ஐபிஎல் 2027 மினி ஏலம்... தேதி குறிச்சாச்சு... ரெடியாகும் 10 ஐபிஎல் அணிகள்

IPL 2027 Mini Auction Latest News: ஐபிஎல் தொடரை பொருத்தவரை மெகா ஏலம், மினி ஏலம் என இரு முறைப்படி வீரர்களை அணிகள் தேர்வு செய்யும். அந்த வகையில், வரும் 2027 ஐபிஎல் சீசனை முன்னிட்டு மினி ஏலம் நடைபெற இருக்கிறது.

ஐபிஎல் 2027 மினி ஏலம் குறித்த அறிவிப்பு வெளியாகி உள்ளது. இந்நிலையில், மெகா ஏலம் - மினி ஏலம் வித்தியாசம் என்ன?, மினி ஏலம் விதிகள் என்ன?, 2027 மினி எங்கு, எப்போது நடைபெறுகிறது உள்ளிட்டவற்றின் முழு விவரங்களை இங்கு காணலாம்.

மேலும் படிக்க | மும்பை இந்தியன்ஸ் அணிக்கு கேப்டனாகும் ஜெஸ்வால்? MI பக்கா பிளான்!

மெகா ஏலம் vs மினி ஏலம் - வித்தியாசம் என்ன?

அணியின் கட்டமைப்பு

• ஒரு ஐபிஎல் அணியில் அதிகபட்சமாக 25 வீரர்கள் இருக்கலாம்.
• குறைந்தபட்சம் 18 வீரர்கள் இருக்க வேண்டும்.
• அதேபோல், ஒரு அணியில் அதிகபட்சமாக 8 வெளிநாட்டு வீரர்கள் இருக்கலாம்.

மெகா ஏலம் என்றால் என்ன?

• மெகா ஏலம் என்பது மூன்றாண்டுகளுக்கு ஒருமுறை நடைபெறும். இதில் அதிகமான வீரர்கள் ஏலம் விடப்படுவார்கள். கடைசியாக 2025 ஐபிஎல் சீசனில் மெகா ஏலம் நடைபெற்றது. அடுத்து 2028 சீசனில் மெகா ஏலம் நடைபெறும். இதற்கிடைப்பட்ட 2026, 2027 சீசனில் மினி ஏலம் நடக்கும்.
• ஒரு அணி தொடர்ச்சியாக ஒரே வீரர்களை மட்டும் தக்கவைத்துக்கொண்டிருப்பதை தடுக்கும் வகையில், மெகா ஏலம் செயல்படும். அதாவது, ஒவ்வொரு அணிக்கும் தங்களின் அணியை பலப்படுத்திக்கொள்ள மூன்றாண்டுகளுக்கு ஒரு முறை இந்த மெகா ஏலம் பயன்படும். மெகா ஏலம் இருப்பதால் Core வீரர்களை மட்டுமே ஒரு அணி தொடர்ச்சியாக பயன்படுத்த இயலும்.
• மெகா ஏலத்தில் அணிகள் விதிகளுக்கு ஏற்பட குறிப்பிட்ட வீரர்களை மட்டுமே தக்கவைக்க முடியும். கடந்த 2025 மெகா ஏலத்தில் 6 வீரர்களை மட்டுமே தக்கவைக்க முடியும் என விதி மாற்றியமைக்கப்பட்டது. அதில் அதிகபட்சமாக 5 Capped வீரர்களையும், அதிகபட்சமாக 2 Uncapped வீரர்களையும் தக்கவைக்கலாம்.
• மெகா ஏலத்தில் அணிகள் தாங்கள் தக்கவைக்கும் வீரர்களுக்கு ஐபிஎல் நிர்வாகம் குறிப்பிட்ட தொகையை நிர்ணயிக்கும். அதற்கு ஏற்ப வீரர்களுக்கு தொகையை பகிர்ந்து அளிக்க வேண்டும்.
• உதாரணத்திற்கு, சிஎஸ்கே அணி ருதுராஜ் கெய்க்வாட் (ரூ.18 கோடி), ரவீந்திர ஜடேஜா (ரூ.18 கோடி), மதீஷா பதிரானா (ரூ.13 கோடி), ஷிவம் தூபே (ரூ.12 கோடி), எம்எஸ் தோனி (ரூ.4 கோடி - Uncapped) என தக்கவைத்தது. மொத்தம் ரூ.120 கோடியில் சிஎஸ்கே இந்த 5 வீரர்களுக்கு மட்டும் ரூ.55 கோடியை செலவிட்டது குறிப்பிடத்தக்கது.

மேலும் படிக்க | மீண்டும் காயத்தில் சிக்கிய CSK வீரர்... 3-4 வாரங்கள் விளையாட முடியாது - என்னாச்சு?

மினி ஏலம் என்றால் என்ன?

• மினி ஏலம் என்பது மெகா ஏலங்களுக்கு இடையே ஒவ்வொரு ஆண்டும் நடக்கும். மினி ஏலத்திற்கு முன் ஒவ்வொரு அணிகளும் சில வீரர்களை விடுவிக்கும்.
• தற்போதைய விதிப்படி, ஒரு Capped வெளிநாட்டு வீரர் மெகா ஏலத்தில் பதிவு செய்திருந்தால் மட்டுமே மினி ஏலத்திற்கு பதிவு செய்யலாம். எத்தனை வீரர்களை வேண்டுமானாலும் ஏலத்திற்கு விடுவிக்கலாம், எவ்வித கட்டுப்பாடும் கிடையாது.
• ஏலத்தில் வீரர்கள் ஒரு அணியால் எடுக்கப்பட்ட பின்னர், சரியான காரணம் இன்றி தொடரில் இருந்து விலகினால் இரண்டு வருடம் தடை விதிக்கப்படும். ஹாரி புரூக்கிற்கு 2 ஆண்டுகள் தடை விதிக்கப்பட்டுள்ளது குறிப்பிடத்தக்கது.

2027 மினி ஏலம் - எங்கு, எப்போது?

• அந்த வகையில் 2027 ஐபிஎல் சீசனின் மினி ஏலம் வரும் டிசம்பர் 16ஆம் தேதி கோவாவில் ஒரு ஐந்து நட்சத்திர விடுதியில் நடைபெறும் என அணிகளுக்கு தகவல் தெரிவிக்கப்பட்டுள்ளது.
• பிசிசிஐ தரப்பில் இருந்து அணிகளுக்கு வாட்ஸ்அப் மெசேஜ் மூலம் இந்த தகவல் தெரிவிக்கப்பட்டுள்ளது. இருப்பினும் இன்னும் அதிகாரப்பூர்வ மின்னஞ்சல் வழியாக தேதியோ அல்லது இடமோ உறுதி செய்யப்படவில்லை.
• பிசிசிஐ தரப்பில் அனுப்பப்பட்ட வாட்ஸ்அப் தகவலில், "கோவாவில் உள்ள ஐடிசி கிராண்ட் கோவா ஹோட்டலில் டிசம்பர் 16ஆம் தேதி நடைபெறும், ஐபிஎல் ஏலம் குறித்த விளக்கம் டிசம்பர் 15ஆம் தேதி அளிக்கப்படும்" என தெரிவிக்கப்பட்டுள்ளது.
• டிசம்பர் 16ஆம் தேதி அன்று நடைபெற உள்ள ஏலத்தில் கலந்துகொள்ளும் ஒவ்வொரு அணியின் பிரதிநிதிகள் குழுவின் அளவு குறித்த விவரங்களைக் கோரி பிசிசிஐ அனுப்பிய செய்தியைப் பல ஐபிஎல் அணிகள் உறுதி செய்துள்ளன.
• கோவாவுக்கான பயண ஏற்பாடுகள் மற்றும் பயண முன்பதிவுகளை எளிதாக்குவதற்காக மட்டுமே இந்த செய்தி அனுப்பப்பட்டுள்ளது என விளக்கப்பட்டுள்ளது. பின்னர் தேதி மாற்றப்படுமா என்பது உறுதியாக தெரியவில்லை.
• ஆனால், உரிய நேரத்தில் ஐபிஎல் உரிமையாளர்கள் மற்றும் தலைமைச் செயல் அதிகாரிகளுக்கு இதுகுறித்த அதிகாரப்பூர்வ தகவல் அனுப்பப்படும் என எதிர்பார்க்கப்படுகிறது.

மேலும் படிக்க | இந்திய அணியில் கம்பேக்.. புவனேஷ்வர் குமார் விலகல்! மாற்று வீரர் அறிவிப்பு