Explainer: வருண் சக்ரவர்த்திக்கு பதில்... இந்திய அணியில் எந்த ஸ்பின்னருக்கு வாய்ப்பு கிடைக்கும்?

Varun Chakravarthy Injury Replacement Explained: இந்திய அணி கடந்த இரண்டு ஆண்டுகளாக ஐசிசி கோப்பைகளை வென்று அசத்தியிருக்கிறது. இந்திய அணி மூன்று பார்மட்டிலும் பலம் பெற்று வரும் சூழலில், சமீப காலமாகவே வீரர்கள் தொடர்ச்சியாக காயத்தில் சிக்கி வருவது குறிப்பிடத்தக்கது.

ஓரிரு வீரர் இந்திய அணியின் பிரதான வீரர்கள் பலரும் காயத்தால் அவதிப்பட்டு வருகின்றனர். இவர்கள் அனைவருக்கும் புகலிடமாக பெங்களூருவில் உள்ள பிசிசிஐயின் சிறப்பு மையமே விளங்குகிறது.

மேலும் படிக்க | ரோகித் சர்மா ஓய்வு பெறுகிறாரா? ஆய்வு கூட்டத்தில் நடந்தது என்ன? Explained

காயத்தில் சிக்கியிருக்கும் இந்திய அணி வீரர்கள்

ஜஸ்பிரித் பும்ராவின் பிட்னஸ் தொடர்ச்சியாகவே சிக்கலுக்கு உரியதாகவே உள்ளது. ஹர்திக் பாண்டியா பிட்னஸ் காரணமாக தற்போது வெறும் வொயிட் பால் கிரிக்கெட்டில் மட்டும் விளையாடி வருகிறார். இவர் ஐபிஎல் தொடருக்கு பின் இன்னும் களத்திற்கு திரும்பவில்லை. இப்போதுதான் ஆஸ்திரேலியா ஏ அணிக்கு எதிரான ஒருநாள் தொடரில் இந்தியா ஏ அணியில் ஹர்திக் பாண்டியா சேர்க்கப்பட்டார்.

ஹர்ஷித் ராணா, வாஷிங்டன் சுந்தர், ஆகாஷ் தீப் உள்ளிட்டோர் இன்னும் காயத்தால் அவதிப்பட்டு வருகின்றனர். இவர்கள் முழு உடற்தகுதிபெற பயிற்சி மேற்கொண்டு வருகின்றனர். சாய் சுதர்சன் காயத்தில் இருந்து மீண்டு ஆஸ்திரேலிய ஏ அணிக்கு எதிரான தொடரில் விளையாட இருக்கிறார். நிதிஷ் குமார் ரெட்டி காயத்தில் இருந்து மீண்டு ஆப்கானிஸ்தான் அணிக்கு எதிரான தொடரில் விளையாடி வருகிறார்.

காயத்தில் சிக்கியிருக்கும் வருண் சக்ரவர்த்தி

இந்தச் சூழலில், வருண் சக்ரவர்த்தி மீண்டும் காயத்தில் சிக்கியிருக்கிறார். கடந்த ஜூலை மாதம் இங்கிலாந்து சுற்றுப்பயணத்தில் காயத்தில் வருணுக்கு காயம் ஏற்பட்டிருந்தது. அதில் இருந்து மீண்டு வந்து டிஎன்பிஎல் தொடரில் ஒரே ஒரு போட்டியில் மட்டும் விளையாடிவிட்டு ஆப்கானிஸ்தான் டி20ஐ தொடரில் விளையாடினார்.

முதல் டி20ஐ போட்டியில் 4 ஓவர்கள் வீசி 18 ரன்களை கொடுத்து 1 விக்கெட்டை கைப்பற்றிய வருண் சக்ரவர்த்தி Side Strain காரணமாக நடப்பு ஆப்கானிஸ்தான் தொடரில் இருந்து விலகியிருப்பதாக கூறப்படுகிறது. அதேநேரத்தில் இம்மாத இறுதியில் ஜப்பான் நாட்டில் தொடங்கும் ஆசிய விளையாட்டு போட்டித்தொடரில் பங்கேற்கும் வாய்ப்பும் குறைவாகும்.

பிசிசிஐ யாருக்கு வாய்ப்பளிக்கும்...?

இந்தச் சூழலில், வருண் சக்ரவர்த்திக்கு பதில் ஆசிய விளையாட்டு போட்டித்தொடரில் மாற்று வீரராக யாரை பிசிசிஐ தேர்வு செய்யும் என்பதே பெரும் கேள்வியாக உள்ளது. ஏற்கெனவே இந்திய அணி ஸ்குவாடில் அக்சர் பட்டேல், வாஷிங்டன் சுந்தர்,  ரவி பிஷ்னோய் உள்ளிட்டோர் இருப்பதால் பிசிசிஐ தேர்வு செய்ய வாய்ப்புள்ள நான்கு வீரர்களை இங்கு காணலாம்.

மேலும் படிக்க | இந்தியாவில் போட்டி.. ஆனால் ஆப்கானிஸ்தான் தான் Home Team! ஏன் தெரியுமா? Explained

1. குர்னால் பாண்டியா

• இடதுகை ஆல்-ரவுண்டரான குர்னால் பாண்டியா கடைசியாக 2021ஆம் ஆண்டில்தான் சர்வதேச போட்டியில் விளையாடினார். அதன்பின் அவருக்கு இந்திய அணி வாய்ப்பே கொடுக்கப்படவில்லை.
• 2025, 2026 ஆகிய இரண்டு ஐபிஎல் சீசன்களிலும் குர்னால் பாண்டியா பேட்டிங் மற்றும் பந்துவீச்சில் மிரட்டியிருந்தார். 2026 சீசனில் 14 விக்கெட்டை வீழ்த்தியிருந்தார், எகானமி 8.41 ஆகும்.
• ஏற்கெனவே அக்சர் பட்டேல் இந்திய அணியின் பிளேயிங் லெவனில் இருக்கும் நிலையில் இவருக்கான வாய்ப்பு குறைவுதான் என்றாலும் பேட்டிங் ஆப்ஷனை கொடுப்பதால் இவரை எடுப்பதும் கைக்கொடுக்கலாம்.
• இவர் பின்வரிசையில் இந்திய அணி பேட்டிங்கிலும் கைக்கொடுப்பார். பந்துவீச்சின் போது 4 ஓவர்களை வீசி மிடில் ஓவர்களிலும் கைக்கொடுப்பார்.

2. யஷ் ராஜ் புஞ்சா

• ஐபிஎல் 2026 தொடரில் ராஜஸ்தான் ராயல்ஸ்  அணி வீரராக களமிறங்கி 9 விக்கெட்டை கைப்பற்றி அதிக கவனத்தை பெற்றார். ராஜஸ்தான் ராயல்ஸ் அணியின் பிரதான ஸ்பின்னர் ரவி பிஷ்னோய்யை ஓரங்கட்டியவர் இவர்.
• 6 அடி உயரம் கொண்ட 20 வயதான இவர் கர்நாடகா மாநிலத்தைச் சேர்ந்தவர். ஐக்கிய அரபு அமீரகம் நாட்டில் பிறந்து வளர்ந்தவர். வலது கை லெக் ஸ்பின்னரான இவர் நிச்சயம் இந்திய அணியில் விளையாடும் திறன் பெற்றவர்.
• இவரது உயரம் காரணமாக நல்ல பவுன்ஸ் ஏற்படுகிறது. பேட்டருக்கு நெருக்கடி அளிக்கும் கோணத்தில் இருந்து பந்துவீசக்கூடியவர். தற்போதைய சூழலில் இவரை களமிறக்கிவிட்டு ஆழம் பார்க்க பிசிசிஐ விரும்பும்.

3. விப்ராஜ் நிகம்

• இந்திய உள்நாட்டு தொடர்களில் தொடர்ந்து கவனம் ஈர்த்து வருபவர் விப்ராஜ் நிகம். இவர் பந்துவீச்சு ஆல்-ரவுண்டரும் ஆவார்.
• வலது கை லெக் ஸ்பின்னரான இவரால் 4 ஓவர்களை வீசவும் முடியும், பின்வரிசையில் விரைவாக ரன் அடிக்கவும் திறன் பெற்றவர். டெல்லி கேப்பிடல்ஸ் அணிக்காக கடந்த 2 சீசன்களில் விளையாடி கவனம் ஈர்த்தார்.
• அதிக அழுத்தம் நிறைந்த போட்டிகளில் விளையாடிய அனுபவம் கொண்டவர். எனவே வருண் சகர்வர்த்தி இடத்திற்கு பிளேயிங் லெவனிலும் இடம்பிடிக்க வல்லவர்.

4. குல்தீப் யாதவ்

• மிஸ்டரி ஸ்பின்னராக வருண் சக்ரவர்த்தி இல்லாத நிலையில் பிரதான சுழற்பந்துவீச்சாளராக குல்தீப் யாதவை எடுக்க அதிக வாய்ப்புள்ளது. இவர் டி20ஐ போட்டிகளில் 95 விக்கெட்டை கைப்பற்றி உள்ளார். இவரின் எகானமி 6.95 ஆகும்.
• இவரது பந்துவீச்சு ஜப்பானில் இந்திய அணிக்கு பெரியளவில் கைக்கொடுக்கும். எனவே மற்ற புதுமுகங்களை தேடிச் செல்வதற்கு பதில் குல்தீப் யாதவிற்கு வாய்ப்பளிக்க பிசிசிஐ விரும்பலாம்.

முடிவுரை

வருண் சகர்வர்த்தி இன்னும் ஆசிய விளையாட்டு போட்டித்தொடரில் இருந்து விலகியதாக அதிகாரப்பூர்வமாக அறிவிக்கப்படவில்லை. ஒருவேளை பிசிசிஐ சிறப்பு மையத்தில் அவர் இந்த வாரத்திற்குள் பிட்னஸை நிரூபிக்கவில்லை என்றால் அவரது ஜப்பான் சுற்றுப்பயணம் ரத்தாக அதிக வாய்ப்புள்ளது.

அப்படியிருக்க, குல்தீப் யாதவை அவருக்கு பதில் அனுப்புவது பிசிசிஐக்கு பாதுகாப்பான ஆப்ஷனாக இருக்கும். புதிய வீரர்களை வளர்த்தெடுக்கலாம் என பிசிசிஐ நினைத்தால் விப்ராஜ் நிகம் அல்லது யாஷ் ராஜ் புஞ்சாவை முயற்சிக்கலாம். குர்னால் பாண்டியாவுக்கு வாய்ப்பு குறைவு என்றாலும் அவரை முயற்சிப்பதில் தவறு ஏதுமில்லை.

மேலும் படிக்க | மீண்டும் சர்ச்சை.. IND vs PAK! நக்வியிடம் இருந்து கோப்பை வாங்க மறுப்பது ஏன்? பின்னணி என்ன?