• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Tamil
  • News
  • Videos
  • Photos
  • Short Videos

  • City

Add Zee Business As A Preferred Source
App
  • தமிழகம்
  • இந்தியா
  • உலகம்
  • சினிமா
  • விளையாட்டு
  • ஆன்மீகம்
  • பயனுள்ள தகவல்கள்
  • வேலைவாய்ப்பு
  • ஜி நியூஸ் தமிழ்
  • /மதுரை
  • /அமைச்சர் நிகழ்ச்சியில் பவர்கட் - நிர்மல் குமார் சொன்ன விளக்கம்... வேற காரணம் சொல்லும் TANGEDCO

அமைச்சர் நிகழ்ச்சியில் பவர்கட் - நிர்மல் குமார் சொன்ன விளக்கம்... வேற காரணம் சொல்லும் TANGEDCO

மதுரை அரசு சட்டக் கல்லூரி பட்டமளிப்பு விழாவில் உயர்நீதிமன்ற நீதிபதி மற்றும் அமைச்சர் சி.டி.ஆர். நிர்மல் குமார் ஆகியோர் பங்கேற்றபோது, மின்தடை ஏற்பட்டது. இதற்கு அமைச்சர் நிர்மல் குமார் ஒரு காரணத்தையும், TANGEDCO ஒரு காரணத்தையும் தெரிவித்திருப்பது குழப்பத்தை ஏற்படுத்தி உள்ளது.

Written BySudharsan G
Published: Sep 26, 2026, 01:33 PM IST|Updated: Sep 26, 2026, 02:17 PM IST
joinshare
அமைச்சர் நிகழ்ச்சியில் பவர்கட் - நிர்மல் குமார் சொன்ன விளக்கம்... வேற காரணம் சொல்லும் TANGEDCO
Image Credit: Minister Nirmal Kumar and TANGEDCO | Image Source : X

About the Author

Sudharsan G

Sudharsan G

I’m Sudharsan G, Sub Editor at Zee Tamil News, with over five years of experience in Tamil content writing. I cover Tamil Nadu, national, and international news, along with sports stories that connect with readers. A follower of cricket, cinema, and politics, I bring depth and perspective to every piece. I also have on-screen camera experience, which helps me present news stories in a more engaging and impactful way. Outside work, I enjoy modern Tamil literature and discovering new voices in contemporary writing.
Read More

Trending

  • News
  • Photos
  • Videos
Explained: இந்து மதத்திலிருந்து இஸ்லாமுக்கு மாறினால் BCM இடஒதுக்கீடு கிடைக்குமா? உச்ச நீதிமன்றம் சொல்வது என்ன?

Explained: இந்து மதத்திலிருந்து இஸ்லாமுக்கு மாறினால் BCM இடஒதுக்கீடு கிடைக்குமா? உச்ச நீதிமன்றம் சொல்வது என்ன?

2

ஷேர் மார்க்கெட்டில் லாபம் பார்க்க கைகொடுக்கும் AI... நிறுவனங்களின் ஜாதகத்தையே அலசும் Kwala Intel!

3

வீட்டில் இருந்தே போராட்டம் நடத்தலாம்.. ‘ஜந்தர் மந்தர் சலோ’ வீடியோ கேம் அறிமுகம்!

4

முதல்வர் விஜயின் கோவை விசிட்: ரூ.438.86 கோடி மதிப்பிலான திட்டங்கள் தொடங்கி வைப்பு!

5

16 வயது சிறுமி எழுதிய சாதனை புத்தகம்! PCI தலைவர் தேவேந்திர ஜஜாரியா பாராட்டு…

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

மதுரை அரசு சட்டக் கல்லூரியின் இரண்டாவது பட்டமளிப்பு விழா இன்று (செப். 25) நடைபெற்றது. இந்நிகழ்ச்சியில் உயர்நீதிமன்ற நீதிபதி, சட்டத்துறை அமைச்சர் சி.டி.ஆர் நிர்மல் குமார் உள்ளிட்டோர் பங்கேற்றிருந்தனர்.

இந்நிகழ்வின் மேடையில் உயர்நீதிமன்ற நீதிபதி உரையாற்றி வந்தபோது திடீரென மின்வெட்டு ஏற்பட்டது. இதனால், நிகழ்ச்சியில் சலசலப்பு ஏற்பட்டது. உடனே ஜெனரேட்டர் இயக்கப்பட்டு நிகழ்ச்சி தொடர்ந்து நடந்தது.

ஏற்கெனவே பலமுறை அமைச்சர்கள் பங்கேற்ற நிகழ்வுகளில் மின்தடை ஏற்பட்டிருந்த நிலையில், மின்சாரத்துறை அமைச்சர் சி.டி.ஆர் நிர்மல் குமார் பங்கேற்ற நிகழ்விலேயே மின்தடை ஏற்பட்டது பெரும் பரபரப்பை ஏற்படுத்தியது.

மேலும் படிக்க | தனியார் மயமாகும் மின் கட்டணக் கணக்கெடுப்பு - வரவேற்பும், எதிர்ப்பும்! Explained

TANGEDCO கொடுத்த விளக்கம்

இந்நிகழ்வு குறித்து தமிழ்நாடு மின் உற்பத்தி மற்றும் பகிர்மானக் கழகம் (TANGEDCO) அதன் X பக்கத்தில் விளக்கம் அளித்துள்ளது. TANGEDCO மதியம் 12.26 மணிக்கு அளித்த விளக்கத்தில், "ஒத்தக்கடை துணைமின் நிலையத்தில் உள்ள 110 KV அழகர்கோவில் - பசுமலை மின்பாதையில் இன்று காலை 11:22 மணியளவில் மின்பாதை துண்டிக்கப்பட்டதன் (jumper cut) காரணமாக மின்பாதை பழுதடைந்து மின்தடை ஏற்பட்டுள்ளது" என விளக்கம் அளிக்கப்பட்டுள்ளது.

TANGEDCO

மதுரையில் தற்போது பழுது நீக்கும் பணிகள் தீவிரமாக நடைபெற்று வருவதாகவும்; இன்னும் சுமார் 2 மணி நேரத்தில் மின்விநியோகம் சீரமைக்கப்படும் என்றும் அதில் தெரிவிக்கப்பட்டுள்ளது. இந்நிலையில், அமைச்சர் சி.டி.ஆர் நிர்மல் குமார் அவரின் X தளத்திலும் இதுகுறித்து விளக்கம் அளித்திருந்தார். ஆனால், TANGEDCO அளித்த விளக்கத்திற்கு சற்று முரணாக விளக்கம் அளிக்கப்பட்டுள்ளது.

மேலும் படிக்க | ரேஷன் கடை, கூட்டுறவு வங்கி குறைகளை வாட்ஸ்அப் மூலம் தெரிவிக்கலாம் – அரசு புதிய வசதி!

அமைச்சரின் விளக்கம் என்ன?

அதாவது அமைச்சரின் விளக்கத்தில், "நிகழ்ச்சி வளாகம் ஜெனரேட்டர் மூலமே இயக்கப்பட்டு வந்தது; ஒரு ஜெனரேட்டரில் இருந்து மற்றொரு ஜெனரேட்டருக்கு மின் இணைப்பை மாற்றியதன் காரணமாகவே 5 விநாடிகள் மின்தடை ஏற்பட்டது" என்று குறிப்பிட்டுள்ளார். இந்த பதிவு அமைச்சரின் X பக்கத்தில் மதியம் 12.16 மணிக்கு பதிவிட்டப்பட்டிருந்தது. அமைச்சர் அறிவிப்புக்கு 10 நிமிடத்திற்கு பின்னரே TANGEDCO விளக்கம் அளித்துள்ளது.

CTR Nirmal Kumar

இரண்டு காரணங்களால் குழப்பம்                                                

அழகர்கோவில் - பசுமலை மின்பாதையில் Jumper Cut காரணமாக மின்பாதை பழுதடைந்து மின்தடை ஏற்பட்டுள்ளதாக தெரிவிக்கப்பட்டிருக்கும் நிலையில், அமைச்சரின் பதிவில் ஜெனரேட்டர் மாற்றத்தால் ஏற்பட்ட 5 வினாடி மின்தடை என தெரிவிக்கப்பட்டுள்ளது. ஒரு மின்வெட்டுக்கு இரண்டு வெவ்வேறு காரணங்கள் தெரிவித்திருப்பது குழப்பத்தை ஏற்படுத்தி உள்ளது.

பதிவை டெலீட் செய்த TANGEDCO

மின்வெட்டு குறித்து அமைச்சர் சி.டி.ஆர் நிர்மல் குமார் ஒரு காரணத்தையும், TANGEDCO ஒரு காரணத்தையும் வெளியிட்ட நிலையல், தற்போது TANGEDCO அதன் X பதிவை தற்போது அதன் பக்கத்தில் நீக்கியிருக்கிறது. இது மேலும் பல கேள்விகளை எழுப்பியிருக்கிறது. 

@TANGEDCO_Offcl has deleted this post https://t.co/x323ElknRF

— Kannan Jeevanantham (JK) (@Im_kannanj) September 26, 2026

மின்வெட்டு குறித்து கூறிய காரணம் தவறு என்பதால் பதிவு நீக்கப்பட்டதா அல்லது அமைச்சர் வேறு காரணம் தெரிவித்துவிட்டார் என்பதால் நீக்கப்பட்டதா என்பது குறித்து எவ்வித விளக்கமும் அளிக்கப்படவில்லை.

மேலும் படிக்க | தலைமுடி வெட்டியது ஒரு பிரச்னையா? எனக்கு மட்டும் ஏன் இப்படி? வேதனையில் மேயர் பிரியா

Add Zee News as a Preferred Source
TAGS:
Tamil Nadu