திருச்சி : வெறிநாய் கடியால் ஏற்படும் ரேபிஸ் ஆபத்து? அரசின் முக்கிய எச்சரிக்கை

உலக வெறிநோய் கடி நாள்

உலக வெறிநோய் கடி நாள் 28.09.2026 ஆகும். ரேபிஸ் (வெறிநோய் கடி) என்பது ஒரு தீவிரமான வைரஸ் நோயாகும். இதன் அறிகுறிகள் தேன்றிய பிறகு, இது பெரும்பாலும் உயிரிழப்பை ஏற்படுத்தும்.

மூளையை பாதிக்கும்

இது முக்கியமாக நரம்பு மண்டலத்தை குறிப்பாக மூளையை பாதிக்கிறது. ரேபிஸ் ஒரு விலங்கு நோயாகும் (Zoonotic Disease). அதாவது, பாதிக்கப்பட்ட விலங்குகளிடமிருந்து மனிதர்களுக்கும் இந்த நோய் பரவக்கூடும்.

அனைத்து பாலூட்டிகளும் பாதிக்கப்படலாம்

வீட்டு விலங்குகள் மற்றும் காட்டு விலங்குகள் உள்ளிட்ட அனைத்து பாலூட்டிகளும் ரேபிஸ் நோயால் பாதிக்கப்படலாம். தடுப்பூசி செலுத்துதல் மற்றும் நோய் வெளிப்பாட்டிற்குப்பிறகு உடனடியாக உரிய மருத்துவ சிகிச்சை பெறுதல் மூலம் ரேபிஸ் நோயைத்தடுக்க முடியும். மருத்துவ அறிகுறிகள் தோன்றியவுடன், ரேபிஸ் நோய் கிட்டத்தட்ட 100 சதவீதம் உயிரிழப்பை ஏற்படுத்தக்கூடியதாகும்.

வெறிநோய் எவ்வாறு பரவுகிறது?

வெறிநோய் எவ்வாறு பரவுகிறது? நாய்கடி மற்றும் கீறல்கள், சளிச்சவ்வுடன் தொடர்பு, பாதிக்கப்பட்ட திசுக்களுடன் தொடர்பு மற்றும் பிற அரிதான வழிகளான காற்று, குறிப்பிட்ட உறுப்பு மற்றும் விழித்திரை மாற்று அறுவை சிகிச்சை மூலம் பரவுகிறது.

பொறுப்பான கண்காணிப்பில் வைத்தல்

வெறிநோயை எவ்வாறு தடுக்கலாம்? - கால்நடை மருத்துவரின் ஆலோசனையின்படி நாய் மற்றும் பூனைகளுக்கு ரேபிஸ் தடுப்பூசி போடுதல், செல்லப்பிராணிகளை பொறுப்பான கண்காணிப்பில் வைத்தல், செல்லப்பிராணிகளை தெருவிலுள்ள அல்லது அறிமுகமில்லாத விலங்குகளுடன் தேவையில்லாமல் தொடர்பு கொள்வதை தடுத்தல்,

அறிமுகமில்லாத நாய்களை விரட்டுதல்

அறிமுகமில்லாத நாய்களை விரட்டுவது, தொந்தரவு செய்வது, உணவளிப்பது அல்லது தொட முயற்சிப்பது ஆகியவற்றை தவிர்த்தல் மூலம் தடுக்கலாம் என தமிழ்நாடு அரசு தெரிவித்துள்ளது.