Term Insurance எடுக்குறீங்களா? கிளைம் ரிஜெக்ட் ஆகக் கூடாதுன்னா.. இந்த ரூல்ஸை மறக்காதீங்க!

புது டெல்லி: மாதம் மாதம் அல்லது வருடத்திற்கு ஒருமுறை நாம் முறையாகப் பிரீமியம் செலுத்தினாலும், அவசரத் தேவையின்போது இன்சூரன்ஸ் கிளைம் தடையின்றி கிடைக்குமா என்ற கேள்வி பலரது மனதிலும் எழுகிறது. கடந்த ஆண்டில் மட்டும் ஆயிரக்கணக்கான டெத் கிளைம்கள் பல்வேறு காரணங்களால் நிராகரிக்கப்பட்டுள்ளன. இதற்குப் பின்னால் உள்ள உண்மையான காரணங்கள் என்ன, எச்.டி.எஃப்.சி (HDFC) நிறுவனத்தின் சிறந்த டெர்ம் இன்சூரன்ஸ் பிளான்கள் என்னென்ன மற்றும் பாலிசி எடுக்கும்போது நாம் செய்ய வேண்டிய அத்தியாவசிய மாற்றங்கள் என்ன என்பதைப் பற்றி விரிவாகப் பார்ப்போம்.

எச்.டி.எஃப்.சி லைஃப் இன்சூரன்ஸ் மெட்ரிக்ஸ் மற்றும் நம்பகத்தன்மை

ஒரு இன்சூரன்ஸ் நிறுவனத்தைத் தேர்ந்தெடுக்கும்போது அதன் நிதிப் பின்னணி மற்றும் கிளைம் செட்டில்மென்ட் விகிதத்தை ஆராய்வது மிகவும் அவசியமானது. சமீபத்திய நிதி ஆண்டில் HDFC லைஃப் நிறுவனத்தின் இன்டிவிஜுவல் டெத் கிளைம் செட்டில்மென்ட் ரேஷியோ மிகச் சிறப்பாக 99.72 சதவீதமாக உள்ளது. வெறும் சிறிய தொகைகளை மட்டும் அல்லாமல், கோடிக்கணக்கான ரூபாய் மதிப்புள்ள கிளைம்களையும் இந்நிறுவனம் வெற்றிகரமாக வழங்கி வருகிறது.

ஐ.ஆர்.டி.ஏ.ஐ விதிகளின்படி குறைந்தபட்சம் 1.5 மடங்காக இருக்க வேண்டிய சால்வன்சி ரேஷியோ, HDFC நிறுவனத்தில் மூன்று வருட சராசரியாக 1.86 மடங்காக உள்ளது. இதனால் இது சந்தையில் மிகவும் பாதுகாப்பான மற்றும் நம்பகமான இன்சூரன்ஸ் நிறுவனமாக விளங்குகிறது.

கிளைம்கள் ஏன் நிராகரிக்கப்படுகின்றன? நாம் செய்யும் தவறுகள்

ஆயிரக்கணக்கான கிளைம்கள் நிராகரிக்கப்படுவதற்கு இன்சூரன்ஸ் கம்பெனி மட்டுமே காரணம் அல்ல. மாறாக, பாலிசி விண்ணப்பிக்கும்போது நாம் செய்யும் சிறிய தவறுகள்தான் முக்கியக் காரணம். பல ஆண்டுகளுக்கு முன்பு இருந்த உடல்நலப் பிரச்சினைகள், குறிப்பாக உயர் ரத்த அழுத்தப் பிரச்சினை போன்றவற்றை மறைப்பது அல்லது சரியான மருத்துவ விவரங்களை அளிக்காமல் இருப்பது பாலிசி கிளைம் செய்யும்போது பெரிய சிக்கலை ஏற்படுத்துகிறது.

எனவே பாலிசி எடுப்பதற்கு முன் முழுமையான மருத்துவ விவரங்களை வெளிப்படையாகத் தெரிவிப்பதும், சரியான சம் அஷ்யூர் தொகையைக் கணக்கிடுவதும் அவசியம்.

மேலும் படிக்க - SBI Pension Loan | எஸ்பிஐ வாடிக்கையாளர்களே உஷார்... பென்ஷன் லோன் வட்டியை அதிரடியாக உயர்த்திய வங்கி

டிட்டோ இன்சூரன்ஸ் ஏன் உங்களுக்கு உதவிகரமாக இருக்கும்?

இந்த விவரங்களை எல்லாம் தனித்து கவனிப்பது பலருக்கு கடினமாக இருக்கலாம். அந்த சமயத்தில் டிட்டோ இன்சூரன்ஸ் போன்ற நம்பகமான சேவைகளைப் பயன்படுத்திக் கொள்ளலாம். டிட்டோ வெறும் இன்சூரன்ஸ் அக்ரிகேட்டர் மட்டுமல்ல, உங்கள் கிளைம் ரிஜெக்ட் ஆகாத வகையில் அது ஒரு பர்சனல் ஷீல்டாகச் செயல்படுகிறது.

நூறு சதவீத நேர்மையான மருத்துவ வெளிப்பாடு, பூஜ்ஜிய விற்பனை அழுத்தம் மற்றும் பாலிசிதாரருக்குப் பிறகு குடும்பத்திற்குத் தேவையான லைஃப்டைம் கிளைம் அசிஸ்டன்ஸ் போன்ற பல சேவைகளை இது வழங்குகிறது. இதன் மூலம் தேவையற்ற அழைப்புகளோ அல்லது ஸ்பேம் தொந்தரவுகளோ இல்லாமல் பாதுகாப்பான பாலிசியைத் தேர்ந்தெடுக்கலாம்.

எச்.டி.எஃப்.சி நிறுவனத்தின் டாப் 3 டெர்ம் இன்சூரன்ஸ் பிளான்கள் எது?

HDFC லைஃப் இன்சூரன்ஸ் நிறுவனத்தில் மூன்று முக்கிய டெர்ம் இன்சூரன்ஸ் பிளான்கள் உள்ளன. அவை என்னென்ன மற்றும் யாருக்குப் பொருத்தமானவை என்பதைப் பார்ப்போம்.

கிளிக் டு ப்ரொடெக்ட் சுப்ரீம் பிளஸ் (Click to Protect Supreme Plus)

மாறிவரும் வாழ்க்கை முறைக்கு ஏற்ப நெகிழ்வான பாதுகாப்பு விரும்பும் அனைவருக்கும் இது மிகச் சிறந்த தேர்வாகும். இதில் குறைந்தபட்ச சம் அஷ்யூர் 50 லட்சத்திலிருந்து தொடங்குகிறது, அதிகபட்ச வரம்பு கிடையாது. லைஃப் ஸ்டேஜ் கவர் இன்க்ரீஸ், பிரீமியம் பிரேக் மற்றும் இன்ஸ்டன்ட் கிளைம் பே அவுட் போன்ற சிறப்பம்சங்கள் இதில் உள்ளன. திருமணம் அல்லது புதிய குடும்பச் சூழல் ஏற்படும் போது கூடுதல் மருத்துவ பரிசோதனை இல்லாமல் கவரேஜை உயர்த்திக் கொள்ளலாம்.

கிளிக் டு ப்ரொடெக்ட் எலைட் ப்ரோ (Click to Protect Elite Pro)

நன்றாக சம்பாதிக்கும் உயர் வருவாய் பிரிவினருக்கு இந்த பிளான் மிகவும் பொருத்தமானது. இதில் குறைந்தபட்ச சம் அஷ்யூர் இரண்டு கோடியிலிருந்து தொடங்குகிறது. ஆண்டு வருமானம் குறைந்தபட்சம் 10 லட்சத்திற்கு மேல் உள்ளவர்கள் இதனைத் தேர்ந்தெடுக்கலாம். ஸ்பௌஸ் கவர், ரிட்டன் ஆஃப் பிரீமியம் ஆப்ஷன் மற்றும் ஹை கவர் டிஸ்கவுண்ட் போன்ற சிறப்பம்சங்கள் இதில் வழங்கப்படுகின்றன.

கிளிக் டு ப்ரொடெக்ட் அல்டிமேட் (Click to Protect Ultimate)

இது சம்பளம் வாங்கும் ஊழியர்களுக்காக பிரத்யேகமாக வடிவமைக்கப்பட்ட திட்டமாகும். குறைந்தபட்ச சம் அஷ்யூர் ஒரு கோடியிலிருந்து மூன்று கோடி வரை இருக்கும். ஃப்ளெக்ஸிபிள் இன்ஸ்டால்மென்ட் பே அவுட்ஸ் மற்றும் ஸ்மார்ட் எக்ஸிட் ஆப்ஷன்கள் இதில் கிடைக்கின்றன. எனினும், இதில் கிரிட்டிகல் இல்னஸ் அல்லது வேவர் ஆஃப் பிரீமியம் போன்ற ரைடர்கள் கிடைக்காது என்பதால் இது ஒரு நடுத்தரமான தேர்வாகக் கருதலாம்.

பாலிசி எடுப்பதற்கு முன் கவனிக்க வேண்டிய முக்கியமான விஷயங்கள்

• டெர்மினல் இல்னஸ் பெனிஃபிட் என்பது கூடுதல் கவர் கிடையாது; இது பாலிசி தொகையில் இருந்து ஒரு பகுதியை முன்கூட்டியே வழங்குவதாகும்.
• பிரீமியம் பிரேக் என்பது தற்காலிக விடுமுறைதானே தவிர தள்ளுபடி கிடையாது; அந்த காலகட்டத்திற்கான தொகையை பிற்காலத்தில் செலுத்த வேண்டியிருக்கும்.
• ரிட்டன் ஆஃப் பிரீமியம் பாலிசிகளில் நாம் கட்டும் பிரீமியம் தொகை கணிசமாக அதிகமாக இருக்கும்.
• ஸ்மார்ட் எக்ஸிட் ஆப்ஷனைப் பயன்படுத்தி பாலிசியைச் சரண்டர் செய்து தொகையைத் திரும்பப் பெற கடுமையான விதிமுறைகளும் காலவரையறைகளும் உள்ளன.

இன்சூரன்ஸ் பாலிசி எடுக்கும் முன் உஷார்

HDFC லைஃப் சிறந்த மெட்ரிக்ஸ்களுடன் கூடிய பாதுகாப்பான ஒரு நிறுவனமாகும். குறிப்பாக கிளிக் டு ப்ரொடெக்ட் சுப்ரீம் பிளஸ் பிளான் பல அம்சங்களுடன் ஒரு சிறந்த தேர்வாக அமைகிறது. பாலிசிக்கு விண்ணப்பிக்கும்போதே அனைத்து மருத்துவ விவரங்களையும் துல்லியமாக அளித்து, உங்களது குடும்பத்தின் எதிர்காலப் பாதுகாப்பை உறுதிப்படுத்திக் கொள்ளுங்கள்.

மேலும் படிக்க - வங்கி கணக்கு இல்லாதவர்களுக்கு குட் நியூஸ்! ATM, NEFT மூலம் பணம் அனுப்பலாம்! RBI-ன் பணப் பரிமாற்ற விதி!