தமிழ்நாட்டில் தொழில் தொடங்க இனி அலைய வேண்டாம்: தமிழக அரசின் அதிரடி சட்டம்! Explained

Tamil Nadu Latest News : தமிழ்நாட்டில் தொழில்களைத் தொடங்குவதற்கும், புதிய முதலீடுகளை ஈர்ப்பதற்கும் வழிமுறைகளை மேலும் எளிதாக்கும் வகையில் தமிழ்நாடு அரசு புதிய தமிழ்நாடு தொழில் எளிதாக்கல் (திருத்த) சட்டம், 2026 (Tamil Nadu Business Facilitation (Amendment) Act, 2026)  என்ற திருத்தச் சட்டத்தைக் கொண்டுவந்துள்ளது. முதலீட்டாளர்கள் பல்வேறு அரசுத் துறைகளின் அனுமதிகளைப் பெறுவதற்காக அலைவதைத் தடுத்து, விரைவான நடைமுறையை உறுதி செய்வதே இதன் நோக்கமாகும்.  

மேலும் படிக்க | தமிழக அரசு ஊழியர்களுக்கு குட் நியூஸ்: கம்ப்யூட்டர், வாகன முன்பணம் இனி எளிது!

1. புதிய உயர்மட்டக் குழு உருவாக்கம் : முதலீடுகளை விரைவுபடுத்தவும், துறைகளுக்கிடையேயான ஒருங்கிணைப்பை உறுதி செய்யவும் Tamil Nadu Investment Promotion Commission (தமிழ்நாடு முதலீட்டு ஊக்குவிப்பு ஆணையம்) என்ற உயர்மட்டக் குழு உருவாக்கப்பட்டுள்ளது:  

தலைவர்: தமிழக அரசின் தலைமைச் செயலாளர்.

உறுப்பினர் - ஒருங்கிணைப்பாளர்: தொழில், முதலீட்டு ஊக்குவிப்பு மற்றும் வர்த்தகத் துறைச் செயலாளர்.

அமைப்பு: 20 உறுப்பினர்கள் வரை இடம்பெறுவர்; தேவைக்கேற்ப 5 நிபுணர்கள் சிறப்பு அழைப்பாளர்களாகச் சேர்க்கப்படலாம்.

ஒற்றைச் சாளர முறை விரிவாக்கம்: 'Single Window Portal' என்பதன் வரையறை சட்டப்பூர்வமாக மாற்றப்பட்டு, அனைத்து அரசு அனுமதிகளையும் ஒரே தளத்தின் வழியாக மின்னணு முறையில் பெறுவது கட்டாயமாக்கப்பட்டுள்ளது.  

2. பிரம்மாண்ட முதலீடுகளுக்கு முன்னுரிமை

இந்த உயர்மட்ட ஆணையம் மாநிலத்தின் முக்கிய, அதிக மதிப்பு கொண்ட திட்டங்களை நேரடியாகக் கண்காணித்து வழிநடத்தும்:  

தகுதி வரம்புகள்:

ரூ.200 கோடி அல்லது அதற்கு மேல் திட்ட முதலீடு கொண்ட தொழில்கள்.  

5,000 நபர்களுக்கு மேல் நேரடி வேலைவாய்ப்பு வழங்கும் நிறுவனங்கள்.  

தடையற்ற வர்த்தக ஒப்பந்தங்களின் கீழ் வரும் திட்டங்கள்.  

வெளிநாட்டு வாழ் தமிழர்கள் மேற்கொள்ளும் முதலீடுகள்.  

கட்டுப்படுத்தும் அதிகாரம்: அனுமதிகள், ஊக்கத்தொகைகள் மற்றும் ஒப்புதல்களை உரிய காலத்திற்குள் வழங்குமாறு நோடல் ஏஜென்சி மற்றும் சம்பந்தப்பட்ட துறைகளுக்கு இந்த ஆணையம் பிறப்பிக்கும் உத்தரவுகள் அனைவரையும் முழுமையாகக் கட்டுப்படுத்தும்.  

முடங்கிய நிலங்களை ஆய்வு செய்து மீட்பது: SIPCOT, TIDCO, SIDCO, TAH DCO, ELCOT, TIDEL Park, TICEL Bio Park போன்ற அமைப்புகள் மூலம் நிலம் ஒதுக்கப்பட்டு, தொழில் தொடங்கப்படாமல் காலதாமதமாக இருக்கும் நிலங்களை ஆய்வு செய்து, நிலப்பயன்பாட்டை உறுதி செய்ய நடவடிக்கை எடுக்கும் அதிகாரம் வழங்கப்பட்டுள்ளது.  

3. ஒரே அட்டவணையின் கீழ் 22 முக்கிய சட்டங்கள்

தொழில் தொடங்குவதற்கான அனுமதிகளைத் துரிதப்படுத்த 22 முக்கியச் சட்டங்கள் ஒரே அட்டவணையின் கீழ் கொண்டுவரப்பட்டுள்ளன:  

1. Tamil Nadu Forest Act, 1882 (வனத்துறை சட்டம்)  

2. Tamil Nadu Survey and Boundaries Act, 1923 (நில அளவை சட்டம்)  

3. Tamil Nadu Prohibition Act, 1937 (மதுவிலக்கு சட்டம்)  

4. Tamil Nadu Public Health Act, 1939 (பொது சுகாதார சட்டம்)  

5. Tamil Nadu Cinemas (Regulation) Act, 1955 (திரையரங்கு ஒழுங்குமுறை சட்டம்)  

6. Tamil Nadu Catering Establishments Act, 1958 (உணவகங்கள் சட்டம்)  

7. Tamil Nadu Land Reforms (Fixation of Ceiling on Land) Act, 1961 (நில உச்சவரம்பு சட்டம்)  

8. Tamil Nadu Public Buildings (Licensing) Act, 1965 (பொதுக் கட்டிடங்கள் உரிமச் சட்டம்)  

9. Tamil Nadu Water Supply and Drainage Board Act, 1970 (குடிநீர் வடிகால் வாரிய சட்டம்)  

10. Tamil Nadu Town and Country Planning Act, 1971 (நகர் மற்றும் ஊரமைப்பு சட்டம் - DTCP)  

11. Tamil Nadu Societies Registration Act, 1975 (சங்கங்கள் பதிவு சட்டம்)  

12. Chennai Metropolitan Water Supply and Sewerage Act, 1978 (சென்னை பெருநகர் குடிநீர் சட்டம்)  

13. Tamil Nadu Patta Pass Book Act, 1983 (பட்டா பாஸ் புக் சட்டம்)  

14. Tamil Nadu Panchayats Act, 1994 (ஊராட்சி சட்டம்)  

15. Tamil Nadu Clinical Establishments (Regulation) Act, 1997 (மருத்துவமனைகள் சட்டம்)  

16. Tamil Nadu Lifts and Escalators Act, 1997 (மின் தூக்கிகள் சட்டம்)  

17. Tamil Nadu Industrial Township Area Development Authority Act, 1997 (தொழில் நகரிய சட்டம்)  

18. Tamil Nadu Urban Local Bodies Act, 1998 (நகர்ப்புற உள்ளாட்சி அமைப்புகள் சட்டம்)  

19. Tamil Nadu Tax on Consumption or Sale of Electricity Act, 2003 (மின்சார வரி சட்டம்)  

20 Tamil Nadu Value Added Tax Act, 2006 (வாட் சட்டம்)  

21. Tamil Nadu Hostels and Homes for Women and Children (Regulation) Act, 2014 (விடுதிகள் ஒழுங்குமுறை சட்டம்)  

22. Tamil Nadu Fire and Rescue Services Act, 2025 (தீயணைப்பு மற்றும் மீட்புப் பணிகள் சட்டம்)  

சுய சான்றளிப்பு, மூன்றாம் தரப்பு சான்றளிப்பு மற்றும் டிஜிட்டல் ஆவணக் களஞ்சியம் மூலம் ஆவணங்கள் சரிபார்க்கப்பட்டு, அரசு அதிகாரிகளின் நேரடித் தலையீடுகள் கணிசமாகக் குறைக்கப்படுகின்றன.

இதனால் ஏற்படும் நன்மைகள் என்ன?

தொழில் முனைவோருக்கு: பல அலுவலகங்களுக்குச் செல்ல வேண்டிய அவசியமில்லை. இணையதளம் மூலமாக விண்ணப்பித்து குறிப்பிட்ட காலக்கெடுவுக்குள் பதில் வரவில்லை எனில், தானாகவே அனுமதி வழங்கப்பட்டதாகக் கருதப்படும் (Deemed Approval) முறை நடைமுறைக்கு வருகிறது.

வேலைவாய்ப்பு: பெரும் முதலீடுகள் விரைவாக உற்பத்தியைத் தொடங்குவதால், ஆயிரக்கணக்கான இளைஞர்களுக்குத் தொழிற்துறை சார்ந்த வேலைவாய்ப்புகள் உருவாகும்.

பொருளாதார வளர்ச்சி: தொழில் தொடங்குவதை எளிதாக்கும் 'Ease of Doing Business' தரவரிசையில் தமிழ்நாடு முன்னிலை வகிப்பதோடு, உலகளாவிய முதலீடுகளை ஈர்க்கும் முக்கிய மையமாக மாறும்.