ECHS Recruitment 2026: 96 காலியிடங்கள், அக்டோபர் 4 விண்ணப்பிக்க கடைசி நாள்

ECHS Recruitment 2026: தெலுங்கானா மற்றும் ஆந்திரப் பிரதேசம் முழுவதும் உள்ள குறிப்பிட்ட ECHS பாலி கிளினிக்குகளில் (polyclinics) ஒப்பந்த அடிப்படையிலான பணியிடங்களுக்கான அறிவிப்பை செகந்திராபாத்தில் உள்ள முன்னாள் படைவீரர் பங்களிப்பு சுகாதாரத் திட்டம் (ECHS Cell) வெளியிட்டுள்ளது. மருத்துவம், துணை மருத்துவம் மற்றும் மருத்துவம் சாராத பிரிவுகளில் மொத்தம் 96 பணியிடங்களுக்கான அறிவிப்பு வெளியிடப்பட்டுள்ளது.

முன்னாள் படைவீரர்கள் (ESM) அல்லது வீரமரணம் அடைந்த வீரர்களின் விதவைகளுக்கு 12 மாத காலத்திற்கும், பிற பொதுமக்களுக்கு 11 மாத காலத்திற்கும் இந்தப் பணி நியமனங்கள் அமையும். தகுதி, விண்ணப்பிக்கும் முறை, ஊதியம் மற்றும் தேர்வு செயல்முறை குறித்த விவரங்களை இந்த பதிவில் காணலாம்.

ECHS Recruitment 2026: பணியிட விவரங்கள்

ECHS பிரிவு அறிவித்துள்ள 96 பணியிடங்களின் விவரம் பின்வருமாறு:

• 4 மருத்துவ நிபுணர்கள் (Medical Specialists), 
• 22 மருத்துவ அதிகாரிகள், 
• 10 பல் மருத்துவ அதிகாரிகள், 
• 3 பொறுப்பு அதிகாரிகள் (Officers-in-Charge), 
• 6 பல் மருத்துவ உதவியாளர்கள்/தொழில்நுட்ப வல்லுநர்கள்/சுகாதார நிபுணர்கள் (Hygienists), 
• 12 மருந்தாளுநர்கள் (Pharmacists), 7 ஆய்வகத் தொழில்நுட்ப வல்லுநர்கள், 
• 1 ஆய்வக உதவியாளர், 3 செவிலியர் உதவியாளர்கள், 
• 3 இயன்முறை சிகிச்சையாளர்கள் (Physiotherapists), 
• 4 தரவு உள்ளீட்டு ஆபரேட்டர்கள்/எழுத்தர்கள், 
• 2 எழுத்தர்கள், 
• 2 பெண் உதவியாளர்கள், 
• 4 காவலாளிகள், 
• 8 துப்புரவுப் பணியாளர்கள் (Safaiwalas) மற்றும் 
• 5 அலுவலக உதவியாளர்கள் (Peons).

மேலும் படிக்க | Flipkart நிறுவனத்தில் வேலை கிடைக்குனுமா? அரசின் வேலைவாய்ப்பு முகாம்.. எங்கு, எப்போது?

ECHS Recruitment 2026: காலக்கெடு

இந்தப் பணியிடங்களுக்கான ஆஃப்லைன் (நேரடி) விண்ணப்ப செயல்முறை தற்போது நடைபெற்று வருகிறது. விண்ணப்பங்களைச் சமர்ப்பிப்பதற்கான கடைசி தேதி அக்டோபர் 4, 2026 அன்று மாலை 6:00 மணி ஆகும்.

ECHS Recruitment 2026: தேவையான தகுதிகள்

குறிப்பிட்ட பணியிடத்தைப் பொறுத்து, விண்ணப்பதாரர்கள் MD/MS, MBBS, BDS, பட்டப்படிப்பு, பல் சுகாதாரத்தில் டிப்ளோமா (Diploma in Dental Hygiene), B.Pharmacy, DMLT, B.Sc. Nursing, GNM, இயன்முறை சிகிச்சையில் டிப்ளோமா, எழுத்தர் பணி சார்ந்த தகுதிகள், 8-ஆம் வகுப்பு தேர்ச்சிச் சான்றிதழ் அல்லது பிற பரிந்துரைக்கப்பட்ட தகுதிகளைக் கொண்டிருக்க வேண்டும். விரிவான தகவல்களுக்கு விண்ணப்பதாரர்கள் அதிகாரப்பூர்வ அறிவிப்பைப் பார்க்கலாம்.

ECHS Recruitment 2026: தேர்வு செயல்முறை

விண்ணப்பங்கள் மற்றும் ஆவணங்களின் சரிபார்ப்பு, எழுத்துத் தேர்வு, நேர்காணல் மற்றும் இறுதித் தகுதிப் பட்டியல் ஆகியவற்றின் அடிப்படையில் தகுதியான விண்ணப்பதாரர்கள் தேர்ந்தெடுக்கப்படுவார்கள்.

ECHS Recruitment 2026: ஊதியம் எவ்வளவு?

தேர்ந்தெடுக்கப்பட்ட விண்ணப்பதாரர்களுக்கு, பணியிடத்தைப் பொறுத்து மாதம் ₹21,800 முதல் ₹1,30,000 வரை ஊதியம் வழங்கப்படும்.

மேலும் படிக்க | தமிழ்நாடு கிராம வங்கியில் வேலை! கடைசி தேதி நீட்டிப்பு..விண்ணப்பிக்க தகுதி என்ன?

ECHS Recruitment 2026: எப்படி விண்ணப்பிப்பது?

• இந்த பணியிடங்களுக்கு விண்ணப்பிக்க, முதலில் ECHS-இன் அதிகாரப்பூர்வ இணையதளத்திற்குச் செல்ல வேண்டும்.
• அதன் பிறகு தொடர்புடைய பணிக்கான விண்ணப்பப் படிவத்தைப் பதிவிறக்கம் செய்யவும். 
• அப்படிவத்தின் நகலை (printout) எடுக்கவும்.
• அதில் தேவையான அனைத்து விவரங்களையும் பூர்த்தி செய்யவும்.
• பூர்த்தி செய்யப்பட்ட விண்ணப்பத்துடன், தேவையான ஆவணங்களை இணைத்து, விண்ணப்பப் படிவத்தை ஒரு உறையில் வைத்து, பின்வரும் முகவரிக்கு அஞ்சல் மூலம் அனுப்பவும்:

விண்ணப்பத்தை அனுப்ப வேண்டிய முகவரி:

பொறுப்பு அதிகாரி,
நிலையத் தலைமையக ECHS பிரிவு,
தலைமையகம் TASA, 
ராஷ்டிரபதி நிலையம் அருகில்,
சிகந்தராபாத் - 500010, 
தெலுங்கானா.

மேலும் படிக்க | டிகிரி இருக்கா? ரயில்வேயில் 3,477 காலியிடங்கள்: அக்டோபர் 8 முதல் விண்ணப்ப செயல்முறை தொடக்கம்