Railway Jobs: ரயில்வே துறையில் சூப்பரான வேலை, யாரெல்லாம் விண்னப்பிக்கலாம்?

Railway Jobs: ரயில்வே துறையில் அரசுப் பணிகளுக்காகத் தயாராகும் இளைஞர்களுக்கு ஒரு முக்கியமான செய்தி. ரயில்வே ஆட்சேர்ப்பு வாரியம் (RRB), 'தனித்துவமான பிரிவுகள்' (Isolated Categories - CEN- 09/26) எனப்படும் பல்வேறு பணியிடங்களுக்கான விரிவான அறிவிப்பை வெளியிட்டுள்ளது. விண்ணப்பப் பதிவு நவம்பர் 5-ஆம் தேதி தொடங்கியது. இது டிசம்பர் 4, 2026 வரை நடைபெறவுள்ளது. தகுதியும் ஆர்வமும் உள்ள விண்ணப்பதாரர்கள் குறிப்பிட்ட காலக்கெடுவுக்குள் விண்ணப்பிக்குமாறு கேட்டுக்கொள்ளப்படுகிறார்கள்.

RRB Recruitment: தகுதி விவரங்கள்

RRB 'தனித்துவமான பிரிவுகள்' (Isolated Categories) ஆட்சேர்ப்பிற்கான தகுதிகள் என்ன?

• பணியிடங்களுக்கு ஏற்ப, விண்ணப்பதாரர்கள் 12-ஆம் வகுப்பு தேர்ச்சி முதல் முதுகலை பட்டம் வரையிலான கல்வித் தகுதிகளைப் பெற்றிருக்க வேண்டும். 
• விண்ணப்பதாரர்களின் குறைந்தபட்ச வயது 18 ஆகும். 
• அதிகபட்ச வயது வரம்பு பணியிடத்தைப் பொறுத்து 30, 32, 33, 35 அல்லது 40 என மாறுபடுகிறது. 
• இட ஒதுக்கீட்டுப் பிரிவினருக்கு, நடைமுறையில் உள்ள விதிகளின்படி வயது வரம்பில் தளர்வு அளிக்கப்படும். 
• வயது கணக்கீடு ஜனவரி 1, 2027-ஐ அடிப்படையாகக் கொண்டு மேற்கொள்ளப்படும். 
• தகுதிகள் குறித்த விரிவான தகவல்கள் அதிகாரப்பூர்வ அறிவிப்பில் கொடுக்கப்பட்டுள்ளன.

RRB Recruitment: தேர்வு செயல்முறை

தேர்வு செய்யப்பட, விண்ணப்பதாரர்கள் முதலில் கணினி வழித் தேர்வில் (CBT) பங்கேற்க வேண்டும். இதில் நிர்ணயிக்கப்பட்ட கட்-ஆஃப் மதிப்பெண்களைப் பெறுபவர்கள், அடுத்தடுத்த கட்டங்களுக்கு அழைக்கப்படுவார்கள். இதில் சுருக்கெழுத்துத் திறன் தேர்வு (Stenography Skill Test - SST), செயல் திறன் தேர்வு, கற்பித்தல் திறன் தேர்வு (தேவைப்படும் இடங்களில்), ஆவணச் சரிபார்ப்பு மற்றும் மருத்துவப் பரிசோதனை ஆகியவை அடங்கும். அனைத்துக் கட்டங்களும் முடிந்த பிறகு, இறுதித் தகுதிப் பட்டியல் (Merit List) வெளியிடப்படும்.

இந்த ஆட்சேர்ப்பு நடவடிக்கையின் மூலம் மொத்தம் 191 பணியிடங்கள் நிரப்பப்பட உள்ளன. பதவியைப் பொறுத்து, தேர்ந்தெடுக்கப்படும் விண்ணப்பதாரர்களுக்கு நிலை (Level) 2 முதல் 7 வரையிலான ஊதியம் வழங்கப்படும்.

மேலும் படிக்க | NICL நிறுவனத்தில் 200 அப்ரண்டிஸ் பணியிடங்கள்: யாரெல்லாம் விண்ணப்பிக்கலாம்? எப்படி விண்ணப்பிப்பது?

RRB Recruitment: பணியிடங்களின் எண்ணிக்கை

• ஜூனியர் மொழிபெயர்ப்பாளர் (இந்தி): 79
• ஆய்வக உதவியாளர் தரம் III: 36
• பணியாளர் மற்றும் நல ஆய்வாளர்: 27
• அரசு வழக்கறிஞர் (Public Prosecutor): 21
• தலைமை சட்ட உதவியாளர்: 17
• மூத்த விளம்பர ஆய்வாளர்: 8
• அறிவியல் உதவியாளர் (பயிற்சி): 3
• மொத்தம்: 191

மேலும் படிக்க | TNPSC குரூப் 4 தேர்வர்களுக்கு குட் நியூஸ்! நவம்பர் 8 வரை விண்ணப்பிக்கலாம்.. முழு விவரம்

RRB Recruitment: விண்ணப்பிக்கும் முறை மற்றும் கட்டணம்

இந்த வேலைவாய்ப்பிற்கான விண்ணப்பங்களை rrbapply.gov.in என்ற இணையதளத்தின் வாயிலாக மட்டுமே சமர்ப்பிக்க வேண்டும். வேறு எந்த வழியில் சமர்ப்பிக்கப்படும் விண்ணப்பங்களும் ஏற்றுக்கொள்ளப்படமாட்டாது.

பொது (General), இதர பிற்படுத்தப்பட்ட வகுப்பினர் (OBC) மற்றும் பொருளாதார ரீதியாக பின்தங்கிய வகுப்பினர் (EWS) பிரிவினர் ₹500 விண்ணப்பக் கட்டணமாகச் செலுத்த வேண்டும். அதேபோல், பட்டியல் சாதியினர் (SC), பட்டியல் பழங்குடியினர் (ST) மற்றும் பொருளாதார ரீதியாக பின்தங்கிய வகுப்பினர் (EWS) பிரிவினர் ₹250 விண்ணப்பக் கட்டணமாகச் செலுத்த வேண்டும். விண்ணப்பக் கட்டணத்தை டெபிட் கார்டு, கிரெடிட் கார்டு அல்லது நெட் பேங்கிங் மூலம் செலுத்தலாம்.

முதல் நிலை கணினி வழித் தேர்வுக்கு (CBT 1) பிறகு, பொது, இதர பிற்படுத்தப்பட்ட வகுப்பினர் (OBC) மற்றும் பொருளாதார ரீதியாக பின்தங்கிய வகுப்பினர் (EWS) பிரிவினருக்கு ₹400 திருப்பி அளிக்கப்படும். மேலும், பட்டியல் சாதியினர் (SC), பட்டியல் பழங்குடியினர் (ST) மற்றும் பொருளாதார ரீதியாக பின்தங்கிய வகுப்பினர் (EWS) பிரிவினருக்கு முழுத் தொகையான ₹250 திருப்பி அளிக்கப்படும்.

மேலும் படிக்க | இந்தியன் வங்கி அப்ரண்டிஸ் பணி நியமனம்: 1500 காலியிடங்கள், விண்ணப்பிப்பது எப்படி?