கூவம் ஆற்றில் குப்பைகள் கலப்பு - ஆவடி மாநகராட்சிக்கு கண்டனம்!

திருவள்ளூர் மாவட்டம், சேக்காடு கிராமத்தில் கூவம் ஆற்றங்கரையோரம் அமைந்துள்ள குப்பைக் கிடங்கில் முறையற்ற வகையில் திடக்கழிவுகள் கொட்டப்படுவதாகப் புகார் எழுந்தது. மேலும், குப்பைக் கிடங்கின் சுற்றுச்சுவர் சேதமடைந்ததால், குப்பைகள் ஆற்றில் கலப்பதும், குப்பைகள் தீவைத்து எரிக்கப்படுவதும் தொடர்பாக வழக்கு தொடரப்பட்டது. இந்த வழக்கை விசாரித்த தீர்ப்பாயம், ஆவடி மாநகராட்சியின் திடக்கழிவு மேலாண்மை நடவடிக்கைகள் திறனற்றதாகவும், போதுமானதாக இல்லாமலும் இருப்பதாகக் குறிப்பிட்டது. கூவம் ஆற்றில் குப்பைகள் கலப்பதைத் தடுக்கத் தவறியதாகக் கூறி, ஆவடி மாநகராட்சிக்கு தேசிய பசுமைத் தீர்ப்பாயத்தின் தென்மண்டல அமர்வு கடும் கண்டனம் தெரிவித்துள்ளது. கூவம் ஆற்றிலோ, அதன் அருகிலுள்ள நிலப்பகுதிகளிலோ மாசுபடுத்தும் பொருட்கள் கலக்காத வகையில் நடவடிக்கை எடுக்க வேண்டும் என்றும், இதற்கான செயல் திட்டத்தை முறையாக அமல்படுத்த வேண்டும் என்றும் உத்தரவிட்டது. மேலும், கடந்த காலங்களில்