தமிழ்நாடு மாநில வனத் தீ கட்டுப்பாட்டு மையத்தில் வேலை: யாரெல்லாம் அப்ளை செய்யலாம்?

தமிழ்நாடு மாநில வனத் தீ கட்டுப்பாட்டு மையம்

சென்னை-ஐத் தலைமையிடமாகக் கொண்டு செயல்படும் தமிழ்நாடு வனத்துறையின் கீழ் உள்ள 'தமிழ்நாடு மாநில வனத்தீ கட்டுப்பாட்டு மையம்' (TNSFFCC), வனத்தீ மேலாண்மைக்கான ஒரு மையப்படுத்தப்பட்ட கட்டளை மற்றும் ஒருங்கிணைப்பு மையமாகும். இங்கு 2026-27 ஆம் ஆண்டிற்கான பின்வரும் தற்காலிகப் பணியிடங்களுக்கு ஒப்பந்த அடிப்படையில் தகுதியான நபர்களிடமிருந்து விண்ணப்பங்கள் வரவேற்கப்படுகின்றன.

ஆன்லைன் விண்ணப்பம்

இப்பணி நியமனம் முற்றிலும் தற்காலிகமானது மற்றும் ஓராண்டு காலத்திற்கான ஒப்பந்த அடிப்படையிலானது. இக்காலம் முடிவடையும் போது பணித்திறன் மதிப்பீடு செய்யப்பட்டு, பணி நீட்டிப்பு வழங்கப்படலாம். இத்திட்டத்தின் கீழ் பணியமர்த்தப்படுபவர்கள், மையத்தின் செயல்பாட்டுத் தேவைகளுக்கு ஏற்ப, தேவைப்படும் போதெல்லாம் 24 மணி நேரமும் (வாரத்தின் அனைத்து நாட்களிலும்) பணிபுரியத் தயாராக இருக்க வேண்டும். விண்ணப்பங்கள் இணையதளம் (online portal) வழியாக மட்டுமே ஏற்றுக்கொள்ளப்படும்.

GIS நிபுணர்

பதவி: GIS Expert. சம்பளம்: ரூ. 65,000. காலியிடங்கள்: 02, கல்வி தகுதி: அங்கீகரிக்கப்பட்ட பல்கலைக்கழகத்தில் தொலை உணர்வு (Remote Sensing), வனவியல், புவியியல், புவிசார் தகவல் தொழில்நுட்பம் (Geo-informatics) அல்லது அது சார்ந்த துறையில் இளங்கலை அல்லது முதுகலைப் பட்டம் பெற்றிருக்க வேண்டும். விண்ணப்பதாரர் தொடர்புடைய துறையில் இளங்கலைப் பட்டம் பெற்றிருக்கும் பட்சத்தில், GIS மற்றும் தொலை உணர்வுத் துறையில் முதுகலை டிப்ளோமா அல்லது டிப்ளோமா தகுதிகளும் பரிசீலிக்கப்படலாம். இத்துறையில் குறைந்தபட்சம் 2 முதல் 3 ஆண்டுகள் வரை பணி அனுபவம் இருக்க வேண்டும்.

சிஸ்டம் ஆய்வாளர் / ஐடி மேலாளர்

பதவி: System Analyst/ IT Manager. சம்பளம்: ரூ. 70,000. காலியிடங்கள்: 01. கல்வி தகுதி: CS/IT அல்லது Electronics and Communication பிரிவில் B.E./B.Tech, அல்லது MCA (Master of Computer Applications), அல்லது M.Sc. (Computer Science / IT) மற்றும் குறைந்தபட்சம் 2–3 ஆண்டுகள் தொடர்புடைய பணி அனுபவம். வயது வரம்பு: 35 வயதுக்கு மிகாமல் இருக்க வேண்டும்.

நெட்வொர்க் தொழில்நுட்ப வல்லுநர்

பதவி: Network & Communication Technician. சம்பளம்: ரூ. 50,000. காலியிடங்கள்: 01. கல்வி தகுதி: அங்கீகாரம் பெற்ற நிறுவனம்/பல்கலைக்கழகத்தில் இருந்து மின்னணுவியல், தொலைத்தொடர்பு, கணினி அறிவியல்/தகவல் தொழில்நுட்பம் அல்லது அது தொடர்பான துறையில் பட்டயம்/பட்டப்படிப்பு பெற்றிருக்க வேண்டும். விண்ணப்பதாரர், தகவல் தொடர்பு அமைப்புகளைப் பராமரிப்பதில் அல்லது பிணைய உள்கட்டமைப்பை நிர்வகிப்பதில் குறைந்தபட்சம் 2–3 ஆண்டுகள் தொடர்புடைய அனுபவம் பெற்றிருக்க வேண்டும்.வயது வரம்பு: 35 வயதுக்கு மிகாமல் இருக்க வேண்டும்.

தொழில்நுட்ப உதவியாளர் (GIS)

பதவி: Technical Assistant (GIS). சம்பளம்: ரூ. 35,750. காலியிடங்கள்: 01. கல்வி தகுதி: புவியியல், புவி-தகவலியல் (Geoinformatics) அல்லது கணினி அறிவியல்/தகவல் தொழில்நுட்பம் (CS/IT) ஆகிய துறைகளில் இளங்கலைப் பட்டம் மற்றும் குறைந்தது 2–3 ஆண்டுகள் தொடர்புடைய பணி அனுபவம். வயது வரம்பு: 35 வயதுக்கு மிகாமல் இருக்க வேண்டும்.

தொழில்நுட்ப உதவியாளர் (கிராஃபிக்ஸ் டிசைனர்)

பதவி: Technical Assistant (Graphical Designer). சம்பளம்: ரூ. 35,750. காலியிடங்கள்: 01. கல்வி தகுதி: மல்டிமீடியா, கிராஃபிக் டிசைன், ஃபைன் ஆர்ட்ஸ் அல்லது விஷுவல் கம்யூனிகேஷன் துறையில் பட்டம் மற்றும் குறைந்தது 2–3 ஆண்டுகள் தொடர்புடைய பணி அனுபவம். வயது வரம்பு: 35 வயதுக்கு மிகாமல் இருக்க வேண்டும்.

வயர்லெஸ் இயக்குபவர்

பதவி: Wireless Operator. சம்பளம்: ரூ. 22,020. காலியிடங்கள்: 03. கல்வி தகுதி: அங்கீகரிக்கப்பட்ட பல்கலைக்கழகத்தில் ஏதேனும் ஒரு பிரிவில் பட்டம் / ரேடியோ தகவல் தொடர்பு, தொலைத்தொடர்பு, வயர்லெஸ் தகவல் தொடர்பு, மின்னணுவியல் அல்லது அது சார்ந்த துறையில் டிப்ளோமா அல்லது சான்றிதழ். வயது வரம்பு: 35 வயதுக்கு மிகாமல் இருக்க வேண்டும்.