30 வயதில் ராணுவத்திலிருந்து ரிட்டையர் ஆன குடியரசு தலைவரின் மெய்காப்பாளர்! காரணம் என்ன?

குடியரசு தலைவர், திரௌபதி முர்முவின் மெய்க்காப்பாளராக பணியாற்றியவர்தான், மேஜர் ரிஷப் சிங் சம்ப்யால். இவர், திரௌபதி முர்மு கலந்து கொண்ட பல நிகழ்ச்சிகளில் அவருக்கு பின் நின்று வைரலானவர் இவர். இவரை பெண்கள் பலர் ’நேஷனல் க்ரஷ்’ என்று குறிப்பிட்டதோடு, சமூக வலைதளஙகளில் இவரை பெரிதும் பிரபலமும் ஆக்கினார்.

ஓய்வு பெறுவதாக அறிவிப்பு:

குடியரசு தலைவரின் உதவி மெய்க்காப்பாளராக இருந்து, இந்தியா முழுவதும் பிரபலமான மேஜர் ரிஷப், தன்னுடைய பணியை 2013ஆம் ஆண்டு தொடங்கினார். இதன் பிறகு, இவர் பல்வேறு பொறுப்புகளில் பணியாற்றியதோடு பின்பு குடியரசு தலைவர் திரௌபதி முர்முவின் மெய்க்காப்பாளராக பணியில் சேர்ந்தார். 2021ஆம் ஆண்டு, குடியரௌ தின அணிவகுப்பில் அப்போதைய கேப்டனாக இருந்த ரிஷப் சிங் சம்ப்யால், ஜாட் ரெஜிமெண்ட் அணிவகுப்பு குழுவினை வழிநடத்தினார். இந்த அணிவகுப்பு குழு சிறந்த அணிவகுப்பு குழுவிற்ற்கான விருதையும் வென்றது.

குடியரசு தலைவரின் மெய்க்காப்பாளராக இருந்து, அந்த பொறுப்பை நிறைவு செய்து விட்டு மீண்டும் ராணுவ பணிக்கு மேஜர் ரிஷப் சிங் சம்ப்யால் திரும்பினார். தன்னுடைய பணிக்காலம் நிறைவடைவதற்கு முன்பாகவே, இந்திய ராணுவத்தில் இருந்து, முன்கூட்ட்யே ஓய்வு பெறுவதாக அவர் அறிவித்திருக்கிறார். இவர், சுமார் 12 ஆண்டுகள் ராணுவத்தில் பணியாற்றியதோடு, தற்போது தன்னுடைய ராணுவ பணிக்கு விடை கொடுத்திருக்கிரார்.

மேலும் படிக்க | பிரதமரை சந்தித்த பள்ளி நண்பர்... சிபிஐ விசாரணைக்கு கோரிக்கை - என்ன மேட்டர்?

 

 

 

 

View this post on Instagram

 

 

 

 

 

 

 

 

 

 

 

A post shared by HINDUSTAN (@hindustan)

 மேஜர் ரிஷப், தன்னுடைய ஓய்வை அறிவித்ததோடு இது குறித்து சமூக வலைதளங்களில் பல்வேறு கருத்துகள் பகிரப்பட்டு வருகின்றன. ரிஷப், ராணுவத்தில் இருந்து விலகியதற்கு தனிப்பட்ட காரணங்களும், குடும்ப காரணங்களும் இருக்கலாம் என செய்திகள் வெளியாகி வருகின்றன. ஆனால், அவர் இது குறித்து அதிகாரப்பூர்வ அறிவிப்பு எதையும் வெளியிடவில்லை. இவருடைய பணி, அன்றாட வாழ்க்கையில் ஏற்பட்ட மாற்றங்கள், கடுமையான பாதுகாப்பு நெறிமுறைகள் உள்ளிட்ட காரணங்களால் இது நிழ்ந்திருக்கலாம் என கூறப்படுகிறது.

வீடியோவில் குறிப்பிட்ட விஷயம்..!

இது குறித்து ரிஷப் சிங்கே ஒரு வீடியோவில் பேசியிருக்கிறார். அதில், தான் குழந்தையாக இருந்த போதிலிருந்து எப்போதும் ராணுவத்தில் சேர வேண்டும் என்று கருதியதாகவும் இப்படி ஓய்வை அறிவிப்பேன் என்று நினைத்ததே இல்லை என்றும் தெரிவித்துள்ளார்.

”ஒவ்வொருவரின் வாழ்விலும் ஒரு சூழ்நிலை வரும், சில சந்தர்ப்பங்கள் அமையும். அவை, நம் வாழ்க்கையை மாற்றிவிடும். எனவே, சில தனிப்பட்ட காரணங்களினால் நான் இதிலிருந்து வெளியேற முடிவு செய்திருக்கிறேன்.

இதுவரை நான் சாதித்த எல்லாவற்றிலும் நான் மகிழ்ச்சியாக இருக்கிறேன். திருப்தியகவும் இருக்கிறேன். உங்கள் அனைவரது ஆதரவோடும், ஆசீர்வாதத்தோடும் என்னுடைய அடுத்தக்கட்ட வாழ்க்கை இன்னும் வெற்றிகரமாகவோ அல்லது இன்றைக்கு நான் செய்ததை விட சிறப்பாகவோ அமையும்.

எனக்கு கொடுத்த ஆதரவுக்கும், ராணுவ காலங்கள் முழுவதும் நீங்கள் அளித்த அன்பிற்கும் நன்றி” என்று தெரிவித்திருந்தார்.

திருமணத்திற்கு தடை!

ரிஷப், இன்னும் சில விஷயங்களையும் கூறியிருக்கிறார். அதாவது, தான் குடியரசு தலைவர் திரௌபதி முர்முவின் பாதுகாவலராக இருந்த போது நெறிமுறைப்படி தன்னால் திருமணம் செய்துகொள்ள முடியாது என கூறியுள்ளர். அதே போல, இவர் தன்னுடைய குடும்பத்தினரிடமிருந்தும் தள்ளியிருக்க வேண்டும் என்பது மிகப்பெறிய தியாகமாக இருந்ததாக குறிப்பிட்டுள்ளார். இதனால் தன்னுடைய தனிப்பட்ட மற்றும் உறவுகளுக்கான வாழ்க்கைக்கு இடமே இல்லை என்று கூறியிருக்கிறார்.

மேலும் படிக்க | பவர்கட் பஞ்சாயத்து Explained: மின்சாரம் இருக்கிறது... ஆனாலும் மின்வெட்டு வருவது ஏன்?