மதுராந்தகம், தாராபுரம்: நாளை மாலை முதல் அமலுக்கு வரும் விதிகள் என்னென்ன?

Madurantakam Dharapuram By-Election Updates: மதுராந்தகம், தாராபுரம் தொகுதிகளின் இடைத்தேர்தல்களுக்கான வாக்குப்பதிவு வரும் அக்டோபர் 6ஆம் தேதி நடைபெற இருக்கிறது. அன்றைய தினம் காலை 7 மணிமுதல் மாலை 6 மணிவரை நடைபெறும்.

இந்நிலையில், நாளையுடன் (அக். 4) இரு தொகுதிகளிலும் பரப்புரை நிறைவடைய இருக்கிறது. இதனால், நாளை மாலை 6 மணி முதல் வாக்குப்பதிவு முடிவடையும் வரையில் சில விதிகள் நடைமுறையில் இருக்கும். இதுகுறித்து தலைமைத் தேர்தல் அதிகாரி மற்றும் அரசு முதன்மைச் செயலாளர் செய்தி அறிக்கையை வெளியிட்டுள்ளார். அவற்றை இங்கு வரிசையாக காணலாம்.

மேலும் படிக்க | ஆபாசம், வன்மம், வக்கிரம்.. சத்யபாமாவை உருவக்கேலி செய்த ஸ்டாலினை விளாசிய CM விஜய்

நாளை மாலை அமலுக்கு வரும் விதிமுறைகள்

• தேர்தல் தொடர்பாக எந்தவொரு பொதுக்கூட்டத்தையோ ஊர்வலத்தையோ யாரும் ஒருங்கிணைக்கவோ, நடத்தவோ அல்லது அவற்றில் பங்கேற்கவோ கூடாது.
• தேர்தல் விவகாரம் தொடர்பாக திரைப்படம், தொலைக்காட்சி, பண்பலை வானொலி, வாட்ஸ்அப், முகநூல், X (முன்பு ட்விட்டர்) போன்றவை மூலமோ அல்லது இதுபோன்ற சாதனம் வாயிலாகப் பொதுமக்களின் பார்வைக்கு வைக்கக் கூடாது. குறுஞ்செய்தி மற்றும் இணையம் உட்பட அனைத்து மின்னணு வடிவிலான தகவல் தொடர்புகளும் இதில் அடங்கும்.
• பொதுமக்களில் எந்தவொரு நபரையும் ஈர்க்கும் வகையில், எந்தவொரு இசை நிகழ்ச்சி அல்லது எந்தவொரு திரையரங்கச் செயல்பாடு அல்லது எவ்வித பிற கேளிக்கை அல்லது பொழுதுபோக்கு நிகழ்ச்சியை நடத்த அல்லது ஏற்பாடு செய்வதன் மூலம் அங்குள்ள பொதுமக்களிடம் எந்தவொரு தேர்தல் விவகாரத்தையும் எந்தவொரு நபரும் பரப்புரை செய்யக் கூடாது.

இந்த விதிமுறைகளை மீறினால் 2 ஆண்டுகள் சிறை அல்லது அபராதம் அல்லது அபராதம், சிறை என இரண்டும் சேர்த்து தண்டனையாக விதிக்கப்படும்.

மேலும் படிக்க | பல்டி பாமா... சர்ச்சையை கிளப்பிய ஸ்டாலின் பேச்சு - அமைச்சர்கள் கண்டனம்

• தொகுதி வெளியே இருந்து அழைத்து வரப்பட்ட அனைத்து அரசியல் கட்சி நிர்வாகிகள், கட்சிப் பணியாளர்கள் ஆகியோரும், அத்தொகுதியின் வாக்காளர்கள் அல்லாதோரும் நாளை மாலை 6 மணிக்கு மேல் அத்தொகுதியை விட்டு வெளியேற வேண்டும்.
• கல்யாணமண்டபம், சமுதாயக்கூடம், தங்கும் விடுதிகள், விருந்தினர் இல்லம் ஆகிய இடங்களில் வெளியாட்கள் யாரேனும் தங்கியுள்ளனரா என்பதும் கண்டறியப்படும்.
• வேட்பாளர்களுக்கு வழங்கப்பட்ட நட்சத்திர பேச்சாளர்கள் உட்பட வாகன அனுமதிகள் நாலை மாலை 6 மணி முதல் செயலாற்றதாகிவிடும்.

வாக்குப்பதிவு அன்று கவனிக்க வேண்டியவை

இரண்டு நபர்களை மட்டுமே கொண்ட, வேட்பாளர்கள்/அரசியல் கட்சிகளின் தேர்தல் அலுவலகம் வாக்குச்சாவடியில் இருந்து 100 மீட்டர்கள் தொலைவிற்கு வெளியே அமைக்கப்படலாம். தேவையில்லாத கூட்டத்தை அவர்கள் அனுமதிக்கக் கூடாது.

வாகன அனுமதி தொடர்பாக வாக்குப்பதிவு அன்று வேட்பாளர்கள் கவனத்தில் கொள்ள வேண்டியவை:

1. வேட்பாளரின் சொந்த பயன்பாட்டிற்கான ஒரு வாகனம்
2. தேர்தல் முகவரின் பயன்பாட்டிற்கான தொகுதிக்கு ஒரு வாகனம்
3. தேர்தல் முகவர் அல்லது அவரது பணியாளர்கள் பயன்பாட்டிற்கான ஒரு வாகனம்.

இந்த வாகனங்களுக்கான அனுமதி தேர்தல் நடத்தும் அலுவலரால் வழங்கப்படும்.

வாக்காளர்களை வாக்குச்சாவடிக்கு அழைத்து வருவதற்கும், வாக்குச்சாவடிகளில் இருந்து அழைத்துச் செல்வதற்கும் வேட்பாளர் அல்லது அவரது முகவர் வாகனத்தை
வாடகைக்கு எடுப்பதற்கு அல்லது வாங்குவதற்கு அல்லது பயன்படுத்துவதற்கு எந்தவொரு வேட்பாளரும் அனுமதிக்கக்கூடாது. இது சட்டப்படி தண்டிக்கப்பட வேண்டிய முறைகேடான செயலாகும்.

மேலும் படிக்க | வெற்றி பயண திட்டம்: எந்தெந்த பேருந்துகளில் கட்டணம் செலுத்த வேண்டும்? வேண்டாம்? - Explained