Tamil News LIVE: இசையமைப்பாளர் தேவா காலமானார்; கனமழை அலர்ட்; IND vs WI - லேட்டஸ்ட் அப்டேட்ஸ்

உச்ச நீதிமன்றத்தின் கடுமையான உத்தரவைத் தொடர்ந்து, ரயில்வே நிர்வாகம் ஒரு முக்கிய மாற்றத்தைக் கொண்டு வந்துள்ளது. அக்டோபர் 27, 2026 முதல், ரயில் நிலைய முன்பதிவு கவுண்டர்களில் டிக்கெட் வாங்கும் பயணிகளுக்கும் காப்பீடு வழங்கப்பட உள்ளது... (மேலும் படிக்க)

சென்னை நுங்கம்பாக்கத்தில் வைக்கப்பட்டுள்ள மறைந்த இசையமைப்பாளர் தேவாவின் உடலுக்கு நடிகர் ரஜினிகாந்த் நேரில் அஞ்சலி செலுத்தினார். ரஜினி நடித்த அண்ணாமலை, பாட்ஷா, அருணாச்சலம் உள்ளிட்ட திரைப்படங்களுக்கு தேவா இசையமைத்துள்ளார். ரஜினி - தேவா காம்போ தமிழ் திரையுலகில் பெரும் பாராட்டை பெற்றது குறிப்பிடத்தக்கது.

பிஎம் கிசான் பயனாளிகள், தங்கள் தவணைத் தொகை விடுவிக்கப்படுவதற்கு முன்பாகவே தங்கள் ஆவணங்கள் மற்றும் பதிவுகள் அனைத்தும் சரியாக உள்ளனவா என்பதை உறுதிப்படுத்திக்கொள்வது நல்லது. ஒவ்வொரு முறையும், சிறிய தவறுகளால் லட்சக்கணக்கான விவசாயிகளுக்குக் கிடைக்க வேண்டிய பணம் முடங்கிவிடுகிறது... (மேலும் படிக்க)

இசையமைப்பாளர் தேவா மறைவுக்கு முதலமைச்சர் விஜய் இரங்கல் தெரிவித்துள்ளார். 

தமிழ்த் திரையுலகின் தனித்துவமான இசையமைப்பாளரும், கானா பாடல்களால் எளிய மக்களின் மனங்களைக் கவர்ந்தவருமான 'தேனிசைத் தென்றல்' திரு.தேவா அவர்கள் மறைந்த செய்தியறிந்து மிகுந்த அதிர்ச்சியும், ஆழ்ந்த வேதனையும் அடைந்தேன். தமிழ், தெலுங்கு, மலையாளம், கன்னடம் ஆகிய மொழிகளில் 400-க்கும் மேற்பட்ட திரைப்படங்களுக்கு இசையமைத்ததோடு, பல கானா பாடல்களை எழுதி, அவரே பாடியும் உள்ளார். கலைமாமணி உள்ளிட்ட பல்வேறு விருதுகளைப் பெற்ற திரு.தேவா அவர்களின் இசைப் பயணமும், பாடல்களும் திரையிசை வரலாற்றில் என்றும் நிலைத்திருக்கும். அவரது மறைவு தமிழ்த் திரையுலகிற்கு பேரிழப்பாகும். இசையமைப்பாளர் திரு.தேவா அவர்களை இழந்துவாடும் குடும்பத்தினருக்கும், உறவினர்களுக்கும், நண்பர்களுக்கும், திரைத்துறையினருக்கும், இசை ரசிகர்களுக்கும் எனது ஆழ்ந்த இரங்கலையும், அனுதாபங்களையும் தெரிவித்துக் கொள்கிறேன்.

— CMOTamilNadu (@CMOTamilnadu) October 17, 2026

தேனிசைத் தென்றல் என அழைக்கப்படும் இசையமைப்பாளர் தேவா காலமானார். சென்னை கோடம்பாக்கத்தில் உள்ள தனியார் மருத்துவமனையல் தேவா (76) காலமானார். தமிழ், தெலங்கு, மலையாளம், கன்னட மொழி படங்களக்கு பாடல்கள், பின்னணி இசையை வழங்கி இருக்கிறார். (மேலும் படிக்க)

மத்திய அரசு ஊழியர்களுக்காக அமைக்கப்பட்ட 8-வது ஊதியக் குழுவின் கூட்டங்கள் தீவிரமாக நடைபெற்று வருகின்றன. இந்தச் செயல்பாட்டின் ஒரு பகுதியாக, ஊதியக் குழுவின் கூட்டங்கள் நாடு முழுவதும் நடந்து வருகின்றன. அடுத்த முக்கியமான கூட்டம் மும்பையில் நடைபெறவுள்ளது... (மேலும் படிக்க)

 உத்தரகண்ட் மாநிலத்தின் பெண்கள் மற்றும் குழந்தைகள் மேம்பாட்டுத்துறை அமைச்சர் ரேகா ஆர்யா, தனது கணவர் கிரிதாரி லால் சாஹு மீது காவல் நிலையத்தில் புகார் (FIR) அளித்துள்ளார். அவர் மீது தாக்குதல் நடத்தியது, சாதி ரீதியாக அவதூறாகப் பேசியது மற்றும் தன்னைக் கொல்லச் சதி செய்தது போன்ற குற்றச்சாட்டுகளை ரேகா ஆர்யா முன்வைத்துள்ளார்.... (மேலும் படிக்க

சர்ச்சைக்குரிய சிறப்புத் தீவிர திருத்தம் (SIR) தொடர்பான பெரும் சர்ச்சை நிலவி வரும் நிலையில், புதிய வாக்காளர்களையும், அந்தத் திருத்தத்தால் விடுபட்டவர்களையும் உள்ளடக்கும் நோக்கில், இந்தியத் தேர்தல் ஆணையம் (ECI) வியாழக்கிழமை 17 மாநிலங்கள் மற்றும் யூனியன் பிரதேசங்களின் வாக்காளர் பட்டியல்களில் சிறப்புச் சுருக்கத் திருத்தம் (SSR) செய்ய உத்தரவிட்டது... (மேலும் படிக்க)

"ஆட்சிக்கு வந்த ஐந்தே மாதங்களில் Bad Party என்று பெயரெடுத்திருந்த த.வெ.க., அடுத்த கட்டமாக Breaking Bad Party-யாக Promotion பெற்றுள்ளது. "பயமா இருக்கா? போக போக இன்னும் பயங்கரமா இருக்கும்" என முதலமைச்சர் இதற்கும் Punch Dialogue அடிக்காமல் இருக்க வேண்டும்" என 135 கிலோ மெத்தம்பெட்டமைன் வைத்திருந்ததாக தவெக நிர்வாகி கைதானதை விமர்சித்து முன்னாள் முதலமைச்சர் ஸ்டாலின் பகிர்ந்த பதிவில் இருந்து...

TVK = Bad Party மட்டுமல்ல, Breaking Bad Party ஒன்றிய அரசின் DRI அதிகாரிகளால் நாகை மாவட்டத் த.வெ.க. நிர்வாகியும் கீழ்வேளூர் சட்டமன்றத் தொகுதியின் தேர்தல் பொறுப்பாளருமான பூபாலன் கைது செய்யப்பட்டுள்ளார். போதை 'ஒழிப்பு' பற்றி முதலமைச்சர் மேடைதோறும் பாடமெடுத்து வருவதை, போதை 'ஒளிப்பு' எனத் தவறாகப் புரிந்துகொண்டு 135 கிலோ மெத்தம்பெட்டமைன் போதைப் பொருளை ஒளித்து வைத்திருந்ததுதான் அவர் செய்துள்ள குற்றம் என முதற்கட்ட விசாரணையில் தெரியவந்துள்ளது. கேரியரின் உச்சத்தில் இருந்தபோது தொக்காக மாட்டியுள்ளார். சொந்தக் கட்சியிலேயே மிகப் பெரிய போதை மாபியாவை வைத்துக்கொண்டுதான் த.வெ.க. தலைவர் ஊருக்கு உபதேசம் செய்துகொண்டிருந்தாரா? ஒரே சோதனையில் இந்த அளவுக்கு போதைப்பொருள் சிக்கியிருக்கிறதென்றால், இவர்களின் பின்னால் இன்னும் எத்தனை பேர் இருக்கிறார்கள் எனக் கண்டறிந்து மொத்த Network-ஐயும் சுற்றி வளைக்க வேண்டும். தாசில்தார் மூலமாகக் கம்யூனிஸ்டுகளைக் கணக்கெடுப்பதற்கு பதிலாக, மாவட்டத்துக்கு மாவட்டம் இப்படி எத்தனை லியோதாஸ்களும், பவுடர் சரத்களும் த.வெ.க.வில் இருக்கிறார்கள் என முதலில் கணக்கெடுங்கள். ஆட்சிக்கு வந்த ஐந்தே மாதங்களில் Bad Party என்று பெயரெடுத்திருந்த த.வெ.க., அடுத்தகட்டமாக Breaking Bad Party-யாக Promotion பெற்றுள்ளது. "பயமா இருக்கா? போக போக இன்னும் பயங்கரமா இருக்கும்" என முதலமைச்சர் இதற்கும் Punch Dialogue அடிக்காமல் இருக்க வேண்டும்.

— M.K.Stalin (@mkstalin) October 17, 2026

கிளாம்பாக்கம் நோக்கி வரும் வாகனங்களுக்கு அக்டோபர் 21ஆம் தேதி வரை தாம்பரம் போக்குவரத்து போலீசார், ஐந்து இடங்களில் போக்குவரத்து மாற்றம் செய்யப்பட்டுள்ளது. எனவே, பயணிகள் இதற்கு ஏற்ப தங்கள் பயணங்களை திட்டமிட்டுக் கொள்ள வேண்டும் என அறிவுறுத்தப்பட்டுள்ளது. (மேலும் படிக்க)

"கவனம் வட தமிழ்நாட்டின் பக்கம் திரும்புவதால், சென்னை அதிக மழை பெய்யும் மண்டலத்திற்குள் வருகிறது என்றும் அக்டோபர் 17-18, அக்டோபர் 21-22 ஆகிய நாட்கள் மிக நல்ல மழையை எதிர்பார்க்க வேண்டிய முக்கிய நாட்களாகும். பகல் நேரங்களில் வெயில் நிலவக்கூடும், ஆனால் திடீரென எதிர்பாராத விதமாக மழை பெய்ய வாய்ப்புள்ளது. கடல் அருகே உள்ள பகுதிகளில் இரவு மற்றும் அதிகாலை நேரங்களில் மழை உச்சத்தில் இருக்க வாய்ப்புள்ளது" என தமிழ்நாடு வெதர்மேன் அவரது X பதிவில் குறிப்பிட்டுள்ளார். (மேலும் படிக்க)