அனிருத் காவ்யா திருமணத்திற்கு பின் இருக்கும் 11.11 ரகசியம்! இந்த எண்ணின் அர்த்தம் என்ன?

Anirudh Kavya Wedding : தமிழ் திரையுலகின் முன்னணி இசையமைப்பாளராக இருக்கும் அனிருத்திற்கும், பிரபல தொழிலதிபர் காவ்யா மாறனுக்கும் திருமணம் நடந்துள்ளது. இவர்களின் திருமணம், வெளிநாட்டில் நடந்ததை ஒட்டி, இந்த திருமணம் நடந்த தேதிக்கும் நேரத்திற்கும் பின்னால் ஒரு காரணம் உள்ளது. இதோ அது குறித்த முழு தகவல்..

கிரீஸில் நடந்த திருமணம்:

17 வயது முதல் தமிழ் திரையுலகில் தன் இசையால் பலரை அசத்தி வரும் அனிருத், காவ்யாவை கடந்த சில ஆண்டுகளாக டேட்டிங் செய்து வந்தார். பின்னர் திருமணம் செய்து கொள்ள முடிவெடுத்து தங்களின் ட்ரீம் டெஸ்டினேணனாக கிரீஸை தேர்வு செய்தனர்.

அனிருத் காவ்யா இருவருக்கும் திருமணம் நடக்கும் முன்பு, நிச்சயதார்த்தம் நடந்ததாக கூறப்படுகிறது. இதையடுத்து, நவம்பர் 11ஆம் தேதியான நேற்று இருவருக்கும் திருமணம் நடந்து முடிந்தது.

மேலும் படிக்க | ’மேகமோ அவள்’.. சிவப்பு புடவையில் பிரியா பவானி சங்கர்! வைரலாகும் திருமண போட்டோஸ்

11.11 ரகசியம்:

பலரும், தங்கள் மொபைல் ஸ்கிரீனில் 11.11 என்கிற நேரம் காட்டும் போது அதை ஸ்கிரீன் ஷாட் எடுத்து ஸ்டோரியாக அப்லோட் செய்வதை பார்த்திருப்போம். இந்த நேரத்தில் நாம் எதையாவது நினைத்துக்கொண்டால் அது உண்மையாக நடக்கும் என பல பேர் நம்புகின்றனர். அனிருத்தும், காவ்யாவுடனான தன்னுடைய புகைப்படத்தை பதிவிட்டு, "My Once In A Lifetime, for a lifetime 11.11" என குறிப்பிட்டிருந்தார். இன்னொரு போஸ்டில் வெறும் 11.11 என்று குறிப்பிட்டிருந்தார். அது மட்டும் அல்ல, இவர்கள் 11ஆம் தேதி, 11ஆம் மாசம், 11.11 மணிக்கு திருமணம் செய்து கொண்டுள்ளனர். அப்படி என்னதான் இந்த 11.11ல் இருக்கு? இதற்கு அர்த்தம் என்ன?

நியுமராலஜி அதாவது எண் ஜோதிடத்தில் 11 என்பது மாஸ்டர் நம்பராக பார்க்கப்படுகிறது. இந்த எண், உள் உண்ர்வு, மனதின் எழுச்சி, ஆன்மீக உணர்ச்சி உள்ளிட்டவற்றை குறிக்கின்றன. அதே போல, 11.11 எனும் இந்த எண், ஏஞ்சல் நம்பர் என்று சொல்லப்படுகிறது. இந்த நேரத்தை நீங்கள் எதேச்சியாக பார்த்தால் உங்களின் எண்ணங்களும், இந்த யுனிவர்ஸ் இயங்கும் விதமும் ஒரே மாதிரி இயங்குகிறது என அர்த்தமாம்.

இதனால்தான், பலரும், 11.11 மணியை பார்கும் போது மனதில் ஏதேனும் ஒரு விஷயத்தை வேண்டிக்கொள்வர். ஒரு சிலர், இந்த 11.11 எனும் நேரத்தில், ஒரு நிமிடம் கண்ணை மூடி மூச்சை இழுத்து விட்டு ரிலாக்ஸும் செய்கின்றனர்.

எனவே, அனிருத் தான் 11.11 நேரத்தின் போது வேண்டிக்கொண்ட ஒரே ஆள் காவ்யாதான் என்பதை சொல்லாமல் தன் போஸ்ட் மூலம் சொல்லியிருக்கிறார்.

திருமண வரவேற்பு எப்போது?

அனிருத்தும் காவ்யா மாறனும், 11ஆம் தேதியான நேற்று திருமணம் செய்ததை ஒட்டி, அவர்களுக்கு வரும் நவம்பர் 21ஆம் தேதி சென்னையில் திருமண வரவேற்பு நடக்க இருக்கிறது. இதற்கான அழைப்பிதழ்கள் தமிழ்நாடு முதல்வர் விஜய், தெலங்கானா முதல்வர் ரேவந்த் ரெட்டி, ஆந்திர முதல்வர் சந்திரபாபு நாயுடு உள்ளிட்ட அனைவருக்கும் கொடுக்கப்பட்டுள்ளது. இவர்களை தாண்டி, இன்னும் பல்வேறு சினிமா பிரபலங்களுக்கும் அழைப்பிதழ்களை மனமக்களின் வீட்டார் நேரில் சென்று வழங்கினர். இந்த திருமண வரவேற்பில் அனைவரும் கலந்து கொள்வர் என எதிர்பார்க்கப்படுகிறது. அதற்கான ஏற்பாடுகளும் ஒரு பிரப நட்சத்திர விடுதியில் நடைப்பெற்று வருவதாக தகவல்.

மேலும் படிக்க | அனிருத்-காவ்யா திருமண புகைப்படங்கள்..AI போட்டோஸ் போல இருப்பது ஏன்? காரணம் இதுதான்!