• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Tamil
  • செய்திகள்
  • வீடியோ
  • போட்டோ
  • ரீல்ஸ்
  • நகரம்

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /பயனுள்ள தகவல்கள்
  • /8வது ஊதியக் குழு: ரூ.52,000-ரூ.2,06,250... ஓய்வூதியதாரர்களுக்கு அட்டகாசமான ஓய்வூதிய உயர்வு!!

8வது ஊதியக் குழு: ரூ.52,000-ரூ.2,06,250... ஓய்வூதியதாரர்களுக்கு அட்டகாசமான ஓய்வூதிய உயர்வு!!

8th Pay Commission: 8வது ஊதியக் குழுவில் ஃபிட்மெண்ட் ஃபாக்டர் 2.1, 2.57 அல்லது 2.75 ஆக நிர்ணயிக்கப்பட்டால், ₹25,000 முதல் ₹75,000 வரையிலான அடிப்படை ஓய்வூதியம் உள்ளவர்களுக்கு தற்போதைய ஓய்வூதியத் தொகை எவ்வளவு உயரக்கூடும்? இதற்கான கணக்கீட்டை இங்கே காணலாம்.

Written BySripriya Sambathkumar
Published: Nov 16, 2026, 10:20 IST|Updated: Nov 16, 2026, 11:00 IST
joinshare
8வது ஊதியக் குழு: ரூ.52,000-ரூ.2,06,250... ஓய்வூதியதாரர்களுக்கு அட்டகாசமான ஓய்வூதிய உயர்வு!!
Image Credit: Representative (AI) / 8th Pay Commission Update

About the Author

Sripriya Sambathkumar

Sripriya Sambathkumar

ஸ்ரீப்ரியா சம்பத், 6 ஆண்டுகளுக்கும் மேல் மீடியாவில் பணியாற்றி வருகிறார். இவர், வணிகம் மற்றும் தனிநபர் நிதி (Personal Finance) சார்ந்த கட்டுரைகளை எழுதுவதில் நிபுணத்துவம் பெற்றவர். மத்திய பட்ஜெட்டுகள், வங்கித் துறை, வருமான வரி, பங்குச் சந்தைகள் மற்றும் நாட்டின் ஒட்டுமொத்தப் பொருளாதாரம், மத்திய அரசு ஊழியர்கள், ஊதியக் குழுக்கள் (Pay Commissions), ஓய்வூதியத் திட்டங்கள், ஓய்வூதியதாரர்கள், அரசின் முக்கியக் கொள்கைகள் மற்றும் சர்வதேச விவகாரங்களில் பல கட்டுரைகளை எழுதியுள்ளார்.எழுத்தை வாசகர்களோடு இணைவதற்கான ஒரு சிறந்த பாலமாகக் கருதும் இவர், அவர்களின் தேவைகளுக்கும் ஆர்வங்களுக்கும் முன்னுரிமை அளிக்கிறார். வாசகர்களுடன் இயல்பான, உண்மையான மற்றும் நேர்மையான தொடர்பைக் கொண்டிருப்பதே இவரின் முதன்மை இலக்காகும். பணி நேரத்தைத் தாண்டி, புத்தகங்கள் வாசிப்பது, புதிய இடங்களுக்குப் பயணம் செய்வது மற்றும் அறிவுசார் விவாதங்களில் பங்கேற்பது இவருக்கு மிகவும் பிடித்தமானவை.
Read More

டிரெண்டிங்

  • செய்திகள்
  • போட்டோ
  • வீடியோ
எல்.கே. சுதீஷ் – பூர்ணஜோதி சுதீஷ் திருமணத்தில் கலந்து கொண்டவர்கள் யார்?

எல்.கே. சுதீஷ் – பூர்ணஜோதி சுதீஷ் திருமணத்தில் கலந்து கொண்டவர்கள் யார்?

2

Explained : குழந்தைகளிடம் வாசிப்பு ஆர்வம் குறைவு..எதிர்காலத்தை பாதிக்கும்! எச்சரிக்கை

3

இதுவும் பாலியல் துன்புறுத்தலே... கள்ளக்குறிச்சி எம்எல்ஏ விவகாரம் - பொதுவெளியில் பெண் நீதிபதி பகீர்

4

Gold Price: அதிரடியாக குறையும் தங்கம் விலை.. மோடி மேஜிக் தான் காரணமா?

5

“குழந்தை பெத்துக்காேங்க..” இஸ்லாமியர்கள் அதிகரிப்பால் ட்ரம்ப் ஆதரவாளர் கொடுத்த ஐடியா..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

8th Pay Commission: நீதிபதி ரஞ்சனா பிரகாஷ் தேசாய் தலைமையிலான 3 பேர் கொண்ட தற்காலிகக் குழுவான 8வது ஊதியக் குழு, தற்போது 12 மாதங்களுக்கும் மேலாகச் செயல்பட்டுள்ளது. 8வது ஊதியக் குழுவின் பணி வரம்புகளின்படி (Terms of Reference - ToR), மத்திய அரசிடம் தனது இறுதி அறிக்கையைச் சமர்ப்பிக்க இன்னும் சுமார் 6 மாத காலம் உள்ளது.

8வது ஊதியக் குழு எடுக்கும் முடிவுகளை, தகுதியுள்ள தொழிற்சங்கங்கள், சங்கங்கள், பணியில் உள்ள மத்திய அரசு ஊழியர்கள் மற்றும் ஓய்வூதியதாரர்கள் மிகுந்த கவனத்துடன் உற்றுநோக்கிக் கொண்டிருக்கின்றனர். ஓய்வூதியதாரர்களும் பல வித கோரிக்கைகளை முன்வைத்துள்ளன. குறிப்பாக, பழைய ஓய்வூதியத் திட்டத்தின் (Old Pension Scheme - OPS) கீழ் வரும் ஓய்வூதியதாரர்கள் இதில் அதிக ஆர்வம் காட்டுகின்றனர். ஏனெனில், ஓய்வுபெற்ற மத்திய அரசு ஊழியர்களுக்கான ஓய்வூதியத்தில் ஆக்கபூர்வமான மற்றும் அர்த்தமுள்ள மாற்றங்களைக் கொண்டுவர வேண்டும் என்று பல முக்கிய ஓய்வூதியதாரர் அமைப்புகள் தங்கள் கருத்துகளையும் முன்மொழிவுகளையும் சமர்ப்பித்துள்ளன.

மத்திய அரசு ஓய்வூதியதாரர்கள்

மத்திய அரசு ஓய்வூதியதாரர்களுக்கான சங்கங்கள் பின்வரும் முக்கிய நோக்கங்களை அடைய ஏதுவாக தங்கள் கோரிக்கைகளை சமர்ப்பித்துள்ளன:

  • ஓய்வூதியதாரர்களின் வாழ்க்கைச் சூழலை மேம்படுத்துவது, 
  • ஓய்வூதியதாரர்களுக்குக் கூடுதல் ஓய்வூதியம் கிடைக்கச் செய்வது, 
  • குடும்ப ஓய்வூதியத்தை மேம்படுத்துவது மற்றும் 
  • தற்போது ஓய்வுபெற்றவர்களுக்கும் எதிர்காலத்தில் ஓய்வுபெறப்போகிறவர்களுக்கும் இடையே ஓய்வூதியத்தில் சமநிலையை உறுதி செய்வது

ஓய்வூதிய உயர்வு

8வது ஊதியக் குழுவின் பரிந்துரைகளின் அமலாக்கத்திற்குப் பிறகு ஓய்வூதியம் எவ்வளவு அதிகரிக்கும்? இது பெரும்பாலும் புதிய ஃபிட்மென்ட் ஃபாக்டரை சார்ந்திருக்கும். சில உதாரணங்களின் மூலம் இதை புரிந்துகொள்ளலாம்.

8வது ஊதியக் குழுவில் ஃபிட்மெண்ட் ஃபாக்டர் 2.1, 2.57 அல்லது 2.75 ஆக நிர்ணயிக்கப்பட்டால், ₹25,000 முதல் ₹75,000 வரையிலான அடிப்படை ஓய்வூதியம் உள்ளவர்களுக்கு தற்போதைய ஓய்வூதியத் தொகை எவ்வளவு உயரக்கூடும்? இதற்கான கணக்கீட்டை இங்கே காணலாம்.

மேலும் படிக்க | Explainer: அரசு ஊழியர்களுக்கு இனி 5 ஆண்டுகளுக்கு ஒரு முறை ஊதிய திருத்தமா? 8வது ஊதியக் குழு முக்கிய அப்டேட்

தற்போதைய அடிப்படை ஓய்வூதியத் தொகையான ₹25,000 முதல் ₹75,000 வரை எவ்வாறு கணக்கிடப்படுகிறது?

தற்போது நடைமுறையில் உள்ள ஓய்வூதியக் கட்டமைப்பின்படி, பழைய ஓய்வூதியத் திட்டத்தின் (OPS) கீழ் வரும் தகுதியுள்ள மத்திய அரசு ஊழியர்கள், தாங்கள் கடைசியாகப் பெற்ற ஊதியம் அல்லது கடந்த 10 மாதங்களுக்கான சராசரி ஊதியம் - இதில் எது அதிகமோ, அதில் 50 சதவீதத்தை அடிப்படை ஓய்வூதியமாகப் பெறத் தகுதியுடையவர்கள் ஆவர். இது அந்தந்த விதிகளுக்கும் ஒழுங்குமுறைகளுக்கும் உட்பட்டது.

ஓய்வூதியக் கணக்கீடு:

  • ஒருவர் பணியிலிருந்து ஓய்வு பெறும்போது அவரது கடைசி அடிப்படை ஊதியம் ₹1,00,000 ஆக இருந்தால், அவர் ₹50,000-ஐ அடிப்படை ஓய்வூதியமாகப் பெறக்கூடும். 
  • ஒருவர் ஓய்வு பெறும்போது அவரது கடைசி அடிப்படை ஊதியம் ₹40,000 ஆக இருந்தால், அவர் ₹20,000-ஐ அடிப்படை ஓய்வூதியமாகப் பெற வாய்ப்புள்ளது. 
  • இது அடிப்படை ஓய்வூதியம் மட்டுமே.
  • இதில் அகவிலை நிவாரணம் (Dearness Relief - DR), மருத்துவப் படிகள் மற்றும் பிற படிகள் போன்ற கூடுதல் சலுகைகள் சேர்க்கப்படவில்லை.

இதற்கேற்ப, தற்போதைய கணக்கீட்டில், ₹25,000 முதல் ₹75,000 வரையிலான அடிப்படை ஓய்வூதியங்கள் (₹5,000 இடைவெளியில்) கருத்தில் கொள்ளப்பட்டுள்ளன. இவை 7-வது ஊதியக் குழுவின் குறிப்பிட்ட நிலைகளுக்கு (Pay Commission levels) என நிர்ணயிக்கப்பட்ட நிலையான ஓய்வூதியத் தொகைகள் அல்ல என்பதை நினைவில் கொள்வது நல்லது. 50% ஓய்வூதியக் கணக்கீட்டின் அடிப்படையில், இவை ஒரு பணியாளர் கடைசியாகப் பெற்ற அடிப்படை ஊதியமான ₹50,000 முதல் சுமார் ₹1.5 லட்சம் வரையிலான தொகைகளுக்கு இணையாக இருக்கலாம்.

ஃபிட்மென்ட் ஃபேக்டரின் அடிப்படையில் ஓய்வூதிய உயர்வு

மேலே குறிப்பிட்டபடி, தற்போதைய பழைய ஓய்வூதியத் திட்டத்தின் (OPS) கட்டமைப்பின் கீழ், ஒரு மத்திய அரசு ஊழியர், தான் கடைசியாகப் பெற்ற ஊதியத்தில் 50% அல்லது கடந்த 10 மாதங்களின் சராசரி ஊதியத்தில் 50% - இதில் எது அதிகமோ - அதையே அடிப்படை ஓய்வூதியமாகப் பெறுவார். இது நடைமுறையில் உள்ள விதிகள் மற்றும் ஒழுங்குமுறைகளுக்கு உட்பட்டது.

6வது மற்றும் 7வது ஊதியக் குழுக்களின் போது, ​​முறையே 1.86 மற்றும் 2.57 ஆகிய 'ஃபிட்மென்ட் ஃபேக்டர்கள்' அதிகாரப்பூர்வமாக ஏற்றுக்கொள்ளப்பட்டன. என்பதையும் நினைவில் கொள்வது அவசியம்.

மேலும் படிக்க | 8வது ஊதியக் குழு: அடுத்த 10 ஆண்களில் அதிரடியாய் உயரும் அரசு ஊழியர்களின் சம்பளம்... கணக்கீடு இதோ

2.1, 2.57 மற்றும் 2.75 ஆகிய ஃபிட்மெண்ட் ஃபாக்டர்களில் வெவ்வேறு ஓய்வூதியங்கள் எவ்வாறு மாறக்கூடும் என இங்கே காணலாம்:

தற்போதுள்ள அடிப்படை ஓய்வூதியம்2.1 ஃபிட்மெண்ட் ஃபாக்டர்2.57 ஃபிட்மெண்ட் ஃபாக்டர்2.75 ஃபிட்மெண்ட் ஃபாக்டர் 
₹25,000₹52,500₹64,250₹68,750
₹30,000₹63,000₹77,100₹82,500
₹35,000₹73,500₹89,950₹96,250
₹40,000₹84,000₹1,02,800₹1,10,000
₹45,000₹94,500₹1,15,650₹1,23,750
₹50,000₹1,05,000₹1,28,500₹1,37,500
₹55,000₹1,15,500₹1,41,350₹1,51,250
₹60,000₹1,26,000₹1,54,200₹1,65,000
₹65,000₹1,36,500₹1,67,050₹1,78,750
₹70,000₹1,47,000₹1,79,900₹1,92,500
₹75,000₹1,57,500₹1,92,750₹2,06,250

குறிப்பு: இந்தக் கணக்கீடுகள் விளக்க நோக்கத்திற்காக மட்டுமே, இவை அரசாங்கத்தால் அங்கீகரிக்கப்பட்ட புள்ளிவிவரங்கள் அல்ல.

7வது ஊதியக் குழு

2016-க்கு முந்தைய ஓய்வூதியங்களை மறுஆய்வு செய்வதற்காக, 7-வது ஊதியக் குழு இரண்டு வெவ்வேறு முறைகளைக் கருத்தில் கொண்டிருந்தது:

முதலாவது, ஊதிய மேட்ரிக்ஸில் (Pay Matrix) ஊதியத்தை முறைப்படி நிர்ணயிப்பது.
இரண்டாவது, தற்போதுள்ள ஓய்வூதியத் தொகையை 2.57 என்ற காரணியால் பெருக்குவது. 
இதில் எந்த முறையில் அதிக ஓய்வூதியம் கிடைக்கிறதோ, அந்த முறையைத் தேர்ந்தெடுத்துக்கொள்ள மத்திய அரசு ஊழியர்களுக்கு வாய்ப்பு வழங்கப்பட்டிருந்தது.

ஓய்வூதியதாரர் அமைப்புகளின் கோரிக்கை என்ன?

  • தேசிய கவுன்சில்-கூட்டு ஆலோசனைக் கட்டமைப்பு (NC-JCM) மற்றும் அகில இந்திய பாதுகாப்பு ஊழியர் கூட்டமைப்பு (AIDEF) ஆகியவை, முழு ஓய்வூதியத்தை கடைசி ஊதியத்தில் 50 சதவீதத்திலிருந்து 67 சதவீதமாகவும், குடும்ப ஓய்வூதியத்தை 30 சதவீதத்திலிருந்து 50 சதவீதமாகவும் உயர்த்தக் கோரியுள்ளன. 
  • 'பாரத் பென்ஷனர்ஸ் சமாஜ்' (Bharat Pensioners Samaj) அமைப்பு, குறைந்தபட்ச ஓய்வூதியமாக ₹45,000 வழங்கப்பட வேண்டும் என்றும், ஓய்வூதியத் தொகை கடைசி ஊதியத்தில் 67 சதவீதத்திற்கு இணையாக இருக்க வேண்டும் என்றும் வலியுறுத்தியுள்ளது.

இருப்பினும், மேலே குறிப்பிடப்பட்டுள்ள அளவீடுகள் வெறும் அனுமானங்களே தவிர, அதிகாரப்பூர்வ பரிந்துரைகள் அல்ல. ஓய்வூதிய மறுஆய்வு குறித்த இறுதி முடிவு, ஊதியக் குழுவின் அறிக்கை மற்றும் அரசின் ஒப்புதலைப் பொறுத்தே அமையும். நீதிபதி ரஞ்சனா பிரகாஷ் தேசாய் தலைமையிலான இந்த ஊதியக் குழு, தனது அறிக்கையை 2027-ஆம் ஆண்டு மே-ஜூன் மாதத்திற்குள் சமர்ப்பிக்கும் என்று எதிர்பார்க்கப்படுகிறது.

மேலும் படிக்க | 8வது ஊதியக் குழு: சம்பளம், ஓய்வூதியம், HRA, OPS, பதவி உயர்வு... அரசு ஊழியர்களுக்கான முக்கிய கோரிக்கைகள்

Add Zee News as a Preferred Source
TAGS:
Pay Commission