தென்கிழக்கு வங்கக்கடலில் நிலவும் ஆழ்ந்த காற்றழுத்த தாழ்வு பகுதி, நாளை காற்றழுத்த தாழ்வு மண்டலமாக வலுப்பெற்று, நவம்பர் 16-ஆம் தேதி மாலை மத்திய வங்கக்கடலில் புயலாக மாற வாய்ப்புள்ளதாக வானிலை ஆய்வு மையம் தெரிவித்துள்ளது. இந்தப் புயலுக்கு ஈரான் பரிந்துரைத்த ‘அக்வான்’ எனப் பெயரிடப்பட உள்ளது. இதன் காரணமாக, மேற்குத் தொடர்ச்சி மலை மாவட்டங்கள், தென் தமிழகம், டெல்டா மற்றும் வட கடலோர மாவட்டங்களில் அடுத்த சில நாட்களுக்கு லேசானது முதல் மிதமான மழை பெய்யக்கூடும். மேலும், பலத்த காற்று வீசக்கூடும் என்பதால் அந்தமான் மற்றும் தென்கிழக்கு வங்கக்கடல் பகுதிகளுக்கு மீனவர்கள் செல்ல வேண்டாம் என எச்சரிக்கை விடுக்கப்பட்டுள்ளது.