6 மாவட்டங்களுக்கு கனமழை அலர்ட்... லேட்டஸ்ட் வானிலை அப்டேட் இதோ!

Tamil Nadu Weather Latest News Updates: நீலகிரி, கோயம்புத்தூர், திருவள்ளூர், காஞ்சிபுரம், விழுப்புரம் மற்றும் ராணிப்பேட்டை மாவட்டங்களில் ஓரிரு இடங்களில் இடி மின்னல் மற்றும் பலத்த காற்றுடன் கூடிய கன முதல் மிக கனமழை இன்று (அக். 17)பெய்யக்கூடும் என சென்னை வானிலை ஆய்வு மையம் தெரிவித்துள்ளது.

மேலும் இன்று சென்னை, செங்கல்பட்டு, திருநெல்வேலி, கன்னியாகுமரி, தேனி, திண்டுக்கல், மதுரை, திருப்பூர், வேலூர், கள்ளக்குறிச்சி, மயிலாடுதுறை, நாகப்பட்டினம், திருவாரூர், தஞ்சாவூர், ஈரோடு, தர்மபுரி, கிருஷ்ணகிரி, சேலம், ராமநாதபுரம், திருச்சி, நாமக்கல், கடலூர், கரூர், பெரம்பலூர், அரியலூர் மாவட்டங்களில் ஓரிரு இடங்களிலும் புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் கூடிய கன மழை பெய்யக்கூடும் என தெரிவித்திருந்தது.

மேலும் படிக்க | வடகிழக்கு பருவமழை: அக்டோபர் 17 சென்னை மற்றும் 25 மாவட்டங்களுக்கு கனமழை எச்சரிக்கை

லேட்டஸ்ட் வானிலை அப்டேட்

அதேபோல், தமிழ்நாட்டின் மற்ற பகுதிகளில் அநேக இடங்களில் இடி மின்னல் மற்றும் பலத்த காற்றுடன் கூடிய மிதமான மழை பெய்யக்கூடும் என்றும் தெரிவிக்கப்பட்டிருந்தது.

Light to Moderate Rain with light thunderstorm and lightning is likely at isolated places over Villupuram, Cuddalore, Mayiladuthurai, Nagapattinam, Tiruvarur, Thanjavur, Pudukottai, Ramanathapuram districts of Tamilnadu and Puducherry, Karaikal area. https://t.co/vME7oDDIbo

— IMD-Tamilnadu Weather (@ChennaiRmc) October 17, 2026

இந்நிலையில், சென்னை வானிலை ஆய்வு மையம் அதன் X பக்கத்தில் இன்று காலை போட்டிருக்கும் பதிவில், "தஞ்சாவூர், புதுக்கோட்டை, ராமநாதபுரம், விழுப்புரம், கடலூர், மயிலாடுதுறை, நாகப்பட்டினம், திருவாரூர், புதுச்சேரி, காரைக்கால் ஆகிய இடங்களில் லேசானது முதல் மிதமானது வரை இடியுடன் கூடிய மழை பெய்யக்கூடும்" என தெரிவிக்கப்பட்டுள்ளது.

அடுத்த சில நாட்களில் பரவலான மழைக்கு வாய்ப்பு

Chennai Rains என்ற சுயாதீன வானிலை சார்ந்த X பக்கத்தில் இன்று காலையில் பகிரப்பட்ட பதிவில், "வட தமிழகத்தில் நேற்று (அக். 16) பரவலான இடியுடன் கூடிய மழை பெய்ததுடன், சென்னையின் பல பகுதிகளிலும் கனமழை பெய்தது. அதே பகுதியில் புயல் சுழற்சி நீடிப்பதால் இன்று வட தமிழகத்தில் பரலான இடியுடன் கூடிய மழை பெய்ய வாய்ப்புள்ளது" என குறிப்பிடப்பட்டுள்ளது.

மேலும் படிக்க | TN Shutdown: தமிழகத்தில் அக்., 17 மின்தடை ஏற்படும் பகுதிகள்!

Yesterday saw widespread thunderstorms over North TN with intense spell of rains hitting many parts of Chennai as well. With the cyclonic circulation persisting in the same area today conditions look similar with North TN once again likely to see widespread thunderstorms. Depending on real time wind convergence few places in the coastal stretch between Chennai and Pondy may once again see heavy burst of rains during afternoon / evening hours. The next few days look good for Chennai to get some widespread rains as active monsoon conditions continue. Due to travel except for automated nowcast alerts there will be no alerts during the day.

— Chennai Rains (COMK) (@ChennaiRains) October 17, 2026

மேலும் காற்றின் குவிப்பை பொறுத்து, சென்னைக்கும் புதுச்சேரிக்கும் இடையிலான கடலோரப் பகுதியில் சில இடங்களில் இன்று பிற்பகல் அல்லது மாலை நேரங்களில் மீண்டும் கனமழை பெய்யக்கூடும் என கணிக்கப்பட்டுள்ளது. தீவிர பருவமழை நிலவுவதால், அடுத்த சில நாட்களுக்கு சென்னையில் பரவலான மழை பெய்ய வாய்ப்புள்ளது என்றும் தெரிவிக்கப்பட்டுள்ளது.

தமிழ்நாடு வெதர்மேன் பிரதீப் ஜான் கணிப்பு

கவனம் வட தமிழ்நாட்டின் பக்கம் திரும்புவதால், சென்னை அதிக மழை பெய்யும் மண்டலத்திற்குள் வருகிறது என்றும் அக்டோபர் 17-18, அக்டோபர் 21-22 ஆகிய நாட்கள் மிக நல்ல மழையை எதிர்பார்க்க வேண்டிய முக்கிய நாட்களாகும் என்றும் தமிழ்நாடு வெதர்மேன் பிரதீப் ஜான் அவரது X பதிவில் தெரிவித்துள்ளார்.

With the focus shifting to North Tamil Nadu, Chennai falls within the hotspot zone, with October 17–18 and October 21–22 being the key days to watch for very good rainfall. Daytime may remain sunny, with sudden spells of rain developing seemingly out of nowhere. Nights and early mornings are likely to be the peak periods for rainfall for areas close to sea. Rainy days are set to continue across KTCC (Chennai and its suburbs). Detailed forecast for TN will be putup shortly after posting the observed rainfall data for TN and KTCC

— Tamil Nadu Weatherman (@praddy06) October 17, 2026

பகல் நேரங்களில் வெயில் நிலவக்கூடும், ஆனால் திடீரென எதிர்பாராத விதமாக மழை பெய்ய வாய்ப்புள்ளது என்றும் பிரதீப் ஜான் அவரது பதிவில் குறிப்பிட்டுள்ளார். கடல் அருகே உள்ள பகுதிகளில் இரவு மற்றும் அதிகாலை நேரங்களில் மழை உச்சத்தில் இருக்க வாய்ப்புள்ளது என்றும் தெரிவித்தார்.

மேலும் படிக்க | அக்., 22 வரை கொட்டித் தீர்க்கப்போகும் மழை.. சென்னைக்கும் அலர்ட்! வானிலை அப்டேட்