CoBRA படையின் முதல் பெண் தலைவர்... அசாமின் இரும்புப் பெண்மணி - யார் இந்த சன்யுக்தா பராஷர்?

மத்திய ரிசர்வ் போலீஸ் படையின் சிறப்பு அதிரடி பிரவுதான் கோப்ரா (CoBRA). இந்த பிரிவின் தலைவராக (IG) பெண் ஐபிஎஸ் அதிகாரி சன்யுக்தா பராஷர் நியமிக்கப்பட்டுள்ளார். இதன்மூலம், 10 பட்டாலியன்களைக் கொண்ட கோப்ரா கமாண்டோ பிரிவுக்கு தலைமை தாங்கும் முதல் பெண் அதிகாரி என்ற பெருமையை அவர் பெற்றுள்ளார்.

டெல்லியில் உள்ள கோப்ரா பிரிவு தலைமையகத்தின் ஜ.ஜி-யா இருந்த தனேஷ் ராணாவின் பதவிக்காலம் சமீபத்தில் நிறைவடைந்தது. அவர் 1996 பேட்ச் ஐபிஎஸ் அதிகாரியாவார். இந்நிலையில் அவரது பதவிக்காலம் நிறைவடைந்ததை அடுத்து அசாம்-மேகாலயா 2006 பேட்ச் ஐபிஎஸ் அதிகாரியான சன்யுக்தா பராஷர் இந்த புதிய பொறுப்பில் நியமிக்கப்பட்டுள்ளார்.

மேலும் படிக்க | PM Modi Birthday: பிரதமர் மோடி குறித்த 10 சுவாரஸ்ய தகவல்கள்...

யார் இந்த சன்யுக்தா பராஷர்?

• அசாம் மாநிலத்தைப் பூர்வீகமாகக் கொண்ட சன்யுக்தா பராஷர், 1979ஆம் ஆண்டு அக்டோபர் மாதம் பிறந்தவர்.
• பள்ளிப் படிப்பை அசாமில் முடித்தவர், டெல்லி பல்கலைக்கழகத்தின் இந்திரபிரஸ்தா கல்லூரியில் அரசியல் அறிவியலில் பட்டப்படிப்பையும், புகழ்பெற்ற ஜவஹர்லால் நேரு பல்கலைக்கழகத்தில் சர்வதேச உறவுகள் பிரிவில் முதுகலைப் பட்டத்தையும் பெற்றார்.
• அதன்பின்னர், சிவில் சர்வீசஸ் தேர்வில் தேர்ச்சி பெற்று 2006ஆம் ஆண்டில் இந்திய காவல் பணியில் இணைந்தார்.
• அசாமின் தீவிரவாத ஒழிப்பு நடவடிக்கைகளில் இவர் அச்சமின்றி, அதிரடியான நடவடிக்கைகளை மேற்கொண்டார்.

மேலும் படிக்க | பிரதமர் மோடியின் சுறுசுறுப்புக்கு பின்னால் உள்ள ரகசியம் என்ன? காலை முதல் மாலை வரை... பிரதமரின் ரொடீன் இதோ!

• இதன் காரணமாக பொதுமக்கள் மத்தியில் இவரை அசாமின் 'இரும்பு பெண்மணி' என்று பரவலாக அழைக்கப்பட்டார்.
• சன்யுக்தா பராஷர் தனது சொந்த மாநிலமான அசாமில் தீவிரவாத எதிர்ப்பு நடவடிக்கைகளுக்கு முன்னின்று தலைமை தாங்கியது மட்டுமின்றி, தேசிய புலனாய்வு முகமையிலும் (NIA) முக்கிய பொறுப்புகளில் பணியாற்றி உள்ளார்.
• தேசிய புலனாய்வு முகமையின் டி.ஐ.ஜி (DIG) ஆக இவர் பணியாற்றிய காலத்தில், காவல்துறை பயிற்சி பிரிவில் ஆற்றிய சிறந்த பணிக்காக கடந்த 2022ஆம் ஆண்டு ஏப்ரல் மாதம் மத்திய உள்துறை அமைச்சர் அமித்ஷாவிடம் இருந்து சிறப்பு விருதைப் பெற்றார்.
• தற்போது சிஆர்பிஎப் தலைமை இயக்குநராக உள்ள ஜி.பி. சிங் முன்னர் அசாம் மாநில டிஜிபியாக இருந்தவர். அவரது தலைமையின் கீழ் சன்யுக்தா பராஷர் ஏற்கெனவே பணியற்றிய நீண்ட அனுபவம் கொண்டவர் என்பது குறஇப்பிடத்தக்கது.

CoBRA கமாண்டோ படையின் சிறப்பு

இந்தியாவின் நக்சலைட்கள் மற்றும் இடதுசாரி பயங்கரவாதத்தை ஒடுக்குவதற்காகவும், வடகிழக்கு மாநிலங்களில் உள்ள கிளர்ச்சியாளர்களை எதிர்கொள்வதற்காகவும் 2008-09ஆம் ஆண்டு காலகடத்தில் Commando Battalion for Resolute Action சிறப்பு அதிரடிப் படை உருவாக்கப்பட்டது.

அடர்ந்த காடுகளில் புகுந்த தாக்குதல் நடத்துவதில் இப்படை வீரர்கள் சிறப்பான பயிற்சியாளர்களை பெற்று தேர்ச்சிப் பெற்றவர்கள். இத்தகைய துணிச்சல் மிக்க கமாண்டோ படைப்பிரிவுக்கு தற்போது முதல்முறையாக பெண் அதிகாரி ஒருவர் தலைமை ஏற்றிருப்பது நாடு முழுவது பெரும் கவனத்தைப் பெற்றுள்ளது.

மேலும் படிக்க | தொடரும் ஆட்குறைப்பு... என்ன நடக்கிறது Oracle நிறுவனத்தில்?