நியூசிலாந்துக்கு பறக்கிறார் முகமது ஷமி - இந்திய அணிக்கு வர அதிக வாய்ப்பு - ஏன்?

Mohammed Shami, IND vs NZ: இந்தியா - மேற்கு இந்திய தீவுகள் அணிகளுக்கு இடையிலான டி20ஐ தொடர் தற்போது நடைபெற்று வருகிறது. இன்று 3வது டி20ஐ போட்டி இந்தூர் நகரில் நடைபெற இருக்கிறது. அக். 17ஆம் தேதிவரை இத்தொடர் நடைபெறும்.

இதையடுத்து, இந்திய அணி நியூசிலாந்துக்கு சுற்றுப்பயணம் மேற்கொள்ள இருக்கிறது. அக். 22ஆம் தேதி இந்தியா - நியூசிலாந்து அணிகளுக்கு இடையிலான 5 போட்டிகள் கொண்ட டி20ஐ தொடர் தொடங்க இருக்கிறது.

மேலும் படிக்க | தொடங்குகிறது ரஞ்சி கோப்பை திருவிழா: பார்மட் முதல் ஸ்டார் வீரர்கள் வரை - Explained

தொடங்கிய ரஞ்சி கோப்பை திருவிழா

இதையடுத்து, நவம்பர் 4ஆம் தேதி 5 போட்டிகள் கொண்ட ஓடிஐ தொடரும், நவம்பர் 19ஆம் தேதி 2 போட்டிகள் கொண்ட டெஸ்ட் தொடரும் இந்தியா - நியூசிலாந்து அணிகளுக்கு இடையே நடைபெற இருக்கிறது. இந்திய டி20ஐ ஸ்குவாட் ஏற்கெனவே அறிவிக்கப்பட்ட நிலையில், ஓடிஐ மற்றும் டெஸ்ட் ஸ்குவாட் அடுத்தடுத்த வாரங்களில் வெளியாக வாய்ப்புள்ளது.

இந்தச் சூழலில், இந்திய உள்நாட்டு கிரிக்கெட்டின் உச்சத் தொடராக அறியப்படும் ரஞ்சி கோப்பை 2026-27 சீசனின் இன்று முதல் தொடங்கி உள்ளது. இதில் பல வீரர்கள் தங்களின் சிறப்பான திறனை வெளிப்படுத்தி, இந்திய அணியின் கதவுகளை தட்டுவதற்கு முயற்சிப்பார்கள். அப்படியிருக்க, முதல் நாளான இன்றே முக்கிய வீரர் ஒருவர் மீண்டும் தனது திறனை நிரூபித்துக் காட்டி உள்ளார்.

முகமது ஷமியின் அசத்தலான பந்துவீச்சு

டெல்லி அணிக்கு எதிரான போட்டியில் பெங்கால் அணியின் வேகப்பந்துவீச்சாளரான முகமது ஷமி 4 விக்கெட்டை வீழ்த்தி சிறப்பான ஆட்டத்தை வெளிப்படுத்தி உள்ளார். அவர் 17.3 ஓவர்களில் 30 ரன்களை மட்டுமே கொடுத்திருக்கிறார், எகானமி 1.71 ஆகும். அதிலும் 9 மெய்டன் ஓவர்கள் அடக்கம்.

அவரது முதல் 9 ஓவர்களில் 7 ஓவர்கள் மெய்டன். அதில் 1 விக்கெட்டை எடுத்திருந்தார், 8 ரன்களை மட்டுமே கொடுத்திருந்தார் என்பது குறிப்பிடத்தக்கது. இதன்மூலம் புதிய பந்தில் தனது வித்தை தீரவில்லை என்பதை நிரூபித்துக் காட்டி உள்ளார். பந்து ரிவர்ஸ் ஆகும்போதும் அவரை அடித்துக்கொள்ள யாரும் கிடையாது.

சக பெங்கால் வேகப்பந்துவீச்சாளர்களான முகேஷ் குமார், ஆகாஷ் தீப் ஆகியோருக்கு இணையாக 17 ஓவர்களை வீசியிருப்பதன் மூலம் முகமது ஷமி தனது பிட்னஸையும் மீண்டும் நிரூபித்திருக்கிறார். இதன்மூலம் முகமது ஷமி நியூசிலாந்து சுற்றுப்பயணத்திற்கு தேர்வு செய்யப்படுவாரா என்ற கேள்வி மீண்டும் ரசிகர்கள் மனதில் எழுந்துள்ளது.

மேலும் படிக்க | IND அணியில் புவனேஷ்வர் குமார் ரீ-என்ட்ரி.. முகமது ஷமிக்கு வாய்ப்பு கிடைக்குமா? Explainer

ஷமி இந்திய அணிக்கு வர அதிக வாய்ப்பு - ஏன்?

புவனேஷ்வர் குமார் தற்போது பும்ரா இல்லாத டி20ஐ ஸ்குவாடுக்கு தேர்வாகியிருக்கும் நிலையில், ஷமிக்கும் ஓடிஐ ஸ்குவாடில் வாய்ப்பு கிடைக்கும் என எதிர்பார்க்கப்படுகிறது. 2027 உலகக் கோப்பை தொடருக்கு ஷமியை தயார் செய்ய இதுவே சரியான தருணம் ஆகும்.

கடந்த காலங்களில் தேர்வுக்குழு தலைவராக இருந்த அஜித் அகர்கர், முகமது ஷமி, புவனேஷ்வர் குமார் ஆகியோரை தேர்வு செய்யாத நிலையில், தற்போது தேர்வுக்குழுவும், அவர்களின் மனநிலையும் மாறியிருப்பதால் ஷமிக்கான வாய்ப்பு பிரகாசமாக உள்ளதாகவே பார்க்கப்படுகிறது.

ஏற்கெனவே இந்தியா ஏ - நியூசிலாந்து ஏ தொடருக்கு இந்திய ஸ்குவாட் அறிவிக்கப்பட்டுவிட்டது. அதில் வேகப்பந்துவீச்சாளர்களாக சக பெங்கால் வேகப்பந்துவீச்சாளர்கள் முகேஷ் குமார், ஆகாஷ் தீப் ஆகியோர் பயணிக்க உள்ளனர்.

இவ்விருவருக்கும் டெஸ்ட் ஸ்குவாடில் இடம் கிடைக்கலாம், ஆனால் ஷமிக்கு வொயிட் பால் ஓடிஐ தொடரில் வாய்ப்பு கிடைக்கும் என எதிர்பார்க்கப்படுகிறது. ஷமிக்கு பிட்னஸ் மட்டுமே பிரச்னையாக இருந்த நிலையில், அவரால் தொடர்ச்சியாக 4 ஓவர்கள் ஸ்பெல் வீச முடிகிறது என்பதால் அவரை எடுப்பதில் சிக்கல் இருக்காது.

மேலும் படிக்க | NZ ஒருநாள் தொடர்: 2 இந்திய அணிகள்.. புவி, ஷமிக்கு வாய்ப்பு? முழு விவரம்