- ஜி நியூஸ் தமிழ்
- /Photos
- /மாதந்தோறும் ரூ.15,000 வரை உதவித்தொகை: திருச்சியில் தொழிற்பழகுநர் முகாம்!
மாதந்தோறும் ரூ.15,000 வரை உதவித்தொகை: திருச்சியில் தொழிற்பழகுநர் முகாம்!
Written ByKarthikeyan Sekar
Published: Sep 18, 2026, 06:08 PM IST|Updated: Sep 18, 2026, 06:15 PM IST
Trichy latest news : திருச்சியில் செப்டம்பர் 23 ஆம் தேதி முதல் தொழில் பழகுநர் பயிற்சி முகாம் நடக்க உள்ளதாக மாவட்ட ஆட்சியர் அறிவிப்பு
Trichy latest news : மாதம் 15 ஆயிரம் உதவித்தொகையுடன் திருச்சியில் அரசு கொடுக்கும் தொழில் பழகுநர் பயிற்சி முகாமில் கலந்து கொள்வது எப்படி? என்பதை இங்கே தெரிந்து கொள்ளுங்கள்
1/6தொழிற்பழகுநர் சேர்க்கை முகாம்
திருச்சியில் மாபெரும் தொழிற்பழகுநர் சேர்க்கை முகாம் - திருச்சிராப்பள்ளி மாவட்ட நிர்வாகம் மற்றும் வேலைவாய்ப்பு, பயிற்சித் துறை சார்பில் 500-க்கும் மேற்பட்ட தொழிற்பழகுநர் (Apprentice) காலிப் பணியிடங்களை நிரப்புவதற்கான பிரம்மாண்ட சேர்க்கை முகாம் நடைபெற உள்ளது. இளைஞர்களின் வேலைவாய்ப்புத் திறனை மேம்படுத்தும் நோக்கில் மாவட்ட ஆட்சித்தலைவர் திரு. பிரத்திக் தாயள், இ.ஆ.ப., இதற்கான அறிவிப்பை வெளியிட்டுள்ளார்.
2/6முகாம் நடைபெறும் நாள்
முகாம் நடைபெறும் நாள், நேரம் மற்றும் இடம் - இச்சேர்க்கை முகாம் வரும் 23.09.2026 (புதன்கிழமை) அன்று காலை 9.00 மணிக்குத் தொடங்குகிறது. திருச்சி திருவெறும்பூர் பகுதியில் அமைந்துள்ள அரசு தொழிற்பயிற்சி நிலைய வளாகத்தில் (Government ITI Campus, Thiruverumbur) இந்த முகாம் முழு வீச்சில் நடைபெற ஏற்பாடுகள் செய்யப்பட்டுள்ளன.
3/6கல்வித் தகுதி விவரங்கள்
கல்வித் தகுதி விவரங்கள் - இம்முகாமில் கலந்துகொள்ள 8-ஆம் வகுப்பு, 10-ஆம் வகுப்பு மற்றும் 12-ஆம் வகுப்பு தேர்ச்சி பெற்றவர்கள் அல்லது தேர்ச்சி பெறாதவர்கள் (தோல்வியடைந்தவர்கள்) விண்ணப்பிக்கலாம். மேலும், அரசு அல்லது தனியார் தொழிற்பயிற்சி நிலையங்களில் (ITI) பயின்ற பயிற்சியாளர்களும் இச்சேர்க்கை முகாமில் நேரடியாகப் பங்கேற்க முழுத் தகுதியுடையவர்கள் ஆவர்.
4/6மாத உதவித்தொகை
மாத உதவித்தொகை - தேர்வு செய்யப்படும் பயிற்சியாளர்களுக்கு அவர்களது கல்வித்தகுதி மற்றும் பணிப்பிரிவுக்கு ஏற்ப மாதந்தோறும் உதவித்தொகை வழங்கப்படும். ஆரம்பக்கட்டமாக குறைந்தபட்சம் ரூ.9,600 முதல் அதிகபட்சமாக ரூ.15,000 வரை மாதந்தோறும் உதவித்தொகையாகப் பெறலாம் என அதிகாரப்பூர்வமாகத் தெரிவிக்கப்பட்டுள்ளது.
5/6மத்திய அரசு சான்றிதழ்
ஓராண்டு பயிற்சி மற்றும் மத்திய அரசு சான்றிதழ் - தேர்வாகும் இளைஞர்களுக்கு ஓராண்டு கால தொழிற்பழகுநர் நேரடிப் பயிற்சி வழங்கப்படும். இப்பயிற்சியினை வெற்றிகரமாக நிறைவு செய்யும் பயிற்சியாளர்களுக்கு மதிப்புமிக்க 'தேசிய தொழிற்பழகுநர் சான்றிதழ்' (National Apprenticeship Certificate - NAC) வழங்கப்படும். இச்சான்றிதழ் எதிர்காலத்தில் முன்னணி நிறுவனங்களில் நிரந்தர வேலைவாய்ப்பைப் பெறப் பெரிதும் உதவும்.
6/6தொடர்பு கொள்ள வேண்டிய எண்கள்
தொடர்பு கொள்ள வேண்டிய எண்கள் - இம்முகாமில் பங்கேற்க விரும்பும் தகுதியான இளைஞர்கள் கல்விச் சான்றிதழ்களுடன் நேரில் கலந்துகொள்ளலாம். முகாம் குறித்த கூடுதல் விவரங்கள் மற்றும் சந்தேகங்களுக்கு 98658 66972, 94436 44967 ஆகிய செல்போன் எண்களிலோ அல்லது 0431-2553314 என்ற தொலைபேசி எண்ணிலோ தொடர்பு கொள்ளலாம் என அறிவிக்கப்பட்டுள்ளது.TAGS:
Trending
- News
- Photos
- Videos
)