதாக தெரிவிக்கப்பட்டுள்ளது.