திருச்சி மக்களே... அடுத்த 2 நாட்களுக்கு போக்குவரத்து மாற்றம் - உடனே நோட் பண்ணுங்க

திருச்சி மாநகரத்தில் விநாயகர் சிலை ஊர்வலம் நடைபெறுவதை முன்னிட்டு போக்குவரத்து நெரிசலை தவிர்க்கும் வகையில், நாளை (செப். 16) மாலை 6 மணிமுதல் நாளை மறுதினம் (செப். 17) காலை 6 மணிவரை போக்குவரத்து மாற்றங்கள் மேற்கொள்ளப்படுகிறது.

இதுகுறித்து திருச்சி மாவட்ட ஆட்சியர் வெளியிட்ட அறிவிப்பில் சரக்கு வாகனங்களுக்கான மாற்று வழித்தடங்கள், நகரப் பேருந்துகளுக்கான மாற்று வழித்தடங்கள் அறிவிக்கப்பட்டுள்ளன. மேலும், விநாயகர் சிலைகளை கரைக்க பயன்படுத்த வேண்டிய வழித்தடங்கள் குறித்தும் தெரிவிக்கப்பட்டுள்ளது.

மேலும் படிக்க | சொந்த தொழில் தொடங்க ரூ.75 லட்சம் வரை அரசு மானியம்: விண்ணப்பிப்பது எப்படி?

சரக்கு வாகனங்களுக்கான மாற்று வழித்தடங்கள்

நகரப் பேருந்துகளுக்கான மாற்று வழித்தடங்கள்

நகரப் பேருந்துகள் நம்பர் ஒன் டோல்கேட் வழித்தடம்

நம்பர் ஒன் டோல்கேட் பகுதியில் இருந்து வரும் அனைத்து நகரப் பேருந்துகளும் மாம்பழச்சாலையில் பயணிகளை இறக்கிவிட்டு, வலதுபுறமாக அம்மா மண்டபம் வழியாகச் சென்று ஸ்ரீரங்கம் பெரிய கோபுரம் - திருவானைக்காவல் வழியாக, மீண்டும் தங்களது வழித்தடத்தில் செல்ல வேண்டிய ஊர்களுக்கு இயக்கப்பட வேண்டும்.

மத்திய பேருந்து நிலையத்தில் இருந்து இயக்கப்படும் நகரப் பேருந்துகள்

மத்திய பேருந்து நிலையத்தில் இருந்து வரும் அனைத்து நகரப் பேருந்துகளும் சத்திரம் பேருந்து நிலையத்துடன் தற்காலிகமாக நிறுத்தம் செய்யப்பட வேண்டும்.

மேலும் படிக்க | திருச்சி வண்ணத்துப்பூச்சி பூங்கா: போக்குவரத்து தட்டுப்பாடு - சுற்றுலாப் பயணிகள் கோரிக்கை

புறநகர் பேருந்துகள் டிவிஎஸ் டோல்கேட் வழித்தடம்

• துறையூர், பெரம்பலூர், அரியலூர், ஜெயங்கொண்டம் பகுதிகளில் இருந்து வரும் அனைத்து புறநகர் பேருந்துகளும் புறவழிச்சாலை வழியாக பால்பண்ணை டிவிஎஸ் டோல்கேட் சென்று, பழைய மத்திய பேருந்து நிலையத்தை வந்தடைய வேண்டும்.
• அங்கிருந்து மீண்டும் தங்களது வழித்தடத்தில் இயக்கப்பட வேண்டும். அண்ணா சிலை முதல் ஓடத்துறை, சஞ்சீவி நகர் வழியாகவும்; மாம்பழச்சாலையில் இருந்து அண்ணாசிலை வழியாகவும் எந்தவிதமான வாகன போக்குவரத்திற்கும் அனுமதியில்லை.
• திருவெறும்பூரில் இருந்து சத்திரம் பேருந்து நிலையத்திற்கு செல்லும் அனைத்து நகர பேருந்துகளும் தேவைப்பட்டால் மாலை 6 மணிக்குமேல் டிவிஎஸ் டோல்கேட், ஹெச்பிஓ வழியாக மத்திய பேருந்து நிலையம் வழியாக செல்ல வேண்டும்.
• பஞ்சப்பூர் மற்றும் மத்திய பேருந்து நிலையத்தில் இருந்து சத்திரம் பேருந்து நிலையத்திற்கு பாலக்கரை வழியாக செல்லும் அனைத்து நகர பேருந்துகளும் மாலை 6 மணிக்குமேல் ஹெச்பிஓ, பாலக்கரை, வழியாக செல்லக்கூடாது. அதற்கு பதிலாக எம்ஜிஆர் சிலை, ஸ்டூடண்ட் சாலை, சாஸ்திரி சாலை மார்க்கமாக செல்ல வேண்டும்.

விநாயகர் ஊர்வலம் வழித்தடங்கள்

அதேநேரத்தில், விநாயகர் சிலைகளை காவேரி ஆற்றில் கரைக்க எந்தெந்த வழிதடங்கள் பயன்படுத்தப்படுகின்றன என்பதை இங்கு காணலாம்.

1. பெரம்பலூர் அரியலூர் - மண்ணச்சநல்லூர் - லால்குடி சாலைகளின் வழியாக வரும் விநாயகர் சிலைகள் நம்பர் 1 டோல்கேட் - CP-6, திருவானைக்காவல், மாம்பழச்சாலை வழியாக காவேரி ஆற்றின் இடதுபுறம் விநாயகர் சிலைகளை கரைத்துவிட்டு அறிவுறுத்தப்பட்டுள்ளது.

2. திருவெறும்பூர் சாலை வழியாக வரும் விநாயகர் சிலைகள் பாலக்கரை காந்தி மார்க்கெட் ஆர்ச் - பெரியகடை வீதி - அண்ணா சிலை வழியாக காவேரி பாலத்தின் வலதுபுறம் விநாயகர் சிலைகளை கரைத்துவிட்டு செல்ல அறிவுறுத்தப்பட்டுள்ளது.

3. புதுக்கோட்டை சாலை வழியாக வரும் விநாயகர் சிலைகள் டி.வி.எஸ் டோல்கேட், ஹெச்பிஓ, பிரபாத் ஜங்ஷன், அஞ்சுமன் பஜார் (காயிதே மில்லத் சாலை), காந்தி மார்க்கெட் ஆர்ச், பெரியகடைவீதி, அண்ணா சிலை வழியாக காவேரி பாலத்தின் வலதுபுறம் விநாயகர் சிலைகளை கரைத்துவிட்டு செல்லவேண்டும்.

4. திண்டுக்கல் சாலை வழியாக வரும் விநாயகர் சிலைகள் பொன்நகர் - பெரியமிளகுபாறை மாவட்ட ஆட்சியர் அலுவலகம் வெஸ்ட்ரி ரவுண்டானா எம்ஜிஆர் சிலை - ஸ்டூடன்ஸ் ரோடு - சாஸ்திரி ரோடு - KT ஜங்ஷன் - கரூர் பைபாஸ் ரோடு அண்ணாசிலை வழியாக காவேரி பாலத்தின் வலதுபுறம் விநாயகர் சிலைகளை கரைத்துவிட்டு செல்லவேண்டும்.

5. வயலூர் சாலை வழியாக வரும் விநாயகர் சிலைகள் புத்தூர் 4 ரோடு, சவுத் ஆர்ச்,  நார்த் ஆர்ச், KT ஜங்ஷன், கரூர் பைபாஸ் ரோடு, அண்ணா சிலை வழியாக காவேரி பாலத்தின் வலதுபுறம் விநாயகர் சிலைகளை கரைத்துவிட்டு செல்லவேண்டும்.

6. குழுமணி சாலை வழியாக வரும் விநாயகர் சிலைகள் வெக்காளியம்மன் நகர், ஜங்ஷன், சாலைரோடு நார்த் ஆர்ச், KT ஜங்ஷன், கரூர் பைபாஸ் ரோடு, அண்ணா சிலை வழியாக காவேரி பாலத்தின் வலதுபுறம் விநாயகர் சிலைகளை கரைத்துவிட்டு செல்லவேண்டும்.

மேலும் படிக்க | தொழில் முதலீடு போட்டோ வரவில்லை... வேற போட்டோ தான் வந்தது - CM விஜய்யை தாக்கிய இபிஎஸ்