Tamil News LIVE: இன்று உருவாகிறது முரசு புயல்; சல்லோ டெல்லி பேரணி; தமிழ்நாடு தினம் - அப்டேட்ஸ்

முரசு புயல்: தெற்கு அந்தமான் கடல் பகுதியில் நிலை கொண்டுள்ள காற்றழுத்தத் தாழ்வு மண்டல இன்று புயலாக மாறும் என இந்திய வானிலை ஆய்வு மையம் கணித்துள்ளது. தீவிர புயலாக நாளை வலுவடைந்து, ஆந்திரா அருகே கரையை கடக்கும் என இந்திய வானிலை ஆய்வு மையம் தெரிவித்துள்ளது.

வானிலை நிலவரம்: மதுரை, திருச்சி, நாமக்கல், சேலம், ஈரோடு, கரூர் ஆகிய 6 மாவட்டங்களில் இன்று மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

IND vs NZ: இந்தியா - நியூசிலாந்து அணிகளுக்கு இடையிலான கடைசி மற்றும் 5வது டி20ஐ போட்டி இன்று நடைபெறுகிறது. 3-1 என்ற கணக்கில் இந்திய அணி தொடரை வென்றது. இன்றைய போட்டி சம்பிரதாய போட்டியாக அமைந்துள்ளது.

தமிழ்நாடு தினம்: மொழிவாரி மாநில சீரமைப்புக்கு பின்னர் மதராஸ் மாகாணத்தில் இருந்து தெலுங்கு, மலையாளம், கன்னட மொழி பேசிய பகுதிகள் பிரிக்கப்பட்டு, எஞ்சிய தமிழ்ப் பகுதிகள் தனி மாநிலமாக உருவானதை தொடர்ந்து, நவம்பர் 1ஆம் தேதி தமிழ்நாடு நாளாகக் கொண்டாடப்படுகிறது.