ஐபிஎல் ஏலத்திற்கு முன் இளம் வீரர்களுக்கு மெகா வாய்ப்பு - இன்று தொடங்கும் SMAT தொடர்... முழு விவரம்

Syed Mushtaq Ali Trophy 2026-27, Explained: இந்திய கிரிக்கெட் கட்டுப்பாட்டு வாரியம் சார்பில் நடத்தப்படும் சையத் முஷ்டாக் அலி கோப்பை, நாட்டின் முக்கியமான உள்நாட்டு டி20 கிரிக்கெட் தொடராகும்.

இந்தியன் பிரீமியர் லீக் எனப்படும் ஐபிஎல் தொடருக்குள் நுழைய உள்நாட்டு வீரர்களுக்கு சையத் முஷ்டாக் அலி கோப்பை தொடர்தான் முதல்படியாகும். SMAT தொடரில், அனுபவ வீரர்களுக்கு எதிராக சிறப்பாக விளையாடும் வீரர்கள் ஐபிஎல் அணிகளின் கண்களில் தென்படுவார்கள் என்பதால் இத்தொடர் இளம் வீரர்களுக்கு பெரிய வாய்ப்பாக பார்க்கப்படுகிறது.

அந்த வகையில், 2026 சீசனில் சையத் முஷ்டாக் அலி கோப்பை தொடர் நவம்பர் 14ஆம் தேதி தொடங்குகிறது. இந்த தொடர் குறித்த முழு விவரத்தையும் இங்கு விரிவாக காணலாம்.

மேலும் படிக்க | IPL Trading Rules: வீரர்களின் சம்மதம் இல்லாமல் டிரேடிங் செய்ய முடியுமா? பிசிசிஐ விதிமுறைகள் என்ன? Explained

SMAT தொடரின் வரலாறு

• 2006-07ஆம் ஆண்டு முதன்முதலில் Inter-State T20 Championship என்ற பெயரில் தொடங்கப்பட்டது. தற்போதைய 2026 சீசன் 19வது தொடராகும்.
• இந்திய முன்னாள் கிரிக்கெட் வீரர் சையத் முஷ்டாக் அலியின் நினைவாக தொடருக்கு 2009ஆம் ஆண்டில் பெயர் மாற்றம் செய்யப்பட்டது. பெயர் மாற்றத்திற்கு பின் 2009-10 சீசன் நடத்தப்பட்டது.
• இந்தியாவுக்காக டெஸ்ட் கிரிக்கெட்டில் விளையாடிய சையத் முஷ்டாக் அலி, வெளிநாட்டு மண்ணில் டெஸ்ட் சதமடித்த முதல் இந்தியர் என்ற பெருமைக்குரியவர்.
• முதல் தொடருக்கு பின் 2007-08, 2008-09 ஆகிய ஆண்டுகளில் இரண்டு சீசன்கள் இந்த தொடர் நடத்தப்படவில்லை. 2009-10 சீசனில் மீண்டும் தொடர் நடத்தப்பட்டது.
• 2016-17 சீசனில் வழக்கமான மாநில அணிகளுக்குப் பதிலாக தொடர் நடைபெறாமல், 5 மண்டல அணிகள் (Zonal Teams) பங்கேற்கும் வகையில் தொடர் நடத்தப்பட்டது. இதில் East Zone முதலிடம் பிடித்தது.

கோப்பையை வென்ற அணிகள்

• SMAT தொடரில் அதிக முறை கோப்பையை வென்ற அணியாகத் தமிழ்நாடு திகழ்கிறது. இதுவரை 2006-07, 2020-21, 2021-22 என மூன்று முறை சாம்பியன் பட்டம் வென்றது.
• பரோடா, குஜராத், கர்நாடகா, மும்பை அணிகள் தலா 2 முறை கோப்பையை வென்றுள்ளன.
• மகாராஷ்டிரா, பெங்கால், உத்தர பிரதேசம், டெல்லி, பஞ்சாப், ஜார்க்கண்ட் அணிகள் தலா 1 முறை கோப்பையை வென்றுள்ளன.
• கடந்த 2025-26 சீசனில் இஷான் கிஷன் தலைமையிலான ஜார்க்கண்ட் அணி சாம்பியன் பட்டத்தை வென்றது.
• அதேநேரத்தில் பஞ்சாப் அணி நான்கு முறையும், பரோடா மூன்று முறையும், மத்திய பிரதேசம் 2 முறையும் இறுதிப்போட்டிக்கு வந்து கோப்பையை தவறவிட்டுள்ளன. அதேபோல், ஹைதராபாத், ராஜஸ்தான், ஹிமாச்சல் பிரதேசம், ஹரியானா, மகாராஷ்டிரா, உத்தர பிரதேசம், தமிழ்நாடு, கர்நாடகா ஆகிய அணிகள் தலா 1 முறை இறுதிப்போட்டியில் தோல்வியடைந்துள்ளன.

SMAT 2026-27 : மொத்தம் எத்தனை அணிகள்?

• சையத் முஷ்டாக் அலி கோப்பை தொடர் நவம்பர் 14ஆம் தேதி (சனி - இன்று) தொடங்கி வரும் டிசம்பர் 6ஆம் தேதிவரை நடைபெற இருக்கிறது.
• சையத் முஷ்டாக் அலி கோப்பை தொடரின் எலைட் குரூப்பில் 32 அணிகளும்; பிளேட் குரூப்பில் 6 அணிகளும் விளையாடுகின்றன. எலைட் குரூப்தான் பிரதான அணிகள் இடம்பெறும். கத்துக்குட்டி அணிகள் பிளேட் குரூப்பில் இடம்பெறும்.
• பிளேட் குரூப்பில் முதலிடத்தை பிடிக்கும் அணி அடுத்தாண்டு எலைட் குரூப்புக்கு முன்னேறும். அதன்படி கடந்தாண்டு பிளேட் குரூப்பில் முதலிடம் பிடித்த மிசோரம் அணி, இந்தாண்டு எலைட் பிரிவுக்கு முன்னேறி உள்ளது.
• எலைட் குரூப்பில் கடைசி இரண்டு இடங்களை பிடிக்கும் அணிகள் பிளேட் குரூப்புக்குச் சென்று பின்னடைவை சந்திக்கும். அதன்படி கடந்தாண்டு எலைட் பிரிவில் கடைசி இடத்தை பிடித்த அணி சர்வீசஸ். இந்தாண்டு சர்வீசஸ் அணி பிளேட் குரூப்புக்குச் சென்றிருக்கிறது.

SMAT 2026-27 : பார்மட்

• எலைட் குரூப்பில் இடம்பெற்றுள்ள 32 அணிகள், 4 பிரிவுகளாக பிரிக்கப்பட்டுள்ளன. A, B, C, D என ஒவ்வொரு பிரிவிலும் தலா 8 அணிகள் இடம்பெறும். லீக் சுற்றில் ஒரு அணி தனது பிரிவில் இடம்பெற்றுள்ள மற்ற 7 அணிகளுடன் தலா 1 முறை மோதும்.
• லீக் சுற்றின் முடிவில் ஒவ்வொரு பிரிவிலும் முதலிரண்டு இடங்களை பிடிக்கும் 8 அணிகள் அடுத்த சூப்பர் லீக் சுற்றுக்கு தகுதிபெறும். அதில் எட்டு அணிகளும் தலா 2 பிரிவாக பிரிக்கப்படுவார்கள். அதில் ஒரு அணி தனது பிரிவில் இடம்பெற்றுள்ள மற்ற 3 அணிகளுடன் தலா 1 முறை மோதும்.
• சூப்பர் லீக் சுற்றில் இரண்டு பிரிவிலும் முதலிடத்தைப் பிடிக்கும் அணிகள் இறுதிப்போட்டிக்கு தகுதிபெறும். டிசம்பர் 6ஆம் தேதி அன்று இறுதிப்போட்டி நடைபெறும்.

மேலும் படிக்க | SMAT தொடரில் விளையாடும் 14 CSK வீரர்கள்... எந்தெந்த அணியில் யார் யார்...? இதோ

SMAT 2026-27 : எலைட் மற்றும் பிளேட் குரூப் அணிகள் விவரம்

SMAT 2026-27 : எந்தெந்த நகரங்களில் போட்டி நடக்கும்?

எலைட் குரூப்பில் இடம்பெற்றுள்ள அணிகள் மும்பை, இந்தூர், மொஹாலி, நியூ சண்டிகர், கொல்கத்தா ஆகிய நகரங்களில் உள்ள 8 மைதானங்களில் போட்டிகள் நடைபெறும். நாகாலாந்தின் சோவிமா நகரில் பிளேட் குரூப் போட்டிகள் நடைபெறும்.

SMAT 2026-27 : கவனிக்க வேண்டிய Uncapped வீரர்கள்

1. துஷார் ரஹேஜா (தமிழ்நாடு)
2. சலில் அரோரா (பஞ்சாப்)
3. அஸ்வின் ஹெப்பர் (ஆந்திரா)
4. சத்யநாராயண ராஜூ (ஆந்திரா)
5. ஷேக் ரஷீத் (ஆந்திரா)
6. அபிஷேக் பொரேல் (பெங்கால்)
7. அன்கித் குமார் (ஹரியானா)
8. பிரசாந்த் வீர் (உத்தர பிரதேசம்)
9. கார்த்திக் சர்மா (ராஜஸ்தான்)
10. அசோக் சர்மா (ராஜஸ்தான்)
11. அர்ஷின் குல்கர்னி (மகாராஷ்டிரா)
12. அனுகுல் ராய் (ஜார்க்கண்ட்)
13. விக்னேஷ் புதூர் (கேரளா)
14. ராஜ் லிம்பானி (பரோடா)
15. ரஷிக் சலாம் (பரோடா)
16. ஷிவாலிக் சர்மா (பரோடா)
17. பிரியான்ஷ் ஆர்யா (டெல்லி)
18. தேஜஸ்வி தஹியா (டெல்லி)
19. ஆயுஷ் தோசேஜா (டெல்லி)
20. உர்வில் பட்டேல் (குஜராத்)
21. அஷுதோஷ் சர்மா (குஜராத்)
22. நிஷாந்த் சிந்து (ஹரியானா)
23. நெஹல் வதேரா (ஹிமாச்சல் பிரதேசம்)
24. அப்துல் சமத் (ஜம்மு காஷ்மீர்)
25. பிரிஜேஷ் சர்மா (ஜம்மு காஷ்மீர்)
26. ரவிசந்திரன் ஸ்மரன் (கர்நாடகா)
27. மன்வந்த் குமார் (கர்நாடகா)
28. வித்வத் கவேரப்பா (கர்நாடகா)
29. விஷ்ணு வினோத் (கேரளா)
30. சல்மான் நிசார் (கேரளா)
31. அனிகேத் வர்மா (மத்திய பிரதேசம்)
32. மங்கேஷ் யாதவ் (மத்திய பிரதேசம்)
33. சிவாங் குமார் (மத்திய பிரதேசம்)
34. சாஹில் பராஹ் (மகாராஷ்டிரா)
35. ராமகிருஷ்ண கோஷ் (மகாராஷ்டிரா)
36. டேனிஷ் மலேவர் (விதர்பா)
37. நிசிகேட் பூட்டே (விதர்பா)
38. பிரபுல் ஹிங்கே (விதர்பா)
39. தர்ஷன் நல்கண்டே (விதர்பா)
40. சுவஸ்திக் சிக்காரா (உத்தர பிரதேசம்)
41. ஆர்யன் ஜூயல் (உத்தர பிரதேசம்)
42. சமிர் ரிஸ்வி (உத்தர பிரதேசம்)
43. கார்த்திக் தியாகி (உத்தர பிரதேசம்)
44. மோஷின் கான் (உத்தர பிரதேசம்)
45. நாராயண் ஜெகதீசன் (தமிழ்நாடு)
46. ஆன்ட்ரே சித்தார்த் (தமிழ்நாடு)
47. ஷாருக்கான் (தமிழ்நாடு)
48. பி சச்சின் (தமிழ்நாடு)
49. மணிமாறன் சித்தார்த் (தமிழ்நாடு)
50. குர்ஜப்னீத் சிங் (தமிழ்நாடு)
51. ருசித் அஹிர் (சௌராஷ்டிரா)
52. முகுல் சௌத்ரி (ராஜஸ்தான்)
53. மஹிபால் லோம்ரோர் (ராஜஸ்தான்)
54. அன்மோல் பிரீத் சிங் (பஞ்சாப்)
55. பிரப்சிம்ரன் சிங் (பஞ்சாப்)
56. உதய் சஹாரன் (பஞ்சாப்)
57. விஹான் மல்ஹோத்ரா (பஞ்சாப்)
58. கார்த்திக் சதா (பஞ்சாப்)
59. ஷஷாங்க் சிங் (புதுச்சேரி)
60. அமான் கான் (புதுச்சேரி)
61. சின்மே சுதார் (மிசோரம்)
62. அங்கிரிஷ் ரகுவன்ஷி (மும்பை)
63. அதர்வா அன்கோலேகர் (மும்பை)
64. முஷீர் கான் (மும்பை)

SMAT 2026-27 : விளையாடும் நட்சத்திர வீரர்கள்

1. வைபவ் சூர்யவன்ஷி (பிகார் - கேப்டன்)
2. சூர்யகுமார் யாதவ் (மும்பை - கேப்டன்)
3. சஞ்சு சாம்சன் (கேரளா - கேப்டன்)
4. ருதுராஜ் கெய்க்வாட் (மகாராஷ்டிரா)
5. சிவம் தூபே (மும்பை)
6. ஷர்துல் தாக்கூர் (மும்பை)
7. சர்பராஸ் கான் (மும்பை)
8. முகேஷ் சர்மா (பெங்கால்)
9. முகமது ஷமி (பெங்கால்)
10. ஆவேஷ் கான் (ம.பி)
11. ரஜத் பட்டிதார் (ம.பி)
12. புவனேஷ்வர் குமார் (உ.பி)
13. தீபக் சஹார் (ராஜஸ்தான்)
14. ராகுல் சஹார் (ராஜஸ்தான்)
15. குர்னால் பாண்டியா (பரோடா)
16. ஜித்தேஷ் சர்மா (பரோடா)
17. பிருத்வி ஷா (மகாராஷ்டிரா)
18. மணிஷ் பாண்டே (கர்நாடகா)
19. கருண் நாயர் (கர்நாடகா)
20. உம்ரான் மாலிக் (ஜம்மு காஷ்மீர்)
21. வருண் சக்ரவர்த்தி (தமிழ்நாடு)
22. ஹர்ஷித் ராணா (டெல்லி)
23. மயங்க் யாதவ் (டெல்லி)

SMAT 2026-27 : தமிழ்நாடு அணி ஸ்குவாட்

துஷார் ரஹேஜா, அமித் சாத்விக், நாராயண் ஜெகதீசன், பி. சச்சின், ஆண்ட்ரே சித்தார்த், ரித்திக் ஈஸ்வரன், ஷாருக் கான், சாய் கிஷோர் (கேப்டன்), சன்னி சந்து, ஆர். ராஜ்குமார், குர்ஜப்னீத் சிங், ஜி. கிஷூர், எம். சித்தார்த், வருண் சக்கரவர்த்தி, அதிசயராஜ் டேவிட்சன், சிலம்பரசன்

*நடராஜன் முதற்கட்ட ஸ்குவாடில் சேர்க்கப்பட்ட நிலையில், தற்போது அவருக்கு பதில் சிலம்பரசன் சேர்க்கப்பட்டுள்ளார்.

SMAT 2026-27 : நேரலையில் பார்ப்பது எப்படி?

போட்டி நடைபெறும் தினத்தன்று, எலைட் குரூப் போட்டிகள் காலை 9, காலை 11, மதியம் 1.30, மாலை 4.30 என நடைபெறும்.

தொலைக்காட்சி: ஸ்டார் ஸ்போர்ட்ஸ் நெட்வோர்க்

ஓடிடி: ஜியோ நெட்வோர்க்

ஐபிஎல் அணிகள் வரும் நவம்பர் 17ஆம் தேதி தங்களின் வீரர்களை தக்கவைக்க கடைசி நாளாகும். முதல் சுற்று போட்டிகள் நவம்பர் 14ஆம் தேதியும், 2வது சுற்று போட்டிகள் நவம்பர் 16ஆம் தேதியும் நடைபெற இருக்கிறது. எனவே, இளம் வீரர்களுக்கு முதலிரண்டு சுற்று போட்டிகள் முக்கியத்துவம் வாய்ந்ததாக கருதப்படும்.

அதேநேரத்தில், டிசம்பர் 16ஆம் தேதி ஐபிஎல் ஏலம் நடைபெறும் என்பதால் இளம் வீரர்களும், அனுபவ வீரர்களும் இந்த தொடரில் சிறப்பாக விளையாட வேண்டும் என எண்ணுவார்கள். எனவே இந்த தொடர் இந்திய கிரிக்கெட்டுக்கு பெரும் முக்கியத்துவம் வாய்ந்ததாகும்.

மேலும் படிக்க | ஹர்திக் பாண்டியாவை வெளியேற்றியதே இவர்தான்.. மும்பை இந்தியன்ஸில் நடந்தது என்ன?