• हिन्दी
  • English
  • मराठी
  • বাংলা
  • தமிழ்
  • മലയാളം
  • ગુજરાતી
  • తెలుగు
  • ಕನ್ನಡ
  • ଓଡ଼ିଶା
  • Z Bharat
  • PHH
  • Business
  • WION
  • facebookyoutubetwitterwhatsapp
Zee Tamil News
  • News
  • Videos
  • Photos
  • Short Videos

  • City

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /தமிழகம்
  • /தமிழ்நாட்டின் ஜிஎஸ்டி வசூல்... 3 மாதங்களாக தொடர் சரிவு - கடுமையாக சாடும் திமுக

தமிழ்நாட்டின் ஜிஎஸ்டி வசூல்... 3 மாதங்களாக தொடர் சரிவு - கடுமையாக சாடும் திமுக

தமிழ்நாட்டின் ஜிஎஸ்டி வசூல் கடந்த ஜூலை, ஆகஸ்ட் மாதங்களில் 1% அளவில் சரிந்தது. தற்போது செப்டம்பரில் 5% அளவுக்கு சரிந்துள்ளது. இதுகுறி்தத முழு விவரங்களை இங்கு காணலாம்.

Written BySudharsan G
Published: Oct 02, 2026, 09:31 AM IST|Updated: Oct 02, 2026, 09:54 AM IST
joinshare
தமிழ்நாட்டின் ஜிஎஸ்டி வசூல்... 3 மாதங்களாக தொடர் சரிவு - கடுமையாக சாடும் திமுக
Image Credit: Tamil Nadu GST Collection | AI Generated Image : ChatGPT

About the Author

Sudharsan G

Sudharsan G

I’m Sudharsan G, Sub Editor at Zee Tamil News, with over five years of experience in Tamil content writing. I cover Tamil Nadu, national, and international news, along with sports stories that connect with readers. A follower of cricket, cinema, and politics, I bring depth and perspective to every piece. I also have on-screen camera experience, which helps me present news stories in a more engaging and impactful way. Outside work, I enjoy modern Tamil literature and discovering new voices in contemporary writing.
Read More

Trending

  • News
  • Photos
  • Videos
ஆம்னி பேருந்துகளில் கூடுதல் கட்டணம்: செக் வைத்த தமிழக அரசு, புகார் எண்கள் அறிவிப்பு

ஆம்னி பேருந்துகளில் கூடுதல் கட்டணம்: செக் வைத்த தமிழக அரசு, புகார் எண்கள் அறிவிப்பு

2

CM விஜய் சொன்னதை செய்யவில்லை! பிரேமலதா விஜயகாந்த் குற்றச்சாட்டு..

3

தமிழ்நாட்டின் ஜிஎஸ்டி வசூல்... 3 மாதங்களாக தொடர் சரிவு - கடுமையாக சாடும் திமுக

4

மும்பையில் இன்று CJP போராட்டம் தொடக்கம்: போராட்ட சுவரொட்டிகளில் காந்தி படம்

5

இந்திய அணியில் சிஎஸ்கே வீரருக்கு வாய்ப்பு... பிரசித் கிருஷ்ணா விலகல்

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

2026ஆம் ஆண்டு செப்டம்பர் மாதத்தின் மொத்த சரக்கு மற்றும் சேவை வரி வசூல் விவரங்களை மத்திய அரசு வெளியிட்டுள்ளது. நாட்டின் மொத்த ஜிஎஸ்டி வசூல் ரூ.2,03,521 கோடியை எட்டியுள்ளது. கடந்தாண்டு செப்டம்பர் மாதத்துடன் ஒப்பிடும்போது 14.7% அதிகமாகும் என புள்ளிவிவரங்கள் மூலம் தெரிய வருகின்றன.

மத்திய அரசு வெளியிட்ட தரவுகளின் அடிப்படையில் பார்த்தால், ஜூலை, ஆகஸ்ட், செப்டம்பர் ஆகிய கடைசி மூன்று மாதங்களில் தமிழ்நாட்டின் சரக்கு மற்றும் சேவை வரி (GST) வசூல் தொடர்ச்சியாக சரிந்து வந்துள்ளது.

மேலும் படிக்க | இனி டோல் கேட்ல நிற்க வேண்டாம்.. பரனூரில் அமலான புதிய வசதி!

தொடர்ந்து சரியும் தமிழ்நாட்டின் ஜிஎஸ்டி வசூல்

ஜூலை மற்றும் ஆகஸ்ட் மாதங்களில் தமிழ்நாட்டின் ஜிஎஸ்டி வசூல் 1% அளவுக்கு சரிந்திருந்தது. இந்நிலையில், கடந்த செப்டம்பர் மாதத்தில் 5% அளவுக்கு சரிந்துள்ளதாக தெரிகிறது. செப்டம்பர் மாதத்தில் ஜிஎஸ்டி வசூல் ரூ.10,188 கோடியாகும். 2025ஆம் ஆண்டில் தமிழ்நாட்டின் ஜிஎஸ்டி வசூல் ரூ.10,670 கோடியாக இருந்தது குறிப்பிடத்தக்கது.

தங்கம் தென்னரசு சாடல்

இதைத் தொடர்ந்து ஆளும் தவெக அரசின் மீது முன்னாள் நிதி அமைச்சர் தங்கம் தென்னரசு கடுமையாக சாடி உள்ளார். தங்கம் தென்னரசின் X பதிவில், "திமுக ஆட்சிக் காலத்தில் நாட்டின் பிற மாநிலங்களை விஞ்சி, இரட்டை இலக்க வளர்ச்சியோடு ஜிஎஸ்டி வசூலில் சாதனை படைத்த தமிழ்நாட்டின் நிதி நிலைமை, இன்று தொடர்ந்து மூன்று மாதங்களாகக் குறைந்து, -5% வரை சரிவைச் சந்தித்திருப்பது வேதனையளிக்கிறது" என குறிப்பிட்டுள்ளார்.

நாட்டின் பிற மாநிலங்கள் தொடர் தொழில் வளர்ச்சியைக் காணும்போது, தமிழ்நாட்டில் மட்டும் உற்பத்தி முடங்கி, நுகர்வு சுருங்கி வருவது நிர்வாகக் கோளாறின் வெளிப்படையான அடையாளம் என்றும் தங்கம் தென்னரசு சாடி உள்ளார்.

திமுக ஆட்சிக் காலத்தில் நாட்டின் பிற மாநிலங்களை விஞ்சி, இரட்டை இலக்க வளர்ச்சியோடு ஜி.எஸ்.டி வசூலில் சாதனை படைத்த தமிழ்நாட்டின் நிதி நிலைமை, இன்று தொடர்ந்து மூன்று மாதங்களாகக் குறைந்து, -5% வரை சரிவைச் சந்தித்திருப்பது வேதனையளிக்கிறது. 

நாட்டின் பிற மாநிலங்கள் தொடர் தொழில்… pic.twitter.com/UFN7s68GaK

— Thangam Thenarasu-தமிழ்நாட்டை தலைகுனிய விடமாட்டேன் (@TThenarasu) October 1, 2026

தங்கம் தென்னரசு எழுப்பிய கேள்வி

தொழில் முதலீடுகளையும் நிதி மேலாண்மையையும் தொலைநோக்குப் பார்வையோடு கையாண்ட திமுக ஆட்சியின் வழிகாட்டுதல் இன்றி, பொருளாதாரத்தை முடக்கியுள்ள இந்த சீர்கேட்டிற்கு ஆளும் அரசு என்ன பதில் சொல்லப் போகிறது என தவெக அரசை நோக்கி கேள்வி எழுப்பி உள்ளார்.

மேலும் படிக்க | ஸ்ரீரங்கம் கோயில் நில மோசடி விவகாரம்.. திமுக நிர்வாகி கைது!

மற்ற மாநிலங்களின் வரி வருவாய் உயர்வு

தமிழ்நாட்டின் செப்டம்பர் மாத ஜிஎஸ்டி வசூல் குறைந்திருந்தாலும், தொழில் வளர்ச்சி பெற்ற மற்ற மாநிலங்களில் ஜிஎஸ்டி வசூல் தொடர்ந்து அதிகரித்தே வருகிறது.

குறிப்பாக, மகாராஷ்டிரா, கர்நாடகா, குஜராத் மாநிலங்களில் ஜிஎஸ்டி வசூல் அதிகரித்துள்ளது. அசாம் மற்றும் வடகிழக்கு மாநிலங்களில் கூட ஜிஎஸ்டி வசூல் அதிரித்துள்ளது.

சிக்கிம் மாநில வரி வருவாய் அதிகபட்ச சரிவை சந்தித்துள்ளது. அங்கு -51% அளவுக்கு சரிந்துள்ளது. அதேபோல், ஜம்மு காஷ்மீர் -29%, புதுச்சேரி -31%, உத்தரகாண்ட் -23% என வரி வருவாய் சரிந்துள்ளது.

மாநிலம்  செப்டம்பர் 2026 வரி வருவாய்
மகாராஷ்டிரா ரூ.29,986 கோடி (+15%)
கர்நாடகா ரூ.13,884 கோடி (+16%)
குஜராத் ரூ.12,222 கோடி (+17)
தமிழ்நாடுரூ.10,188 கோடி (-5%)

ஜிஎஸ்டி வசூல் விவரம்

  • நடப்பு நிதியாண்டின் முதல் பாதியில் (ஏப்ரல் முதல் செப்டம்பர் வரை) ஒட்டுமொத்த வசூல் 11.6% உயர்ந்து ரூ.12,46,278 கோடியாகப் பதிவாகி உள்ளது.
  • செப்டம்பர் மாத வரித் திருப்பங்கள் 3% அளவுக்கு குறைந்து ரூ.27,001 கோடியாக இருந்த நிலையில், நிகர ஜிஎஸ்டி வருவாய் 18.1% அதிகரித்து ரூ.1,76,520 கோடியை எட்டியுள்ளது.
  • நடப்பு மாத வசூலில் மத்திய ஜிஎஸ்டி (CGST) ரூ.37,762 கோடியாகவும், மாநில ஜிஎஸ்டி (SGST) ரூ.45,363 கோடியாகவும், ஒருங்கிணைந்த ஜிஎஸ்டி (IGST) ரூ.1,20,396 கோடியாகவும் உள்ளன.

மேலும் படிக்க | இடைத்தேர்தலில் அதிக பணம் கொடுப்பது தவெக... சிபிஎம் சண்முகம் தடாலடி

Add Zee News as a Preferred Source
TAGS:
Tamil Nadu