தமிழகத்தில் அடுத்த 6 நாட்களுக்கு மழை எச்சரிக்கை: எந்தெந்த மாவட்டங்களுக்கு அலர்ட்?

இந்திய வானிலை ஆய்வு மையம் (IMD), நவம்பர் 7, சனிக்கிழமையன்று தென்னிந்தியாவின் பல்வேறு பகுதிகளில் பரவலான மழை பெய்யக்கூடும் என்று கணித்துள்ளது. இதன்படி, கேரளா, மாஹே, லட்சத்தீவு, தமிழ்நாடு, புதுச்சேரி மற்றும் காரைக்கால் ஆகிய இடங்களில் மழை பெய்ய வாய்ப்புள்ளது. மேலும், இந்த மழைக்காலத்தின் ஒரு பகுதியாக, கேரளா மற்றும் தமிழ்நாட்டின் சில இடங்களில் பலத்த மழை பெய்யக்கூடும் என்றும் எதிர்பார்க்கப்படுகிறது.

தமிழகத்தில் அதிகன மழைக்கான எச்சரிக்கை

இன்று (நவம்பர் 7), தமிழகத்தில் எங்கு எவ்வளவு மழை?

• மதுரை, தேனி மற்றும் திண்டுக்கல் மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 30 முதல் 40 கிலோ மீட்டர் வேகத்தில்) கூடிய கன மழை பெய்யக்கூடும் என கணிக்கப்பட்டுள்ளது.
• செங்கல்பட்டு, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், விருதுநகர், தென்காசி, தூத்துக்குடி, சிவகங்கை, புதுக்கோட்டை, திருநெல்வேலி, கன்னியாகுமரி, கோவை, நீலகிரி ஆகிய மாவட்டங்களில் சில இடங்களில் இடி, மின்னல் மற்றும் காற்றுடன் கூடிய மிதமான மழை பெய்யக்கூடும்.
• புதுச்சேரி மற்றும் காரைக்கால் பகுதிகளிலும் இடி, மின்னலுடன் கூடிய லேசான மழை பெய்யலாம் என கணிக்கப்பட்டுள்ளது. 
• தமிழகத்தின் பிற பகுதிகளில் சில இடங்களிலிம் இடி மின்னலுடன் கூடிய மழை பெய்யக்கூடும்.

இன்று சென்னை மற்றும் புறநகர் பகுதிகளில் வானம் மேகமூட்டத்துடன் காணப்படும். ஒரு சில பகுதிகளில் இடி மின்னலுடன் கூடிய மழை பெய்யக்கூடும்.

8-11-2026 வானிலை முன்னறிவிப்பு

• நாளை (08-11-2026), தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, ராமநாதபுரம், தூத்துக்குடி, கன்னியாகுமரி ஆகிய மாவட்டங்களில் ஓரிரு இடங்களில் பலத்த காற்றுடன் கூடிய மழை பெய்யகூடும்.
• புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் கூடிய கன மழை பெய்யக்கூடும்.
• சென்னை, திருவள்ளூர், காஞ்சிபுரம், செங்கல்பட்டு, விழுப்புரம், கடலூர், கள்ளக்குறிச்சி, திருச்சிராப்பள்ளி, அரியலூர், பெரம்பலூர், சிவகங்கை, ஈரோடு, திருப்பூர், திண்டுக்கல், மதுரை, விருதுநகர், தேனி, தென்காசி, திருநெல்வேலி ஆகிய மாவட்டங்களில் சில இடங்களிலும், புதுவையிலும் இடி, மின்னல் மற்றும் பலத்த காற்றுடன் கூடிய மழை பெய்யும்.
• தமிழகத்தின் பிற பகுதிகளில், ஓரிரு இடங்களில் லேசான மழை பெய்யக்கூடும்.

மேலும் படிக்க | CBSE Board Exam 2027: சிபிஎஸ்இ 10 மற்றும் 12-ம் வகுப்பு தேர்வு தேதிகள் அறிவிப்பு.. முழு விவரம்!

9-11-2026 வானிலை முன்னறிவிப்பு

• 09-11-2026 அன்று மயிலாடுதுறை, நாகப்பட்டினம், புதுக்கோட்டை, சிவகங்கை, தஞ்சாவூர், திருவாரூர், ராமநாதபுரம் ஆகிய மாவட்டங்களில் ஓரிரு இடங்களில் இடி, மின்னல் மற்றும் பலத்த காற்றுடன் கூடிய கனமழை பெய்யக்கூடும்.
• காரைக்காலில் சில இடங்களீல் இடி மின்னல், பலத்த காற்றுடன் மழை இருக்கலாம்.
• விருதுநகர், திண்டுக்கல், மதுரை, தேனி, தூத்துக்குடி, தென்காசி, திருநெல்வேலி மற்றும் கன்னியாகுமரி மாவட்டங்களில் ஒருசில இடங்களில் இடி மின்னல் மற்றும் பலத்த காற்றுடன் மிதமான மழை பெய்யலாம்.
• தமிழகத்தின் பிற பகுதிகளில் சில இடங்களிலும், புதுச்சேரியிலும் லேசான மழை பெய்யக்கூடும்.

மேலும் படிக்க | ஜெகன் குடும்பத் திருமணத்தில் முதல்வர் விஜய் & அதானி.. சந்திப்பின் பின்னணி என்ன?

10-11-2026 வானிலை முன்னறிவிப்பு

• 10-11-2026 அன்று தூத்துக்குடி மற்றும் ராமநாதபுரம் மாவட்டங்களில் சில இடங்களில் இடி மின்னல் மற்றும் பலத்த காற்றுடன் கூடிய மழை இருக்கலாம்.
• டெல்டா மாவட்டங்கள் மற்றும் தென் மாவட்டங்களிலும், தென் தமிழகத்தின் ஓரிரு இடங்களிலும் மிதமான மழை பெய்யக்கூடும்.
• காரைக்கால் பகுதியில் இடி, மின்னல் மற்றும் பலத்த காற்றுடன் கூடிய மிதமான மழை பெய்யக்கூடும்.

11-1-1-26 மற்றும் 12-11-26 வானிலை முன்னறிவிப்பு

• இந்த 2 நாட்களில் டெல்டா மாவட்டங்கள் மற்றும் தென் தமிழகத்தின் ஓரிரு பகுதிகளில் மிதமான மழை பெய்யக்கூடும்.
• காரைக்கால் பகுதியில் காற்றுடன் கூடிய மழை இருக்கலாம்.
• தமிழகத்தின் பிற பகுதிகளிலும், புதுச்சேரியிலும் லேசான மழை பெய்யக்கூடும்.

மேலும் படிக்க | போலீசாரை மிரட்டி கத்தியால் வெட்ட முயற்சி! போதை இளைஞரின் வெறிச்செயல்..