புதுச்சேரி அரசு ஊழியர்களுக்கு ஜாக்பாட்! அகவிலைப்படி 63% ஆக உயர்வு.. யாருக்கு என்ன பலன்?

புதுச்சேரி யூனியன் பிரதேச அரசு ஊழியர்களுக்கு தீபாவளி பரிசாகவும், மகிழ்ச்சியான அறிவிப்பாகவும் அகவிலைப்படி (Dearness Allowance -DA) மேலும் 3 சதவீதம் உயர்த்தப்பட்டுள்ளது. இதன்மூலம் தற்போது 60 சதவீதமாக வழங்கப்பட்டு வந்த அகவிலைப்படி, 63 சதவீதமாக உயர்ந்தது. இது 2026 ஜூலை 1 முதல் முன்தேதியிட்டு அமல்படுத்தப்பட உள்ளது.

மத்திய அரசின் அறிவிப்பைத் தொடர்ந்து நடவடிக்கை

மத்திய நிதி அமைச்சகத்தின் செலவினத் துறை கடந்த அக்டோபர் 29 ஆம் தேதி வெளியிட்ட உத்தரவின் படி, மத்திய அரசு ஊழியர்களுக்கான அகவிலைப்படி 60 சதவீதத்தில் இருந்து 63 சதவீதமாக உயர்த்தப்பட்டது. இந்த உயர்வு 2026 ஜூலை 1 முதல் அமல்படுத்தப்படுவதாக அறிவிக்கப்பட்டது. இந்த அறிவிப்பைத் தொடர்ந்து புதுச்சேரி அரசும் அதே விகிதத்தில் அகவிலைப்படி உயர்வை நடைமுறைப்படுத்த முடிவு செய்துள்ளது.

63 சதவீதமாக உயர்ந்த அகவிலைப்படி

புதுச்சேரி நிதித்துறை வெளியிட்ட அரசாணையின் படி, யூனியன் பிரதேச அரசு ஊழியர்கள் அனைவருக்கும் அடிப்படை சம்பளத்தின் அடிப்படையில் வழங்கப்படும் அகவிலைப்படி 60 சதவீதத்தில் இருந்து 63 சதவீதமாக உயர்த்தப்படுகிறது.

இந்த உயர்வு நேரடியாக அரசு ஊழியர்களின் மாதாந்திர வருமானத்தில் கூடுதல் பலனை ஏற்படுத்தும். குறிப்பாக பணவீக்கத்தால் ஏற்படும் செலவுச் சுமையை சமாளிக்க இந்த உயர்வு உதவியாக இருக்கும் என்று எதிர்பார்க்கப்படுகிறது.

மேலும் படிக்க - சென்னை to புதுச்சேரி..இனி கப்பல்லையே போகலாம்! தமிழ்நாடு அரசின் புது திட்டம்..

அரசு ஊழியர்களுக்கு அரியர்ஸ் தொகை கிடைக்குமா?

தற்போது தான் அகவிலைப்படி உயர்வு அறிவிக்கப்பட்டாலும், அது 2026 ஜூலை 1 முதல் அமலுக்கு வந்ததாகக் கருதப்படும். இதனால் இடைப்பட்ட காலத்திற்கான நிலுவைத் தொகையும் அரசு ஊழியர்களுக்கு வழங்கப்படும். இதன் மூலம் ஊழியர்கள் கூடுதல் சம்பள நன்மையை மட்டுமின்றி, பல மாதங்களுக்கான அரியர்ஸ் தொகையையும் பெற உள்ளனர்.

நிதித்துறை சார்பு செயலர் அறிவிப்பு

இதுகுறித்து நிதித்துறை சார்பு செயலர் சிவக்குமார் வெளியிட்டுள்ள அறிவிப்பில், மத்திய அரசின் 29.10.2026 தேதியிட்ட அலுவலகக் குறிப்பாணையைப் பின்பற்றி, புதுச்சேரி யூனியன் பிரதேச அரசு ஊழியர்களுக்கு அகவிலைப்படி 60 சதவீதத்திலிருந்து 63 சதவீதமாக உயர்த்தி 2026 ஜூலை 1 முதல் முன்தேதியிட்டு வழங்கப்படும் என்று தெரிவிக்கப்பட்டுள்ளது.

அரசு ஊழியர்களுக்கு கூடுதல் நிதி பலன்

அகவிலைப்படி உயர்வு மூலம் புதுச்சேரி அரசு ஊழியர்களின் கையிருப்பு வருமானம் அதிகரிக்க உள்ளது. குறிப்பாக பணவீக்கம் அதிகரித்து வரும் சூழலில், இந்த 3 சதவீத உயர்வு ஆயிரக்கணக்கான ஊழியர்கள் மற்றும் அவர்களது குடும்பங்களுக்கு பொருளாதார ரீதியாக நிவாரணம் அளிக்கும் நடவடிக்கையாக பார்க்கப்படுகிறது.

DA 63% ஆக உயர்வு: புதுச்சேரி அரசு உத்தரவு

மத்திய அரசின் அகவிலைப்படி உயர்வைத் தொடர்ந்து, புதுச்சேரி அரசும் ஊழியர்களுக்கு அதே அளவிலான நன்மையை வழங்கியிருப்பது வரவேற்பைப் பெற்றுள்ளது. 2026 ஜூலை 1 முதல் அமலுக்கு வரும் இந்த 63 சதவீத அகவிலைப்படி உயர்வு, அரசு ஊழியர்களின் வருமானத்தை மேலும் உயர்த்தும் முக்கிய நடவடிக்கையாகும்.

மேலும் படிக்க - அரசு ஊழியர்களுக்கு ஜாக்பாட்! ரூ.7,000 தீபாவளி போனஸ் அறிவிப்பு.. புதுச்சேரி அரசு அதிரடி